tgoop.com/aymwc/2520
Last Update:
شور
ياخويه ياخويه
٠٠٠٠ ٠٠ ٠٠٠٠
مشيت ودمع عيني مغرك العيون
عله الناكه اسيره
ياهو العني يبعد نظرت الناس الماترحم جبيره
هضيمه عداي هسه البيه يحدون
وامس تحرس عشيره
بعد كلشي نته وراح
الكفل خدري عالرماح
وادم كلهه غربه
انام شلون ياليل
اميره ورايح الحيل
عليه والله صعبه
حيره رجبت انوگ
حبل وطبت السوك
عيون اصد عليه
سكنه عمتي اتصيح
اخاف الغاليه اتطيح
من الهزل رقيه
٠٠٠٠ ٠٠ ٠٠٠٠
يادرب السبي ينرادله امتون
الشمس ذيج الصحاري
نطر ادروب هيمه وماكو افياي
مشينه بالضهاري
تجويهه الشمس عالروس الرماح
وتسعر بيه ناري
من الحر يعركون
دمه كامو يصبون
ويكلولي اصبري
عميه ريت العيون
وماشوفن يضحكون
شمات عله خدري
درب مابيه سلامات
نشبع من شوغات
يالليل اليجينه
ماغمضنه لحضات
اسيرات وغريبات
وشمر حارس علينه
٠٠٠٠ ٠٠ ٠٠٠٠
طريج الشام كلش صاير بعيد
وشيحمل حجيهم
ذا من ضيمي تنخيت عباس
الي هزو اديهم
ضعنه ابين هاي شباه الارجال
الغيره ماكو بيهم
كعدو يستراحون
وحنه البينه اشلون
الناكه اتحن علينه
خشنه هاي الاحبال
ثكله بثكل الاجبال
ما حلوهه ادينه
ندير عيونه وين
كلنه صوب الحسين
ونكعد نشتكيله
نهضمنه وحنه نسوان
وفرونه بالوطان
ومارحمو عقيله
٠٠٠٠ ٠٠ ٠٠٠٠
كلشي ينكضي ويظل جرحنه
يوادم ماله طيبه
ياديره النطبهه ننخطف لون
ونبدي بيامصيبه
وصلنه الشام من الضيم ميتين
وصاحو يل غريبه
غريبه صاحت الناس
وصد العيون عباس
لاجن سهم بيهه
اخيته مدلله هواي
بديه الشور والراي
احبال ابديهه
انتهه كلشي بعد راح
علمنه والخدر طاح
طبينه المجالس
تهظمنه الدواوين
وحنه ضعن الحسين
المات بحبه عابس
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
BY قناة الرادود علي الصالحي
Share with your friend now:
tgoop.com/aymwc/2520