tgoop.com/alikerem/16515
Last Update:
نعي للشباب القاسم ع
🩸🩸🩸🩸🩸🩸🩸🩸
محلى الولد لو مر علية
يمشي ويحب بأدية
مات الولد وشلون بية
✍🏻 هدى المرزوق
🩸🩸🩸🩸🩸🩸🩸🩸🩸
مات الولد ياريت وياه
عزيز گلبي شلون انساه
حلو المعاني وين الكاه
✍🏻الشاعره كريمه البو حلوه
🩸🩸🩸🩸🩸🩸🩸🩸🩸
تمنيت موتي وي الولد
ويحطونه بنفس اللحد
وسفه اوليدي شال وابعد
ام ✍🏻 مهدي الفرطوسيه
🩸🩸🩸🩸🩸🩸🩸🩸🩸
وين الكه حلو المعاني
وفراكه والله عماني
الموت ماله ماخذاني
✍🏻 ام مرتضى الحواسي
🩸🩸🩸🩸🩸🩸🩸🩸🩸
تمنيت موتتنه سويه
وضاع التعب واشلون بيه
كون الولد لامه تجيه
تعال يفدنك اعيوني
✍🏻 ام حيدر العباديه عماره
🩸🩸🩸🩸🩸🩸🩸🩸🩸🩸
محله الولد محله كعدته.
وسفه على التربان عفته.
دكيت صدري بيوم شفته
✍🏻 ام فاطمة الزهراء
🩸🩸🩸🩸🩸🩸🩸🩸🩸
دكيت صدري وصحت يمه.
عيوني على المدلول تعمه.
وكلبي عليه صار يتغمه.
✍🏻ام فاطمة الزهراء
🩸🩸🩸🩸🩸🩸🩸🩸🩸
ابو طول لحلو ضيعيته
حنين لولد ما حويته
ضلت حنته ولكبر زفيته
✍🏻 العلويه ام رقيه لبطاط
🩸🩸🩸🩸🩸🩸🩸🩸🩸
ضلت حنتك يالولد يبني
ماحسبت تمشي وتهدني
ردتك للكبر يمه تزتني
✍🏻 هدى المرزوق
🩸🩸🩸🩸🩸🩸🩸🩸🩸
تمت بعون الله بأقلام شاعرات سيد الشهداء عليه السلام غير مبري الذمه اليحذف الاسماء أو يتلاعب بيها
https://www.tgoop.com/alikerem
BY قناة الشاعرة خادمة ام الحسن ام مهدي الفرطوسيه
Share with your friend now:
tgoop.com/alikerem/16515