tgoop.com/anwar_alhuda_quran/1131
Last Update:
للملاحظة: علمود انهي السوالف وبعضهم الشبهات الي تطلع
المشروع غير تابع لجهة معينة
خادمكم اني محمدرضا الموسوي انشأت هاي المجموعة من شفت هواي ناس تريد تحفظ ومن شفت عندي القابلية انو اتصدى لهذا المشروع المبارك ويمكم كتابي (الطريقة الملكية) ألفته وتكدرون تشوفونه والحمدلله اكثر من طالب/ة كدرنا نحفظه بافضل الصور بفضل الله سبحانه وتعالى
وقررت اسوي مؤسسة لغرض انو نكون اكثر رصانة وتحت ضوابط تخدمكم انتم (حفاظ القرآن).... بفعالياتها ومسابقاتها وطلابها واساتذتها المبدعين
لذلك ناخذ اشتراك علمود نغطي تكاليف التطبيق واجور الاساتذة والفعاليات اللي تعرفونه واحاول ما اقصر وياكم،
اكرر المشروع محد مشرف عليه غيري ومامنتمي لجهة معينة او مرجع معين وانما انا فتحته لغرض خدمة القرآن الكريم بافضل صورة بغض النظر عن المسميات اللي تخل بالعمل القرآني (انا سني انا شيعي انا اقلد فلان واتبع فلان) واذا انت ماتصير ويانه وتنتمي النه ما نحفظك القرآن ومن هذه الترّهات...
وهذا اني وهذا المشروع امامكم متاح للسني والشيعي الاجنبي والعربي، وما اريد احد يصير باسمنا او ينتمي النا، نحفظك القرآن الكريم كاملًا بطريقة متقنة ورصينة، وروح شارك بالمسابقات ولا تنسانه من الدعاء
وجاي تشوفون شلون اتعب وياكم واكثر من شخص يمدح المشروع...
اللي يحب يطمن اكثر يگدر هسه يجي البيتي هم يتعشه عندي وهم يشرفني
وانطي ماي عيوني ❤️
مكاني البصرة ابي الخصيب
هذا رقمي: 07729642983
اللي يحب يتبرع للقرآن فالقرآن للجميع
اما اللي يجيلي ويگلي خلي المشروع باسم كذا او احنه نساعدك بس كون يصير باسمنه فهنا صار القرآن بضاعة وندور الطشه ع حسابه وهاي ما احبه اني ابد....
المشروع منذور لله سبحانه وتعالى ولاهل بيته فقط...
حتى مو باسمي...
وفقنا الله وإياكم لخدمة القرآن الكريم
خادمكم: سيد محمد
BY مؤسسة أنوار الهدى الدولية
Share with your friend now:
tgoop.com/anwar_alhuda_quran/1131