tgoop.com/bassempoems/1161
Last Update:
✨خدمة محبي باسم الكربلائي تقدم:
📜قصيدة : شوقي و حنين - روح وخواطر
✒للشاعر : حيدر ال طلاق
شوقي وحنين ايامي قلبي لوصالك ظامي
حيدر علي حيدر علي يا دنيتي و احلامي
🌺🌺🌺🌺🌺
من بادي عهدي تعلقت روحي بجمال عيونك
قبل الرضاعة عاشقك انا و جنت مجنونك
عشت العمر بين المحبين و من يعادونك
شفت الحياة بلا ثمن يابالحسن من دونك
جنت بجميع ادواري نثري و جميل اشعاري
نورك جلي نورج جلي في قدرتي و الهامي
🌺🌺🌺🌺🌺
ليش انده بكل معضلة باسم الوصي وبذاته
لني سمعت المصطفى ينادي علي بشداته
ذكرك عبادة مو عبث معنى و الى غاياته
ذكرت دوى ذكرك فرج تحوي العطر ورداته
اصرخ علي من اعثر باسمك دليلي يستر
تحضر الي تحضر الي وتمحي جميع آلامي
🌺🌺🌺🌺🌺
عالم حياتي يا علي بحبك الطاهر ورد
قلبي خضر باسمك يظل مهما العمر جاز الحد
اسمك شرف للألسنة حتى العرش بي ردد
انته الشهادة الثالثة البيها الوجود تشهد
صوت المنارة ينادي باسمك يا روح الهادي
انته الولي انته الولي وانته الوصي والحامي
🌺🌺🌺🌺🌺
ما اروى انا من وصالك يا علي شما يكثر
هل من مزيد اهتف وانادي كل مدد يا حيدر
يا شوقي يا هب النسيم الي جلالك يسحر
كل ما تمرني يا علي بنبضاتة قلبي كبر
حبك سحر بعروقي يا مطلبي و معشوقي
يالمعتلي يالمعتلي قلبي و اساس اسلامي
🌺🌺🌺🌺🌺
حبك يا حيدر جنتي فصل الربيع الساحر
بيه السعادة و الهنى و بيه المحب متفاخر
هذا ابد مو اي حشي لا ولا فكرة شاعر
تشهد تجارب شيعتك بالماضي و بالحاضر
للشدة كل ما ردتك شفت الامل بمحبتك
وبساحلي وبساحلي ينزل نداك الهامي
🌺🌺🌺🌺🌺
◇◈◇⇩..تابعونا..⇩◇◈◇
💻Facebook
http://goo.gl/wWhTbp
📷Instagram
https://instagram.com/m7bebasim
💠telegram
https://goo.gl/6LsbHO
للقصائد المكتوبة
https://goo.gl/HcQgJe
📲Whatsapp
0096170873295
0097333683657
009647811660503
*من باب احترام حقوق الآخرين*
*نرجو عدم تغيير روابط الخدمة*
🔱خدمة محبي باسم الكربلائي🔱
BY 🏴محبي باسم الكربلائي/القصايد المكتوبة🏴
Share with your friend now:
tgoop.com/bassempoems/1161