tgoop.com/aymwc/2482
Last Update:
#شور
شوكت اتوب....... صفحتي انترست عيوب
شوكت اتوب..... شوكت أطهر روحي وصفى من الذنوب
شوكت اتوب....... شوكت اشوفن ضعنك ابراسي يجوب
الفشله من اچهب حضرتك
واني ذنبي بگد عبرتك
بيه جم شيطان خاتل بيا وجه اوصل واجيك
اني طارد روحي مني وانت فاتحلي اديك
والمصيبه ابعيد عنك وناسي حسبتني عليك
____
بذنبي اعيد.......... ومني مو هيجي تريد
بذنبي اعيد........ اني شاغل بالك وبالي بعيد
بذنبي اعيد........... وذنبي عندك سيف نايم بالوريد
جرحي جذبه وسايرتني
شگد لچمتك ما عفتني
اني أخطأ وانت تمسح والله فشله ما احس
رتبتني وعدلتني واني ما اسوه فلس
راقَبت نفسي الدِنيه وانت ابو عزة نفِس
___
من صباي...... وياك ما ثابتلي رأي
من صِباي..... افتگ اني وجرحك ايخيط وراي
من صِباي...... انت فيّ واني ادور عالفياي
ابروحي أخيك ياعبرتي
يمنتك حطها بيمنتي
حسين بهتت روحي كلش بعد ما احمل ذنب
حسين علمني احبك اني ما اعرف احب
عيشتني بكربلائك واني عشتك بالجذب
____
شرد اكول....... جرحك بذنبي يطول
شرد اكول..... واني ورگه وطاحت بنص السيول
شرد اكول...... واعله مودي مردت اضلوعك خيول
الدنيا ضحكتلي وخذتْني
اويه غيرك رغبتني
رغَبت روحي العطائك ما رغبتك چي ذبيح
هذا اني حِيله واكف لو نسيتك والله اطيح
البچي الغيرك مذله ولو بجيتك استريح
___
يا بخيت......... احسبني حر ثاني واجيت
يابخيت........ ادري ما تطردني بويه شما جنيت
يا بخيت....... والله اعوف الدنيا كلها لو رضيت
أقبلني واسگمهن عيوني
واخطف الواني يلوني
حرگني لتخليني بارد ارد اعيشن بالهيام
التفافه من حضرتك واقره عالدنيا السلام
هندس الدنيا بعيوني وانت چتال الظلام
الشاعر عبدالله الشويلي
BY قناة الرادود علي الصالحي
Share with your friend now:
tgoop.com/aymwc/2482