السنوية الثانية لرحيل ناعي الزهراء (ع) الى من ضمه ثرى كربلاء قرب ضريح الإمام الحسين .ع. هنيئًا لك الجوار و رضا أمك الزهراء .ع. رضوان الله عليه

قصيدة رثاء للسيد جاسم الطويرجاوي

گبره بالصحن وحسين جاره
وكلمن زار ابو الســجاد زاره
الســلامُ على  مـَنْ جاورَ الحظرَتَين
©©©©©

مو كل خـادم امـن ايمـوت يمهـم ينحـفر گبره
بس الراضي عنه حسين والحبهم على الفطره
وســيد جاسـم الهل يوم ينـعه الفاطمه ويقره
ابگبره وما امبطل النوح لجل المنــگطع نحره
من ينعه الزچيه اتصيحله الله
مو وحشه الگبر مادامهه اوياه
الســلامُ على  مــنْ جاورَ الحظرَتَين
©©©©©

للجــــــنّه وعلي مــــولاي بديها اتزفك الزهــره
خادمهه وعشت سلطان وبيك اهواي مفتــخره
السراط المستقيم اهناك ابرمشت عينك اتعبْره
المثـلك ما يهاب المــوت مادام النـبي ايحظـره
نعي شـفته يون وتگربت ليه
اقراه بالگبر والفاطمه اهديه
الســلامُ على   منْ جاورَ الحظرَتَين
©©©©©

واجب كون نعمِي اعيون ولجله انّوح ليليه
باچــر من يمر عاشـــور نِحِن كلنه النواعيه
المنابر موحشه ابلياه ولجله اظْهُور محنيه
وعلي يستاهل ابكل يوم نقره اعليه لطميه
يستاهل اله من نخسِف اصدور
ونِذْكر خدمته ابكل يوم عاشور
السلامُ على   مَنْ  جاورَ الحظرَتَين
©©©©©

المتعود يون لحسـين اشتضن ابلحده ماينعه؟
وحمــزه اوطن والمنظــور يمه اهناك مجتمعه
عقدو مجلس استــقبال احــزام اتحـزمو ربعه
ابسيد جاسم ايحيون وبچيهم فاطمه اتسمعه
اليموت وفاطمه الزهراء يمه
مو سهله ومحــمد هاي نعمه
السلامُ على   مَنْ  جاورَ الحظرَتَين
©©©©©

    الخادم
كامل السعيدي





https://www.tgoop.com/pagy007

قصيدة اسشتهاد الرسول الاكرم ص

استأذن الموت وخذاك ــ ويتــم العـــــالم وراك
انته بس  ماكو سـواك ــ استأذنه الموت
©©©©©©©©

يمن نزلت آية الباري اعله صدرك
بالأرض لو بالســمه ينحفــر گبرك؟
الأنبياء يمك تجــي لو غاب بدرك؟
لو ملائكت العرش تنزل تحظــرك؟

يا سـراج المهتدين ــ ياضياء الصالحين
ياهو قبلك يا آمين ــ استأذنه الموت
©©©©©©©©

اتيتمو هاليوم حيـــــدر والزچيه
يبو الزهره امصيبتك اعظم رزيه
اتگابلو يم راســـك اونو ســـويه
اوداعـة الله يامحمد هالمســــيه

ادموع حيدر والبتول ــ تجري من دم يالرسول
كاذب الغيــــرك يگول ــ استأذنه الموت
©©©©©©©©

يطــرق البـاب بأدب مثل اليـزورك
استأذنك ميريد ابد يجرح شعورك
گالك رب العرش يطلب حظـــورك
وبان ياطــه على وجهك ســـرورك

وانته لبيت النداء ــ ورفع روحك للسماء
ياهو مــن الانبياء ــ استأذنه الموت
©©©©©©©©

الدعو اصحاب.  الجرح عافو نزيفه
الك ما نصــبو عزاء نصـــبو سقيفه
انكـرو عهـدك والاحـاديث الشـريفه
وقبل دفنـــك نصبو منهم خليـــفه

وي علي ماشــــيعوك ــ ابسرعه ياطه نسوك
اوماكو غيرك يعرفوك ــ استأذنه الموت
©©©©©©©©

وي علي الليله تضـــل بس ذكريـاتك
ومنـــك بأيده بقـت سبـحت صـلاتك
نكسر ظهره وتدري عنده شگد غلاتك
اوياه الامــــلاك انزلت تبچي ابمماتك

ارد اسألك يالحنين ــ يانبي قبلك امين
قبل لاتغمضله عين ــ استأذنه الموت
©©©©©©©©

✍الخادم
كامل السعيدي





https://www.tgoop.com/alaa66klf

بالسمه  صار النحيب
يارسول الله الحبيب
......استأذن  الموت اعتناك
هذا  وعد الله قريب
***
انت   ايه  من  الجليل   يا رسول  الامين
الله  راحمنه   برسول  وجهه قران المبين
اية  القربى   تنوح   عليك ملهوفه السنين
الموت  بعتابك اجاك استأذن عليك بأنين

ضجه صارت بالسماء
 تنتظر    اجمل   القاء
.........مرحبه  تنادي  الرسول
يصعب  علينه  المغيب
****
البيت  يم بابك ينوح زمزم عليك  وحراء
ذوله جوك  المشركين الغار ينسجلك رداء
خاف ينصاب الرسول شكد تحمل من جفاء
العنكبوت  انسج يحوم لنبي يبدي الوفاء

اذو اهوايه الرسول
يحترك بيت البتول
........بعد ابوها المصطفى
ياجرح تحمل  عجيب
***
للرسول  ابدي الكلام لساني يتوضه
ويكول
انحني  لسمه احترام  لوردت اقره الرسول
شفته جبريل اعتناك  يخدم الزهره
البتول
دنك ... وسلم  عليك    اخر    وداع  النزول

انت  للامه  سلام
ليله يم بابك ينام
....هاي  نسمات  الرسول
انت للعله   طبيب
****
هبط جبريل الامين  يارسول الله
الوداع
امتك   بعدك    تضيع  بين  افات  الضياع
تيهت   وين  المصير  لا  اذن لا من سماع
تركت  الدين الحنيف انصابت بعلة
صداع

شافت انواع العذاب
دفعوا  عالزهره  باب
........زمره  باطنهم قبيح
يازمن هل من مجيب
****
والي بيت ال  رسول عن صدق عن معرفه
خلي  حبك حب  يقين كون مو بس
عاطفه
اتخلق اخلاق  الرسول  ودرس انت
جم صفه
الله  باعث  جم رسول  يختم  وي المصطفى

شوف ابوالقاسم عفيف
شيد   الدين    الشريف
............شال  جف حيدر بديه
ياعلي  انت   الحبيب
***
ودع  الزهره الرسول  ظلت بحسره
وشجن
عاين  شلون البتول  حيره  خلاها
الزمن
هجمو  عليها  وتشوف  ظلت تتنوح
وتون
انكسر  منهه الظلع   والكلب  تدري امتحن

صعبه  الوعات الغياب
والله ما طاح الحجاب
.........الزهره  لاذت  لستر
ظلت بحسره  ونحيب
****
يوسف  الفتلاوي
 





https://www.tgoop.com/AlaaAlFahad8080

#زينب
نظراتج الروس اخوتج
نظرة سجين اعله الشمس
طبع الفراشه اتحب ورد
مو عالمحامل تنحبس
و احساسج الينزل نده
و الحادي صخرة و ما يحس
جم باجر يريد الدرب
و انتي اعله قلبج جم امس؟!

نعسانه بس كلچ حذر
مثل الگطا مساهر يظل
صايود و الفرصه رمش
من ينزل يطيح الجبل

خادم زينب سيد عبد الخالق المحنه

نعي عن لسان الزهراء عليها السلام تخاطب ابيها النبي  محمد صلى الله عليه واله وسلم

ودّعت فاطمة الهادي   والگلب نيران يسعر
ودّعت راحتها بعده     والوكت  دار وتغيّر
ودّعت مهجة گلبها    والحنين الكله معشر
ودّعت ريحة الجنه   والشمايل  طيب عنبر
ودّعت خير البريه   الطاهر   النور المطهر
بويه صاحت يلي بعدك  مخالفات البين تفتر
تهظم الدار الخليه   من اصد اشلون منظر
مااشوفك من اطبّها. من الحزن گلبي تفطر
يغيب حزن الدنيا عني   من چنت للدار تحظر
لاصبح مر على داري  ولاسواد الليل گوطر
خايفه من چنت يمي  عمري خافن يوم يگصر
هسه خوفي يطول عمري  مااريد اسنينه تكثر
من ونيني الناس ملّوا   شكوا من ونتي الحيدر
مالي حيل لشيل جدمي  جدمي يم گبّرك تعثر
فرگتك  ذبّلت عودي  من رحت طاح وتكسر
فرگتك فرهدت عمري وگلبي من بعدك تكدّر
فرگتك.  يابويه تكتل   يامصيبه المنها اكبر

الشاعر حسن لعيبي الحريشاوي





https://www.tgoop.com/alaa66klf

لايازمن غدار لاستشهاد النبي الاكرم محمد صلى الله عليه واله وسلم 

لايازمن غدار    يلماخذ المختار
واويلاه   واويلاه
★★★★★
دهر قاسي ابد ماينفع اعتابه
الدهر لوّعنه ويچوينه ابعذابه
امحظّر النكبات  ويدوّر غيابه
يدري باچر فاطمه تموت بمصابه
تفطّر گلبها وذاب     لمن عليها غاب
واويلاه   واويلاه
★★★★★
گلب عدها منين يتحمل رزيه
دمع نار يسيل من عين الزچيه
الدار وحشه ظلت عليها وخليه
من دنه للمصطفى يوم المنيه
اظلم عليها الكون    للدنيا ماظل لون
واويلاه   واويلاه
★★★★★
انكسر ظهر المرتضى وانهدم حيله
راح اخوه وكافله وروحه وخليله
راحت السلوه ومشت عنه برحيله
اتساوه ابعينه النهار ولون ليله
بغربه وعذاب ونار     ظل عايش الكرار
واويلاه   واويلاه
★★★★★
صارت الدنيا على الاحباب مره
الحسن بعده ودّع ايام  المسرّه
حسين غارگ بالدمع وبصدره عبره
وزينب توج ابگلبها الف جمره
ماظل كلب مرتاح   يوم النبي من راح
واويلاه   واويلاه
★★★★★
يازمن غدار    ماترحم اسنينه
خذت منهم راحت البيت وحنينه
وغابت الگمره على ديار المدينه
بالگلب لوعات.  شايلها نبينه
راح النبي مظلوم    بگلبه عتب مظموم
واويلاه   واويلاه

الشاعر حسن لعيبي الحريشاوي





https://www.tgoop.com/pagy007

لاستشهاد النبي محمد صلى الله عليه واله وسلم (ميمر )

حيدر دفن خير الناس. وَرَد على داره ابحسره
★★★★★
تفور المدامع علوجن همالَّه
ليل بأثر ليل الزمان أگباله
الدافن حبيبه شلون يصبح حاله
وشلون حال الكرار.    لونظر حال الزهره
★★★★★
لونظر حال ام الحسن مهمومه
شيطَيَّب اجروح الغدت ملچومه
گلوب الصبر من فرگته مهدومه
أيصبر الزهره الكرار   ماادري هيه اتصبره
★★★★★
بويه النوايب حيَّرنَّي بأمري
اصعب فواجعهن توَلَّن ظهري
اشهور يمكن مايطَوَّل عمري
اشهور المنيه ابفرگاك.  لاتظن توصل عشره
★★★★★
موسهله فرگاه المحب موسهله
لمن يغيب.   ومايعاود  لهله
فراگ النبي الماشاف حيدر مثله
لوعاته حيدر للدوم.  حد مايخلص عمره
★★★★★
هذا الدهر نكباته لمن تفتر
تصَوَّب الزهره بنص گلبها وحيدر
علفراگ طه شلون حيدر يگدر
صارت الحال ابفرگاه. مثل اليعيش بصحره

الشاعر حسن لعيبي الحريشاوي





https://www.tgoop.com/pagy007

#محمد
نعي لسان حال مولاتي فاطمة الزهراء (ع)

            انضر مچانك بويه خالي
           بعدك عمه عيوني الجرالي
            تدري شكثر لعيوني غالي
            ضل  الحزن  لازم  خَيالي 
============================
           خيمة الوالي تلم العيال
          صعبه يتيمه اعليه ينكال
         يذبح  تراه  الهضم  جتّال
        ودموعي سالت فوك الرمال
============================
          الفاكد ابوه  تخنكه  الايام
         وايضل ينوح وكلبه محتام
        واللحضه  تنعدله بألف  عام
        وليله   يون  ما يكدر   ينام
============================
        صحت الكبر لا تدفنه بساع
         هونك علي خل اشبع وداع
        وبهيده خاف تلجمه هالكاع
       ولموته كلبي بنص حزن ضاع
============================
   كأني بالزهراء تخاطب رسول الله (ص) 

       يليل وتنحب النجمات .. بسماك
       ملائكة الجليل   تلوذ  ..  بسماك
       توذر  چبدك  المعلول  .. بسمّاك
          يبو الزهراء ريت البيك بيه
============================
لخادم النبي محمد (ص)  سجاد الكربلائي






https://www.tgoop.com/alaa66klf

#نزال ذكرى استشهاد الامام الحسن العسكري

         نرفع تعازينه ...… للمهدي والينه
              بمصاب ابوه العسكري

ابنار الحزن ننعه .. والغائب أنسمعه ــ هذا البكاء
ليلة عـزه اونه .. يالمهدي سجلنه ــ نحيي العزاء
بسامره نتحـزم .. يا سيدي ونلزم ــ بـاب الدعاء
بمصاب ابومحمد .. دمعتنه تجـدد ــ دمعة وفاء

     نلطم على امصابه … ودمعتنه سچابه
                بمصاب ابوه العسكري


آه اشكــثر بيـــنه ... لهفه اعله مهدينه ـــ زاد الهــرج
حتى الجرح يندب .. وبدمه ضل يكتب ــ يمته الفرج
چن بالحلــم شفته .. متحــزم ابخته .. ومهره انسرج
ويلـوح ابســيفه .. كلشي اصبح ابكيفه ــ ولعدا خرج

       چايمته يجمعنه …… ويمسح مدامعنه
                 بمصاب ابوه العسكري


غاب الحسن نوره .... وليله عاشــــوره ـــ عالشيعه هل
فك الحزن بــابه ... ونفجـعت احبـــــابه ـــ ابليل الاجل
بمصيــبة الســاده ... ناعي الحزن نــاده ـــ الغـالي رحـل
افراگ الحسن جمره .. لوعه وبچي وحسره ــ لاموسهل

    سهم الهجر يجرح …… لو عالمحب صبح
                  بمصاب ابوه العسكري


كل الحواس اتحس .. مهدينه بالمجلس ــ اويــانه حـظر
يبچي اويدگ راسه .. وتخنگه انفـــاسه ــ وظهره انكسر
وبت النبي البضعه .. ويــاه اجـت تنــعه ــ وشبعت قهــر
الكـل منــــهم اليله .. أن ونهـــدم حيـله ــ وگلبه انفطـــر

  اويه للمهدي والزهره …… العـالم بچه بأســره
                 بمصاب ابوه العسكري


بذكره الصبح نبدي .. بـاب الله يالمهدي ــ يااحله باب
يمته الگلب ينسر .. وبن الحسن يظهر ــ طال الغيـاب
ناب الحقد كشر .. وزاد الظلم والشر ــ وشفنه العذاب
كل احنه انصاره ... ونطالب ابثـــاره ــ اليوم الحساب

     عجـل يغالينه …… كل احنه نادينه
            بنصاب ابوه العسكري

         
         الخادم
    كامل السعيدي




https://www.tgoop.com/alaa66klf

ذكرى استشهاد الامام الحسن العسكري ع

يالعسكري    بنار المصاب
يالعسكري    دلالـــي ذاب
يالحســـن رايـــات حزنك علگتهن
وحتى دمعاتي المصابك حظرتهن
*--*
للمجلس ابشوگ وبعبره اروحن
وجروحــي ويـاي گلهن ينـوحن
ابحبــك يمولاي كل يوم ابوحن
وعـذرني ابهاي كُنْ لِيْ سموحن

انته العشگ     ونتـه الهوه
حبك صبح      راحه ودوه
نعمه حبـك والفضائل بي شفتهن
حتى دمعاتي المصابك حضرتهن
*--*

ليلة حـزن هــاي حيل افجعتني
وجروحي الهواي والله ألچمتني
مـــن كثـر الدمــوع ذبلته جفني
ومن ثگل الهموم يوجعني متني

ننصب عزه     لمصيبتك
يحله الطم      بقرايــتك
عالطـــم جفـــــــين اديــه عودتهن
وحتى دمعاتي المصابك حضرتهن
*--*

وفقني كل عـام الهـاي المئــاتم
وعنــدك يمولاي سجلني خـادم
اشما الطم اعليك ماچني لاطم
والرايد ايلوم ابتفكــيره واهــم

گلبي انجوه     ابنــار العشـگ
اسمك نَبُض     ضل بيه يدگ
ابمجلسك كل المــــــواجع گلبتهن
وحتى دمعاتي المصابك حظرتهن
*--*

يا كوكب النــــور هليله مخســـــوف
ظلمه اصبح الكون وعيونك اتشوف
مفجــوعه الأمـلاك وبگبـرك اطـــوف
وفطرس يمولاي ضل دمعه مذروف

جمر القضى     ابگلب المحب
بمصيـــبتك      يلهـب لهــــب
اجروحي تبچي اجروح لجلك عودتهن
وحتى دمعــاتي المصــــابك حظــرتهن
*--*

عـاده الكم الموت وثوب الشهاده
گضـــيت الايـام طــاعه وعبــاده
مـــن اجلك الكون اعلن حــداده
يا عــروة الدين ونــوره اوتـــاده

اهموم الدهر     ما ينتهن
طــول العمر      يتجددن
كلهن ابداخـل ضريحــك سولفتهن
وحتى دمعاتي المصابك حضرتهن
*--*

     الخادم
كامل السعيدي



https://www.tgoop.com/pagy007

قصيده لاستشهاد الامام العسكري عليه السلام

سيدي يالعسكري  
حبكم بدمنه سري
كل امامي جعفري   ينصر الدين
"""""""""""""
يا إمامي وقدوتي وللحق مناره
انتو دين الله انعدل بيكم مساره
يگضي عمره المايبايعكم خساره
يالرسم دمكم نهج كل الغياره
انتم الحبل المتين
انتم الركن الحصين
من لكم تابع يقين    ينصر الدين
"""""""""""""""""""
سيدي شگد حاولو يخفون ضيكم
بس بقى بگلب المحب للموت حبكم
ياللي دين الله ارتوه من فيض دمكم
شما بذل جهده البغي منحول عنكم
احنه وي خطكم نسير
وياكم اربطنه المصير
واللي وياكم يصير.    ينصر الدين
""""""""""""""
بالعقل والدين قاومت الخصوم
واجهت سلطتهم بفكر اوعلوم
قررو قتلك ويسگوك السموم
زالو اوحبك بقى ويبقى ويدوم
وعشت بگلوب الاباة
وصرت شريان الحياة
من المهد حتى الممات     ينصر الدين
"""""""""""""""""
يعينك الله سيدي يالمنتظر
وانت صابر سيدي لحكم القدر
شگد مصايب شفت من هذا البشر
مصاب عن مصاب اشد وادهى اوأمر
باسمك شگد حاولو
ودين جدك أولو
واليودكم حاربو     ينصر الدين
""""""""""""""""""""
يندبونك سيدي يمتى الظهور
وعن نهج جدك تراهم في نفور
اهتمو بدنيه واموال وقصور
ونسو ذيچ الوحده في وسط القبور
للمظاهر منتمين
وجوهر الحق ناكرين
وخوّنو كلمن أمين    ينصر الدين


    احمد آل عگله الموسوي




https://www.tgoop.com/pagy007

الامام الرضا عليه السلام 

نزله

يمسموم.      ياسيدي
يمظلوم.       ياسيدي
.....

يا امام الثامن.      وصّفوك الضامن
واليحبك رابح.      بالقيامه آمن
حبك مقدسينه.     بالضماير ساكن
الافلاك السبعه.      من مصابك صاحن
يمسموم.      ياسيدي
يمظلوم.       ياسيدي
.....

يالرضا احبابك.        صوباها صوابك
انفجعنه هوايه.        سيدي بمصابك
فدوه فدوه انادي.     يالرضا لترابك
يا الف هنياله.        لليشوف اعتابك
يمسموم.      ياسيدي
يمظلوم.       ياسيدي
.....

چبدك مأذينه       بالسم مگطعينه
جرحك وآلامه.     لسّه يسعر بينه
مانسينه مصابك.   سيدي تدرينه
بالمجالس حاضر.   يالرضا تبارينه
يمسموم.      ياسيدي
يمظلوم.       ياسيدي
.....

نواسي گلبك لازم     يم اخوك العالم
بالمواكب جينه.       للأمام القاسم
بالصحن نقرالك.      واليعوفك نادم
مستحيل انعوفك.    حد ظهور القائم
يمسموم.      ياسيدي
يمظلوم.       ياسيدي
.....

يالرضا مولانه.      شيعتك حزنانه
عالعهد خدامك.    لحضرتك لهفانه
والامام المهدي.    بالعزاء اويانه
شيعتك وفايه.     والنبي وقرآنه
يمسموم.      ياسيدي
يمظلوم.       ياسيدي

سيد زيد الفحام
_____




https://www.tgoop.com/AlaaAlFahad8080