tgoop.com/aymwc/2472
Last Update:
عبدالله يمه اكــــــعد جبت ماي
ارويك وانه الابقه بظــــــــــــماي
اشلون اعوفك عطشان
ذبلان اشــــوفك ذبلان
*&&&&*&&&*
ذبلان من حر الشمس يولدي جرحك ياذيك
والماي هذا وجبتلك اكعد يوالي ارد ارويك
موسهلا اعوفك علرمل يلجبتك ومارد بيك
لو بيدي وياك اندفن برض الغرب ماخليك
ولمهد فاهي بلياك
ياريت امــــوتن وياك
فراكك كلف ويگــــــــــطع حشاي
&&&&&&&*
عبدالله لو تدري الجره وصار يمه بلياك
گلبي تفطر بلــــــحزن مذبوح الي من رداك
حسين بيد ام الخدر عن عيني شفته وغطاك
لا من رواك من العطش ونوب ماصح ادواك
محــتاره يولدي الروح
اشلون اشوفك مذبوح
منك بعد راح اگــــــــــــطع ارجاي
*&&&&&&&**
زغير نحرك عل ســهم والسهم ظل نايم بي
وحتار يمه بدفنتــــــــــــك وبرگبتك ماخلي
الطلعته دمك ظل يصــــب والعفته احير بتالي
ودموعي اصبهن علنحر بس الدمع ما يشفي
بحضن الحسين نخليك
خاف الحــــــوافر تاذيك
وظلمه بعد عينــــــــــــك يدنياي
***&&&&&*
راح امشي وبدرب السبي وياروحي التظل وياك
كل مغربيه اتذكرك هيهات يولدي انساك
يخزن جرح فوك الجرح ياگلبي دوم وينعاك
شنهو العمر يسوه بعد وشلون اعيش بلياك
يخلص زماني بلوعات
انساك يبني وهــيهات
بس كلي شنــــــهو خلافك الراي
**&&&&&&&
ردتك ذخر تالي العمر يولدي موهيج تروح
وزغير ماتحمل جرح بلنــبله تصبح مذبوح
تخلي اظل بحسرتي تخليني احيــــرن بنوح
لامن جفن لاصح گبر علگاع اعوفك مطروح
يولدي اعوفك علگاع
وداع ماصــح ودعاع
وياهو اليــــــــــدفنك يمه بجفاي
ابو سلام الجابري
BY قناة الرادود علي الصالحي
Share with your friend now:
tgoop.com/aymwc/2472