چا ورد روحي الذابل شسوالكم.

لا ع السلف مريت لاكلت اهلنا،
يالكطعي يالمابيك ذرة محنه.

لطيف العامري

غرَّاءُ مِبسامٌ كأنَّ حَديثَها
درٌّ تَحدَّرَ نَظمُهُ مَنثورُ
لا حُسنِها حُسنٌ ولا كدَلالِها
دَلٌّ، ولا كوَقارِها تَوقيرُ

خِوفتي مِن باب گلبي
خاف ينسَد وإلك جَية
وخافِ أفتحَة
وگُلشي بَالدنيا عَداك
يمّر عَلية .
♡

انتي حركتي البحر من بعد سكته
انتي حليتي الســؤال المــا عرفته
انتي خليتي النجم بيعوني يلتم
والنجم مو هينه لمته
♡

الك چاااانت يحلو الطول جيات
عجب تبخل علينه بجيه العييييد،

زامل سعيد فتاح

شفت عيناك دنيا وفرحت روحي وهويت
وصرت عندي طوير جنه وزق ازقه
اشما ردت واشما اشتهيت

راچب الدنيا
ولعد كل عالي متعالي اعتنيت
وانت بلبل وآنه مصنت
مثل حنطة ضيم لو گلت وحچيت

وانت في الروح يافي النواشي
المادفك لگيحها وما طلعيت
وانته بهة گلب وبشلال ودك گيليت

عيني مامش فوگها لغيرك مچان
ولا لساني لغير طراوكم طريت
يا محاچيك شلذها
ويا اللثقه
شمنغم اللثقه لون اتفلميت

يا فراشه
وروحي ماتنطيني اجيسنها
واخاف تغثك ايدي اشما دنيت

حتى لو وكرت فوگ ارموش عيني
يظل الك مصلوب يبگه اشما بطيت

وخاف يتعب رمش عيني
وخاف دمعي يهل
وتتوهم بچيت

يازهاب
ويا متاع الروح
ما والمني غيرك والك بس اتولميت
بالحنين وبالمحاچي الحلوه
وبطوک الموده اتخرميت
عمري ماضگت الموده
وعشت وي شوچ الشفلّح عوسجيت
وروحي توها أمية الحنيه بيك
عروگها اتطش

وياصريمة ورطّبت چنها ورميت
خاف سوم يزود سومي
وداعتك
مازود ولسومك رضيت

يا وردة بنفسج والكَمر نعسان
وعيونك كَمر للصبح كَماري
يا رفة نبض هنيال من حباك
وأندكَلك نذر للصوت ..للطاري
للبسمه التشع بالروح خمس سطوح
تتناثر شعر ..ما توصله أشعاري
لعيونك ..عيونك حيرتي بدنياي
جلت من حورهن قدرة الباري
وكبالي أكعدك عاشك ومعشوك
وأحجيلك بحالي أشصار وأشجاري
وأكاسرلك حناني بطعم خمرة دير
ونسكر الزمن وتلاعب أوتاري
و أغنيلك غنه بهداي

عريان السيد خلف

مچتول من صيد أمس من كثر تعذيبه .

لـ ذياب كزار

‏خشن حزن الليل كلش حزن مربوط بـ حزن .

لـ مظفر النواب

محسوبة من العمر كل ليلة نكضيهه
ومحسوبة من الدرب كل خطوة نمشيه
ايامنا الي تمر رحلة بقطار العمر
سفرة بمرابع خضر شتريد سميهة

كاظم اسماعيل كاطع

بياع التتن مرات ربحة بحزن اليحبون

لـ ناصر البدري