tgoop.com/bashkhanzaman/44
Last Update:
😱Башҡортостанда МХО яугирының улы ҡулға алынған
❗Баҡтиһәң, 17 йәшлек егет Украина махсус көстәре ҡушҡанды үтәп йөрөгән: унан һорау алыу барышынан видеоны РИА Новости агентлығы интернетта урынлаштырған. Йәш кеше дошман өсөн мәғлүмәт йыйыуын таный.
Егеттең атаһы 2022 йылда Махсус хәрби операцияға мобилизация буйынса алынған, әлеге көндә госпиталдә ята.
❓Был йәш кешене нисек вербовкалағандар һуң?
⭕Яп-ябай: студент эш эҙләп иғлан урынлаштырған һәм уға интернет-чат аша бәйләнешкә сыҡҡандар. Тәүҙә граффити сыймаҡлау йәки төрлө объекттарҙы фотоға төшөрөү кеүек еңелерәк йомош ҡушҡандар һәм бының өсөн аҡса түләгәндәр.
🟡Ә яңы йыл каникулдарында Рязангә барып нефть эшкәртеү заводын ентекләп видеоға төшөрөргә тәҡдим иткәндәр һәм 65 мең һум тирәһе күсергәндәр.
🟡Ҡаҙанда иптәш ҡыҙы менән бергә ул балалар баҡсаһын, парковка урынын, хостел һәм сиркәүҙе фотоға төшөрөп, 50 мең һум тирәһе “эшләгән”.
🟡Хәйбулла районындағы баҡыр-цинк ятҡылыҡтарын фотоға төшөрөүҙән баш тартҡан һәм был эшкә башҡаларҙы ялларға тәҡдим иткән.
🟡Шунан унан локомотивҡа ут төртөргә һәләтле кешене
эҙләп табыуын үтенәләр. Егет Телеграм-каналда был турала иғлан ҡуя һәм хоҡуҡ һаҡлау органдары уны ҡулға ала.
❗Терроризм һәм дәүләткә хыянатта ғәйепләнгән ҡулға алыныусы һәм уның әшнәләре 20 йылға тиклем иркенән мәхрүм ителеүе ихтимал.
💯Бына шулай, юҡҡа ғына “Буш сыр – сысҡан тоҙағында ғына”, тимәйҙәр бит! Еңел аҡса артынан ҡыуып, яҙмышын боҙған егет бик тә йәл. Балаларығыҙ нимә менән шөғөлләнеүе тураһында ҡыҙыҡһынып тороғоҙ, тип кенә әйтә алабыҙҙыр...
BY Ханзаман 🖋
Share with your friend now:
tgoop.com/bashkhanzaman/44