tgoop.com/ashaghalhosseinn/15211
Last Update:
مولد لعلي الاكبر (ميلاد الأكبر)
❥━──➸➽❥❂❥━──➸➽❥❂
ياهلا بميلاد الاكبر ياهله
نور شعشع بالمدينه وكربله
❥━──➸➽❥❂❥━──➸➽❥❂
الفرحة هذا اليوم عمت كل بلد
يرفرف بجنحانه يا طير السعد
اليوم الأكبر بالمسرات نولد
يشبه الكرار راعي المرجله
❥━──➸➽❥❂❥━──➸➽❥❂
نهني هالليلة الحسين وعترته
مبارك نكله يوالي بجيته
كلب كل محبوب بانت فرحته
والحزن يا ناس من عدنه انجله
❥━──➸➽❥❂❥━──➸➽❥❂
نبارك لطه نبينه بهالفرح
وزينب الحره كلبها منشرح
بليلة الميلاد ما ظل منجرح
نوره يسطع بيد ابوه الشايله
❥━──➸➽❥❂❥━──➸➽❥❂
بدر كامل ينوصف آية جمال
يشابه المختار بأوصاف الكمال
ومن علي وحسين ماخذها الخصال
كل موالي خلي يوج شموع اله
❥━──➸➽❥❂❥━──➸➽❥❂
هذا ابن محبوبنه وجده النبي
وبالشجاعة جنه عباس الابي
خلي نفرح على عناد الناصبي
كل موالي حسين اسمه يسجله
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
BY عـشّـاق ألـحسّـيـن للموالید
Share with your friend now:
tgoop.com/ashaghalhosseinn/15211