tgoop.com/alkfoofalskea/337
Last Update:
قصيده لسان حال مولاتنا
زينب عليها السلام
💫💫💫
يالرايح تزور حسين
گــلـه تـــسلم الـحـره
صار شجم خميس اليوم
ولازايـــر البـلــحضره
😭
لاناعي الينوح اعليك
ولازوار زارونــــــــــي
عاود جيش ابن سفيان
مـن اجــديد يســروني
وانـتوا بالعراق ابـــعيد
اصــيح ومــاتسمعـوني
گـلوله يـــــــــهلزوار
وبحالي شنّوَ الصـار
وصلوه الخبر لحسين
زيـنب ظلت بـحسره
✍️ أم محمد التميميه
<><><~~~~<><><>
بيـن الـعده زينــبكم
ولازايـر وصـل لـيهه
تـنطر خـبر من عباس
يـوصلهه ويــحاميهه
وحيده ام الخدر ظلت
تــبجي تـــريد واليــهه
أحبابج غصب ماجوج
او وسفه العده حاطوج
ابجو لييه ياموالين
العقيله الخاطر تكسره
✍️ ام مصطفى الاسدي
<><><~~~~<><><>
انه اخت المنذبح عطشان
اشـــكي الحـال للــوالــي
بقيــت انـــه بـــــلا زوار
يــخويه ومـرقدي خـالي
بعـيده وخاطري مكسور
دمـعتي ابعـيني اتــلالي
زيـنبكم بـااراضي الشام
حـــاطت بـيهه الـــظلام
رد ذاك الـــهضم اردود
صفيت بغربه متيسره
✍ام مرتضى الخزرجي
<><><~~~~<><><>
مـوفد شي صعب هلصار
كـد مـاشافـت امـصايـب
ابـد ميهزهه هـذا الــحال
لـبوة بـيت ابـو طـالــب
المـهدي حـاضر ويـــاهه
چـذب مـن گـالهم غايب
عـــاشر طـفـهم يــعيـده
يــخسف بـيهم الـــبيده
يفنيهم فـني لوصال
يجي وبتاره ايشهره
✍️☘️ام فراس الساعدي ☘️
<><><~~~~<><><>
العقيله تريـد فـزعة الـيوم
وتريد امتون خشنه تصول
نگـلها يبـت داحـي البـاب
نسوي جسور الج ونجول
بـس هـاذه الامر محتوم
الـيصفّيها عـدل مـسؤل
الـج ثـار الـيهد ويطيح
زلم مثل الحديد تصيح
خـتاما خُـطت الاقــلام
عـلامه الطـلعته انـصره
ام حسين المحمداويه
<><><~~~~<><><>
تمت باقلام شاعرات رابطة كفيل زيينب عليهما السلام
https://www.tgoop.com/alkfoofalskea
BY "رابطة كفيل زينب" ع "
Share with your friend now:
tgoop.com/alkfoofalskea/337