tgoop.com/amjud_17/6721
Last Update:
بستغرب كمية البنات يلي بتمشي ورا حكي مافي منطق بيقبل فيه.
"حسيتو بحبني، هو ماقال شي بصراحة بس لمحلي، بغار عليي، بيهتم بالتفاصيل، قلي عن مواصفات البنت يلي بيتمناها حسيتو بيوصفني، حنون كتير، بيشبهني، بحطلي ستوريات حلوة، حسيتو عصب لما قلتلو في شب متقدملي..! "
بالواقع نحنا البنات عاطفيات بشكل مُبالغ فيه، لما بكون بدنا حدا مُعين، منصير نحس لو تنفس إنو عمل هيك كرمالنا.
وفعلياً بكون غير هيك تماماً، مافي شي بيمنع الشب من الصراحة، أو حتى التعبير، كلمة بحبك ما بدها ستوري تحطيه ليردلك عليه..
حابب نعرف بعض والأيام القليلة رح تحدد، كمان مابدها ستوري!
لا توافقي انطريني، مو بحاجة مُعجزة.
الشغلات البسيطة هي ما بيعملها غير زلمة بحبك، أو حتى حابب يحبك.
أما يلي بيتخبى ورا اصبعتو بمشاعر فاضية ولعي، وغيرة كذابة، واهتمام ما بطعمي خبز، وحكي بعل القلب، تحت شعار مابدي علقك فيني أنا مصيري مجهول، أو كتير أسباب تافهه جداً، هاد بكون عم يرميلك سنارة، مشان بس تمسكي يقلك أنتِ كنتي جاهزة!
بالنهاية يا عزيزتي البوح للوح مابفيد لأن هاد مو اختصاصنا، والتلميح للحيط رايح بالأرض.
حبي حالك، وحبي الشاري، الشاري وبس ♥️.
_آليسار المقداد
BY فراشـة🦋.
Share with your friend now:
tgoop.com/amjud_17/6721