‏الوحده لا تزرع شيئاً ، إنها تجعل الأشياء ناضجة .
‏
‏ فريدريك نيتشه


2:21 Am

و مضيت و كأنما أعجبك الفراق
و تركت الذي كان بيننا
للنار و الاحتراق !

محمود درويش

يالخذت كل الگمر لون ومشيت..
و آنة أخذت الليل لوني..

لطيف العامري

مو هضيمة خل يطشرك سهلة تتحمل ألم
بس هضيمة تكله لمني هوه هم محتاج لم


عبد الحسين الحلفي

إنّني أسمع صوتك في كل ضجيج العالم.


- بول إيلوار

وما رأيتُها يَوماً إلا وذَهب الهَم الذي كَان فِـ قَلبي ، ووالله مَا أغضبتُها قَط ، ولا أبكيتُها قَط ، ولا أغضَبتني يَوماً ، ولا أذتنِي يَوماً..
ووالله مَا وليتُها ظَهري أبَداً ، ووالله مَا رأيتُها يَوماً إلا وقَبلتُ يَداها..

حب علي لفاطمة🤍✨

ومدري ليش
الگاك يمي بكل حلم

ذياب گزار

وگع بطل الصبر وتطشر إگزازه؟


كاظم إسماعيل الگاطع

ياحبيبي انه كل ليله اموت
هواي اموت وما اكلك

صفاء الجبوري

ادورك
وين
وانته
المثلك…
يضمونه ع المثلي حرز
ب جيوب…..گلگامش
ادورك
وين
واحنه
ثنينه متيهين
مامش يفگد بـ مامش


محمد لفته العماري

فجر نيه الطريج وخاطرك تابوت
لم ليلك ولاترتاح
ماضل للسهر شراي


عزيز عسكر

مِبْحر
والشراع اظنون
والضفّة ابكبر عينك
يمغرور إبعفى العشرين
لابد ما يمر خطّار
يشرب گهوة إسنينك ..

عبد الوهاب الحمداني

روحي ولا تگـلها شبيج ..وانت الماي
مگطوعة مثل خيط السمج روحي
حلاوة ليل محروگة حرك روحي
وعتبها هواي ما يخلص عتب روحي
ولا مريت ولا نشديت ولا حنيت
گالولي عليك هواي
ياثلج اللي ما وجيت

عودان العمر گضن كلهن گضن وياك
يافي النبع واطعم عطش صبير ولا فرگاك
تعال بحلم واحسبها الك جيه واگولن جيت
ودخول السنة من الگاك يا ثلج اللي ما وجيت
ولا التفتيت ولا واعديت ولا استخطيت
ولا طارش جذب وديت
ولا مرة شلت عينك تعرف البيت
ولا مريت ولا نشديت ولا حنيت
گالولي عليك هواي يا ثلج اللي ما وجيت
عمر وتعدى الثلاثين لا يافلان
عمر وتعدى وتعديت لا يافلان
واغمض عود اجيسك يا ترف
تاخذني زخت لوم
واگلك ليش وازيت العمر يا فلان
يا فلان العمر يا اشگر ولك يا فلان
ورحت براي وجيت براي
وحسبالي سنة وسنتين وثلاثة
واشوفك ذاك اللي بگلبي
واذوقك ماي
وگالولي عليك هواي

مظفر النواب

نصيحة اسمعوها بصوت طالب القره غولي

كبران بيـّه العـگد
كبران بيـّه الدهـر
كبران بيـّه الليل ،
و الحيرة ، گامة عطش تصعد بروحي سما
لو ع الگلب مريت
ولو جاس دمي العشگ ، زغران أرد للبيت !

علي الشباني