tgoop.com/aymwc/2576
Last Update:
اليوم شيخ الساده ذب عمامته
شاف اخيه برمح طـــرو هامته
,,,,,,,,,,,,,,,,,,,,,,,,,,,,,,,,,,,,,,,,,,
وصل يم عضيده وينــــوح ويــــــون
يگله كلبي أنطر يخويه أمن الحـــزن
أم البواجي اسود صبح خـويه الجفن
ضايعه ارســـومك يويلي أمن الطعن
گــــوم كلبي يحن عليك يريدك
شلون ترحل خويه عن عضيدك
,,,,,,,,,,,,,,,,,,,,,,,,,,,,,,,,,,,,,,,,,,
تمدد گباله وكعد يبجي وينــــــــوح
خــــويه دونـك راح اضل بلايه روح
ومن تفاركني تفز بـــــــيه الجــروح
حيرتني بطيحتك جـا ويـــــن اروح
گـوم وارحم بيه ها يعضيدي
توني فارگت انه خويه وليدي
,,,,,,,,,,,,,,,,,,,,,,,,,,,,,,,,,,,,,,,,,,
صعبه ارد بـــــدون طـــــولك للخيم
هدومي من جسمك يخـــويه كله دم
ضهري محني وكلبي ياكلبي نـــــهدم
ياگســــــرتي خــــــلاف طولك والالم
محلفك بزينب يخي حـــــاجيني
ليش يـــــم هــــاي العده تبجيني
,,,,,,,,,,,,,,,,,,,,,,,,,,,,,,,,,,,,,,,,,,
تدري زينب عينه أعله الــــرايــــــه
وتنتظر جيتـــــــك يبو الــــــــوفايه
مــن تگلي الگمر ويــــــن ومــــــايه
انتـــــــه فـي الخيمه وانتـــــه الثايه
ياخيمنه تطيح خــــويه أخلافك
وزينب اختك تنتظرها أوصافك
,,,,,,,,,,,,,,,,,,,,,,,,,,,,,,,,,,,,,,,,,,
الشاعر سيد حسن الياسري
BY قناة الرادود علي الصالحي
Share with your friend now:
tgoop.com/aymwc/2576