tgoop.com/aymwc/2498
Last Update:
يابوفاضل يابوفاضل
.............
نطيني من غيرة جربتك گطره ترويني العمر
يابوفاضل گصتي تعرگ طاري جفك من يمر
تراب البجفك عشيره والنده ابخدك عطر
هاكثر الله يحبك صرت اخوها ام الستر
مديت اديه وادري مترد الجاي
افضالك ابگد المطر يا يامولاي
مشهوده الك يابالفضل ياعباس
مارجعت واحد قبل بس الماي
ياساقي الفرات ياسيد الحيات
يا اعضم الصفات يابوفاضل
،،،،،،،،،،،،،،،،،،،،،،،،،،،،،،،،،،،،،،،،
ريشه البراسك عضيمه نزلت من الله الك
بيها من تزعل تحارب بيها تصعد للفلك
يابوفاضل وانته ضامي الشاطي ضل يتوسلك
لملم اجروفي واخذني مجتف الخيمت هلك
سبحانه وجهك ياقمر نور حسين
يالتنطي غيره وانته مالك جفين
ياسيدي الدنيه وضواها اترجاك
رغم السهم عالشاطي طفالك عيم
يامنبع الحنان يشهدلك الزمان
من جفك الأمان يابوفاضل
،،،،،،،،،،،،،،،،،،،،،،،،،،،،،،،،،،،،،،،،،،
لهجت الأخرس اشاره ولهجت العاشگ وفه
هامت عيوني بجمالك يالشلت اعضم صفه
شربت خيامك محنه ورتوت بس عاطفه
العلگمي من شم جربتك روحه ردت وكتفه
هنياله نهر العلگمي يشم الجود
اول نهر من البشر ضل محسود
هنياله بجفوفك شبگ ياعباس
مالامس شفافك صدگ هم مگرود
ياعالم الوفاء من جودك العطاء
ياصانع الضياء يابوفاضل
،،،،،،،،،،،،،،،،،،،،،،،،،،،،،،،،،،،،،،،،،،
ياقمر خيمت خواته ومنك ايغار القمر
صورتك جذبت شعوري تختلف عن الصور
الحاجب الأيسر طبرته بيها اضل صافن شهر
ما أمييز هايه طبره الفوگه لو هاذه نهر
يا اية اخيام العطش والسگاي
يابالفضل متحير اشگد ابهاي
بذيالك مجلب نهر ضل يصيح
خُذني أسيراً للخيم يابو الراي
ياساقي الدلال يا فائق الجمال
خذني الى العيال يابوفاضل
،،،،،،،،،،،،،،،،،،،،،،،،،،،،،،،،،،،،،،،،
رايت جفوفك حنينه ومنها ماموجود ابد
خيمه للفقره عطرها وبيها تنحل الشدد
رايه هم مثلك يكافل ماغفت يوم ابمهد
هزت الطف ابهواها خفگت وزلمه البد
عباس اليكتبك متت ماله اعيون
يارايه يتنفس عطر منها الكون
مثلك ولا جابت مره واحد صار
جا ياهو مثلك البن ابو ينطي عيون
ياراعب الألوف ياكاسر الأنوف
يا اجمل الحروف يابوفاضل
العبد ابوفايز الرافضي
الفاتحه على روح والدي
BY قناة الرادود علي الصالحي
Share with your friend now:
tgoop.com/aymwc/2498