tgoop.com/aymwc/2660
Last Update:
مشايه طول العمر مشايه
*
اشتاگينه وحنينه للغالي نعتني
مشايه وگلناها ماكو احله من المشي
للحسين طلعت المشايه
ملايين رايه تتبع رايه وما نتعب وما نتعب
حلوه ايام الزياره احساب نحسب ليها
نمشي والممشه شحلاته وكل تعب مابيها
وفايه شيعه ونظل وفايه
*
كل خطوه نمشيها معناها شگد اجر
وايامه شگد حلوه والزهره من العمر
تشوفون يمشي شاب وشايب
بالعيون شوگه وشگد ذايب شفناها شفناها
الزاير انفاسه زكيه وبيها عطر الزهره
تعادل الخطوه بمشينه الف حجه وعمره
بالرايه يحله المشي بالرايه
**
شد حيلك يالزاير وتنخه بفاطمه
وحسينك زواره يرفعهم للسمه
علي وياك يحرس مشايه
علي وياك لا تنزل الرايه يالزاير يالزاير
هنه جم يوم ونريدك اجر تاخذ بيهن
وانه وانته يالموالي كل سنه انتانيهن
اهوايه بيهن ثواب اهوايه
*
بعيونك دمعاتك واشواگك بالگلب
يالزاير والمهدي ينتظرك عالدرب
شد الحيل والتقي بالمهدي
شد الحيل اله ايحسبك جندي ويسجلك ويسجلك
المهدي هذا وبيده رايه واگف ايحييكم
لا تقصرو وي زينب بالمشي ايوصيكم
عنايه الطف كربله عنايه
****
كل زاير خطواته تسبيحه تنحسب
والزاره بجبينه مقبوله تنكتب
بهل احساس نمشي خطوه بخطوه
بهل احساس والمواكب حلوه شفناها شفناها
لا شك بهاي المواكب ابو صالح حاضر
ايصيح وي اهل المواكب ياهله بالزاير
احجايه ياهله احله احجايه
***
يالزاير من تمشي ليهمك حر ابد
شما تتعب لحسينك تتجازه وعالوعد
بالشموس جثته امخليها
بالشموس امشي لتهم بيها بحساسك بحساسك
اذكر الصار عله زينب وعتني بخطواتك
وكون من تذكر سبيها ترتفع صرخاتك
الغايه زينب تظل الغايه
****
تمت
ميثم العمري
BY قناة الرادود علي الصالحي
Share with your friend now:
tgoop.com/aymwc/2660