tgoop.com/bashannanuuf/3726
Last Update:
CARII👇
KUTAA 2²ffaa
......konkolaatichi kufaati hamaa waan kufeef lubbuun namoota muraasaa darbeera....warreen kaan irra miidhamni ciccimaan ga'eera....waarra miidhamni ciccimaan irra ga'e keessa Carii fi daadhiin ilmi obbo xaafa isaan tokkodha.
Obbo xaafanis miidhamaniiru garuu midhamni isaani akka warreen kaanii hammaata miti. cariin akka waldhaansa ga'aa argattuuf namni bukkee dhaabatu tokkollee hin jiru...Silas "hiyyeessaaf taraf hin jedhu tataraf itti jedha" akkuma jedhan Hiyyuumaashee fi nama dhabuushee bukkeetti balaa kanaaf saaxilamtee jirti. gaafa konkolaatichi garagalu warri miidhaman akka hospitaala galan kan godhe tirafikii yoo ta'uu, erga sana Warri fira qaban firri isaanii dhufanii miidhama isaaniif kunuunsa barbaachisu taasisaafi, Amma tokko yaaddoo isaanii irraa qooddataniiru. Cariin garuu "Cittoo irratti fanxoo" Akkuma jedhan Maatii dhabuu isheerratti Miidhamni kun irra ga'uu isaatiin namni "abbaan kanaa eenyu ?" jedhuun tokkollee nii dhabame. Cariin du'aaf jireenya gidduutti mararamtee boo'aa akkas ofiin jette. "
maal yaa waaq! dhiphina kanaa mannaa gaafuma sana konkolaatan sun otoo na ajjeeseera ta'ee akkam gaarii turee'" jetti, keessoo isheetti as laaltee achi laaltee gaafa kophaa taatu.
"Maaltu jireenya koo jeeqaa?
Eessaan manakoo lixxee..?
Maaf Kophaa koo na dhiphifta
Maatii koo narraa fixxee....
Maaf milkiin na baqatee?
Qullaa kootti na dhiisee...
Maafan kophaakoo boo'aa?
Gidirfameetoo ciisee......
Maaliif abdiinkoo goggoge
Deebi'eetoo hin marguu??
Maaliif waaqnii natti siqee
Dhiphina koo hin arguu?
Jireenyi keenya maaf diigame
Maaliif kophaatti na ambiftee
Maaliif saree roobaa na gootee
Guyyaa saafaa na salphiftee??
Haala rakkisa keessa teessee
Rakkoo hamaan dararamtee...
Jettee boo'aa turte cariin....
Garaan gaddee mararamtee"
Otuma haala rakkisaa jireenya nama jibbisiisu keessa jirtuu guyyoota lakkoofsifte. Obbo xaafan hospitaaluma keessa turan. garuu Cariin wal arguuf carraa hin arganne. obboo xaafan akka tasaa guyyaa tokko carii argee akka isheen itti jirtu hammaata ta'uus hubate. Cariin gaafa Obbo xaafaa argituu dhukkubnishee waan itti fure fakkaatti. Oboo Xaafaanis miidhamni ishee waan isa gaddisiisef mucaa isaa daadhi wajjiin yaali akka argattuf murteesse. turtii guyyaa muraasa booda cariif daadhiin yaali ga'aa waan argataniif miidhama isaanirraa damdamatan! obboo xaafanis cariin hanga guutummaa guututi fayyitutti carii of bira tursiisuf murteessan! Cariin Gargaarsa Obbo Xaafaafi Gargaarsa waaqayyootiin guutummaatti miidhama isheerraa fayyiteetti. Haalonni ishee muudatan yaada ishee jijjiirsisaniiru, Maal gootiree? Tarkaanfii gara biraa fudhachuuf humna hin qabdu, Gara firaatti baqachuuf fira hin qabdu, gara maagala deemte jiraachuf kan kaatefis dhiistee gara Mana Abba isheetti koophaa deebi'uf murtessite. Obbo xaafafi maati isaanitti nagaa dhaamte, Gara duubaatti deebitee mana namni keessa hin jirretti galuuf qajeelte...."Kan lafatti jibban siree namatti korti" Akkuma jedhan Cariin yeroo mana Abbaa ishee geessuu waan isheen hin yaannetu ishee muudate......
Kutaa 3ffaan itti fufa.....
Barreessaan👇👇
https://www.facebook.com/samuelgirma.samuel.1
BY Sona walaloo
Share with your friend now:
tgoop.com/bashannanuuf/3726