tgoop.com/ashaghalhosseinn/15414
Last Update:
للحبایب(العمات والخالات)قصيده للحنينات
┅┅┅┅•••••🌸🕊🕊🌸•••••┅┅┅┅
ضلـت خاليه اديار العزيزات
خلن بالگلب من مشن ونات
مشن ماودعني / عليهن زاد وني
بعد شيعودهن صارن بعيدات
┅┅┅┅•••••🌸🕊🕊🌸•••••┅┅┅┅
ضلت خاليه الدار وعمتني
اختي من مشت ماودعتني
اضن خربت الخوه وفارگتني
شالت عني ابساع / بليه چلمة اوداع
وعافت بيتها وسكنت الوحشات
▂▂▂▂▂▂▂▂▂▂▂▂▂▂▂▂▂▂▂▂▂▂▂
هنا يامه گعدنه وجنه لمه
هسه شلون گلبي زاد همه
ماي الـي تبده شلون المه
صعبه فرگت الموت/دمعي يسيل بسكوت
على السكنن الوحشه بلا وسادات
▂▂▂▂▂▂▂▂▂▂▂▂▂▂▂▂▂▂▂▂▂▂▂▂
بــعد بالــدار شلنه مانجيها
مابيها ام هله ونسمع حچيها
تون الـروح تنشدني عليها
ادگلي وين ماوين / ذيچ ام گلب الحنين
وخلت بالگلب من مشت حسرات
▂▂▂▂▂▂▂▂▂▂▂▂▂▂▂▂▂▂▂▂▂▂▂▂
اون بالدار واهمل دمعت العين
فراگ المـوت لاهو يوم يومين
فراگج مااحمله وانـتي تدرين
يالغبتي عليه / بعد مابيـچ جيه
ملگانه بعد وياچ هيهات
▂▂▂▂▂▂▂▂▂▂▂▂▂▂▂▂▂▂▂▂▂▂▂▂
بعد ضحكاتنه وكلشي اعله بالي
هنا يمعــدله وعـــــــدال والـي
اليوم عليـچ حال الضيم حالـي
اون وبتچ احذاي / يمي وتبچي وياي
يبچن عـذبن گلـبي زغيرات
▂▂▂▂▂▂▂▂▂▂▂▂▂▂▂▂▂▂▂▂▂▂▂▂
خلينه نـــون ونـذكر حسيـن
شفيعج هذا وني ولا تبخلين
وذكري الكافل وچفينه والعين
ضحه للآخوه / بطل صاحب مروه
انريده ايصــبر الضلـن يتيمات
┅┅┅┅•••••🌸🕊🕊🌸•••••┅┅┅┅
تمت // الشاعره سحر ام كرار الساعدي
بذمته يحذف اسم الناشر رحيل القوافي الفاتحة إلى روح امي العزيزة وابوي الغالي واخواني سعيد وكريم وماجد ومحمد.وجميع اموات شيعه أمير المؤمنين عليه السلام 🕊🌿⚘💔 .........😭.👩🚀...................
BY عـشّـاق ألـحسّـيـن للموالید
Share with your friend now:
tgoop.com/ashaghalhosseinn/15414