tgoop.com/amal_wared/69002
Last Update:
- الأُنثى في الإسلام غالية .
أغلى من أنها تدخل في " علاقة حرام " شرعًا وتستنزف فيها طاقتها ومشاعرها مع حد ميستاهلش.
أغلى من أنها تدخل في علاقة متعرفش نهايتها إيه .. " هيجي يخطبني ولا لأ ؟ " " بيحبني ولا لأ؟ "
مينفعش حد يعيش على احتمال!
مينفعش حد يعيش على " ممكن "
إحنا دينَّا مغلينَّا واللهِ.
ده إن مكانش يقطع نفسه شغل عشان يجبلك دبلة ويدخل بيتك قدام عيّن الناس وتكلميه قدام أي حد بدون خوف لحد يشوفك ، يبقى مع آلف سلامة!
متسمحيش لأي حد يكلمك ويهدر طاقتك ووقتك ومشاعرك بالشكل ده مهما كان مين!
إللي عايزك بيتك موجود ، وأهلك بيعرفوا يقوموا بواجب الضيَّافة.. غير كده مع آلف سلامة.
الفكرة إنه مش بس استنزاف مشاعر وخُذلان وو .. لأ ده " حرام "
فليه نحُط نفسنا في الأمر ده وإحنا في غنى عنُه؟
ده حتى الخطوبة الشرع وضع لها ضوابط بين الخاطب وخطيبته برغم إنه كونه خاطب يعني عازم على الزواج !
لكن برضو للحفاظ على البنت ومشاعرها.
فمترضيش بغير كده ، مترضيش غير باللي يسعى عشان يكلمك ويوصلك في الحلال ، غير كده تسلية وتضييع وقت واستنزاف مشاعر وذنوب على الفاضي أنتِ واللهِ في غنى عنها.
وأخيرًا :
الراجل إللي بيحب وشاري مبيحطش لا حجج ولا أعذار وبيتقِ ربنا في إللي بيحبها ومبيكلمهاش من ورا أهلها ولا قبل ما يكون فيه رابط شرعي بينهم وبيقتل نفسه شغل عشان يعرف يكون نفسه ويتقدملها ويكلمها في النور ويحافظ عليها من معصية الله وكلام الناس .. ده " الشاري."
فغلُّوا نفسكُم!
لإنكم غالييّن واللهِ.
BY هـمـ❥ـسـة🌸أمــ❥ـل
Share with your friend now:
tgoop.com/amal_wared/69002