tgoop.com/aymwc/2462
Last Update:
يافرج الله العجل … يافرج الله
---------**
يبن زمـــزم والصفا والطاهرات
گبوركم يـم بيت الله مهدمات
كوم يبن الحسن لأهل الموبقات
ليش عايش جرح كل هاي الحياة
يا املنه كوم و اعدلها بيمينك
ليش مهضوم و دمه تجريها عينك
نريدك بقوة علي تطب ابشبابك
تصول بيها وتفرض اعله الناس دينك
واحنه وياك نطب نبنيها
يافرج الله العجل … يافرج الله
---------**
خلي صــوتك يصدح بنص المله
صـــول بيها من المدينه لكربله
خل تشوف الناس هاي المرجله
مثل جدك علي مامش ند اله
البقيع استحق توگفله وتعيده
ودوس كلمن مارضه بهاي العقيده
نعبد احنه گبور هيج امحسبينه
واحنه نمشي بلّي يرضي الله ويريده
مشتعله وسيفك يطفيها
يافرج الله العجل … يافرج الله
---------**
شبر عن الگاع الكبور البقن
اهلك بلا گبب يا أبن الحسن
نريدك تشيد منارات الصحن
ضلوع امك شوف ليش تكسرن
قوة الله بچفك ارفعها عليهم
ايد الله فوگ ايدك اگصي بيهم
يابو صالح ضـاگت وانته التحلها
حـيف گلبك طلّعه بيوم التجيهم
مايبرد ثار البي لوعه
يافرج الله العجل … يافرج الله
---------**
منقذ وما عدنه غيرك نرتجيه
البقيع ايريدك اتعجل عليه
گبر امك مخفي و محد يجيه
الله يعلم گلبك شچم لوعه بي
شيعتك مضلومه مثلك ياهو الهم
وتگدر بسيفك تداوي اليوجعنهم
دوه مــــــا متوفر ويمك نلاگيه
وفقط انته التگدر اتطيب عللهم
من تطلع تتشافه الشيعه
يافرج الله العجل … يافرج الله
---------**
#الخادم
عزيز المياحي
BY قناة الرادود علي الصالحي
Share with your friend now:
tgoop.com/aymwc/2462