tgoop.com/aymwc/2509
Last Update:
3348
مسلم من تقدم گالو هذا حيدر
والفرسان صاحت طب الموت الاحمر
حي الله ابو طاهر
**
خزرها وجدحن عيونه درع هاشم يسمونه توجه للحرايب
صكرها وزلزل الكوفه ثكيله طكت اجفوفه سحك كل الكتايب
كل الزلم بجاها وراس براس خلاها كسر اكبر محارب
بالميدان شافوه مثل الاسد يزئر
والفرسان صاحت طب الموت الاحمر
حي الله ابو طاهر
*
تلهب عالحرب ناره غار اعله الزلم غاره والرايه حملها
دخيلك صاحت القاده تكتل شارت الساده عليك نمشي كلها
خبطها وشرب صافيها ياخذها ويرد بيها والفرسان ذلها
مسلم فيض الكاع من دم المعسكر
والفرسان صاحت طب الموت الاحمر
حي الله ابو طاهر
*
غصت من لزم سيفه ويذبح بيهم بكيفه هجم راعي البساله
كل فرقه يودوها بس الروس يلكوها من شدت قتاله
ياهو اليدخل الحومه ومسلم شاعت اعلومه خافو من خياله
بسيفه حاصر الجيش والعسكر تدمر
والفرسان صاحت طب الموت الاحمر
حي ابو طاهر
*
طوعه يكلها شجعيني اريدنج تذكريني بحيدر علي عمي
اله امجاده اعيدنها واهل الكوفه اصفنها ويله اليدنه يمي
ما اخضع ولا اركع انه الفارس الانزع كلها تعرف اسمي
حته الشارد بعيد من خوفه تعثر
والفرسان صاحت طب الموت الاحمر
حي الله ابو طاهر
****
شد اعمامته الخضره وللحومه لكت مهره والكوفه كلبها
مسلم رافض العطوه وصاحتله الحرب تكوه ليث الموت طبها
حمره الكوفه سواها والفرسان خلاها ادور عن ركبها
يشمرهم عالسطوح بيهم عاد خيبر
والفرسان صاحت طب الموت الاحمر
حي الله ابو طاهر
**
يتلكه النبل ملكه الراسه وصلت الحركه ياحي الله مسلم
بجفه اتقاتل الرايه صاحو طب الهوايه من كل صوب يهجم
فورا ننسحب لازم شوف اشخلفت هاشم وحده وجيش يهزم
رواه الكوم من صال يوم الهول الاكبر
والفرسان صاحت طب الموت الاحمر
حي الله ابو طاهر
*
خادم أهل البيت عليهم السلام
تحسين الخفاجي
BY قناة الرادود علي الصالحي
Share with your friend now:
tgoop.com/aymwc/2509