tgoop.com/aymwc/2453
Last Update:
لبیک یاحسین ع
الخيل التمت اعله حسين بالحومه
واحيود الهواشــــــم عالترب نومه
اشوف حسين ضــــــل ايدير بعيونه
وبس نســــــــوان ماضلت بعد عونه
وين ازلام هاشم مـــــــــــــايلحگونه
انادي حسين طــــاح وثگلت امتونه
وگاضي الحيل مايگــدر عله الكومه
الخيل التمت اعله حســين بالحومه
يميل حسين كلمـــــــا كثرت اسهامه
بيمن ينتچي لـــــــــو عثرت اجدامه
جيش ابضهره والخيـــــــــاله گدامه
اول تالي ماينـــــــــــــــدلهن اخيامه
حيره احتار بيــــــن الوادم ابيومه
الخيل التمت اعله حسين بالحومه
طاح امن المهر والخــــــــيل ملتمه
ضاگت والهــــــــوى مايگدر ايشمه
ثگيله الخيل مــــن اتطشره شيلمه
بعيونه النزف وحســـين ضل يعمه
وسحگوها العمامه وسلبو اهـدومه
الخيل التمت اعله حسين بالحومه
متعوب وتسحگه الخــــــيل وتعبره
عشره اتدوس بضـلوعه وترد عشره
فوگ التله واســــــمع حافر ابصدره
مو هينه اعله زينب تســـمع الكسره
من دوس الحوافر ضاعت ارسومه
الخيل التمت اعله حسين بالحومه
نايم عالضهر يبن امــــــي شيگعده
حيهم گمت اصيح الجيش شيرده
هدو عالخيم ياخـــــــويه مو هده
ونسوان الهواشم طــــاحن ابشده
زينبكم يخـــــــوتي اليوم مهضومه
الخيل التمت اعله حسين بالحومه
خادم القصيده
#شاكر الصيمري
أّلََّسلَأّمَ عٌلَيِّګمَ خَدّأّمَ الحسين عليهم السلام
BY قناة الرادود علي الصالحي
Share with your friend now:
tgoop.com/aymwc/2453