بس انت عليك تصب العيون وما صبت عگب عينك على احد

صاحب الضويري

مطر يتمازح وي التل وطير البر يسلم إعليك
هرفية حباري وهدهد مگذل

محسن الخياط

" أصابحُ الليلَ مصلوباً على أملٍ
أنْ لا أموتَ غريباً ميتةَ الشبحِ "

في الساعة 12.36 من يوم الجمعة 20 / مايو / 2022 / رحل عن عالمنا فارس الكلمة والموقف
الشاعر مظفر النواب
لقد أغمض عينيه في مستشفى الجامعة بالشارقة بعد صراع مرير مع المرض .

أمس
لمن شفت گلبك
لملمت كل النذور
الذبلت بجيد الشبابيچ
وبستهه
وشخبطت
وجه المواعيد القديمة
الما تعرفك


شاكر السماوي

گلي وشماله سماري لهسه ماراهم عليك

نور عماد

" لم يعد ثمة ما يدهشني، حتى إذا جاءت فراشة ولسعتني
ك عقرب.
كل شيء صار يبدو لي مألوفاً ! "

_ غادة السمان

المگيّر...*

مشيت وياه للمگير اودعنه
مشيت وكل كتر مني انهدم
بالحسره والونّه
وعلى الرمله بضوه الگمره
يناشدني وانشدنه
اگله تروح ..؟
وگليبي بعد بيمن اهيدنه
بچه ودموعي لاگنه
بعد وعضاي زتنه
ويوميلي بطرف چفيته
من بعيد اشوفنه
و صاح الريل.....
وآنه وياه
يعت بيه واعتنه
يجرني بحيله ويصوفر
وآنه معرد واجرنه
ذمه برگبتك خلني ولك مشوار اشوفنه
ولك يا ريل لا تبعد
ولك ولفي واريدنه
وجزاني يجر فراگينه
ومامش حيل اردنه
واظل ارفس رفيس الطير
إدين زغار لزمنه
واهومش مادريت امنين
جدمي إو وين انگلنه
واحط گلبي على السچه
بلچي الزين اسمعنه
وعلى الدلال موش السچه
مشى الريل اهيسنه

واظل مناطر السچه واعد محاط للبصره
ها .. تل اللحم وصلو...
جزو...؟
نام وهدل شعره
ولك يا ريل لا تگعر
اخاف تفزز السمره
وارد للناصريه اردود
مخنوگ بألف عبره
ويراويني النخل
مو گاف حبنه وطيبة العشره
ويگلي اصبر
شهر ويعود
والمفطوم شيصبره..؟

*المگير :- هي زقورة اور وهي من آثار السومريين تبعد عن مدينة الناصريه مسافه 2 كيلو متر وعلى المسافر من الناصريه ان ينتظر القطار الصاعد والنازل منها

زامل سعيد فتاح

عطشتني بماي حبك
أمطر .. أمطر
خاف ربك


مظفر ألنواب

ولك خاف ربك

نسيم عوده

أعـاند روحي ما أشتاگ وآني الشوگ
كاتلني

عريان السيد خلف

وانه بلياك حالي يخاف من حالي

كاظم الكاطع

"أمس طشَّيتك على الأيام ، صم نسيان
وسمَّيتك ، حزن."


- مظفر النواب