tgoop.com/alikerem/16550
Create:
Last Update:
Last Update:
قصيده للهلال
يهلال المصايب لاتجي لينه
بيك الفاجعه وينذبح والينه
بيك اخوانه اضل عالارض نومه
واخوي حسين مرمي مسلبه اهدمه
وروحي مرمره وضليت مهظومه
من بعده الاعادي تهجم اعلينه
〰〰〰〰〰〰
عسه ميته ولاشوف الجره اعليهم
اخواني مطرحه والترب غاطيهم
ومن حر الشمس خربت معانيهم
ياشهر الكدر ضيعت اهالينه
〰〰〰〰〰
من تهل لينه تهيج احزاني
واذكر بيك مني راحت اخواني
يهلال المصيبه اشكال راواني
اخذ مني احبابي وغربه ضلينه
〰〰〰〰〰
يهلال المصايب ريت لا شفتك
من صديت ليك بحرگه عاتبتك
لاهليت كون ولاهله بجيتك
بهلتك ياشهر ضلمه ليالنه
〰〰〰〰〰〰
تراني بجيتك ضيعت احبابي
چبيره بلوتي يامعظم مصابي
والاخر نفس ماطايب اصوابي
افراگ اعزاز گلبي حيل ماذينه
〰〰〰〰〰〰
✍خادمه ام الحسن
ام مهدي الفرطوسيه
غير مبري الذمه الي يحذف الاسم
https://www.tgoop.com/alikerem
BY قناة الشاعرة خادمة ام الحسن ام مهدي الفرطوسيه
Share with your friend now:
tgoop.com/alikerem/16550