لاستشهاد الامام الرضا عليه السلام

ناحل من عذابك   شايل اهموم
مولاي الرضا        ترتاح  يايوم
عذاب ايام الطفوف      تجرح گلبك اسيوف
★★★★★
المصايب ماخطنك وحده وحده
رغم حد الصبر  ماخلص حده
تتفرع  الشده  بالف   شده
من المأمون يوم الفرض عهده

تدريها مخادع كلها حيله    
كل ليله خطر لوتمر ليله
يمك  صارت اطوف
تجرح گلبك اسيوف
★★★★★
زعمهم رفعتك ياسيد الرفعه
مامحتاج منهم رفعه لاسمعه
رفعت الدين انته وَقَوِّمَت شرعه
والناظر ضعيفه حجته اترجعه

منهو ناظرك لوصمد مولاي   
رد مكسور مايملك بعد راي
عدهم ماكو معروف
تجرح گلبك اسيوف
★★★★★
غريب الحال وتجاوزت كل غربه
صعبات الزمان   عليك  موصعبه
من سالف زمان   العتره متعذبه
چن محد   قراها   آية القربى

شگد اتحملت  ماعفت دورك 
ذوبت الظلام وسطع نورك
ماهزك ابد خوف
تجرح كلبك اسيوف
★★★★★
رحيم الكلب يلي ماشفت رحمه
قابلت النوايب    كلها بالحكمه
ماتقبل يضل   الدين بس اسمه
وبينت المواقف   مو فقط كلمه

الباطل مايوگفه تدري غيرك   
ماخفت العواقب لومصيرك 
جبل بالشده معروف
تجرح گلبك اسيوف

★★★★★
وينه الناظرك  والجادلك وينه
مافادت علومه وكل مضامينه
انته الدين والله يغضب الدينه
يلعندك اسرار الله وبراهينه

على الظالم نعم الله يعينك   
انذلوا وانته مرفوعه جبينك
صابر عينك اتشوف
تجرح گلبك اسيوف

الشاعر حسن لعيبي الحريشاوي





https://www.tgoop.com/AlaaAlFahad8080alaa

#نزال ذكرى استشهاد الامام الحسن العسكري

         نرفع تعازينه ...… للمهدي والينه
              بمصاب ابوه العسكري

ابنار الحزن ننعه .. والغائب أنسمعه ــ هذا البكاء
ليلة عـزه اونه .. يالمهدي سجلنه ــ نحيي العزاء
بسامره نتحـزم .. يا سيدي ونلزم ــ بـاب الدعاء
بمصاب ابومحمد .. دمعتنه تجـدد ــ دمعة وفاء

     نلطم على امصابه … ودمعتنه سچابه
                بمصاب ابوه العسكري


آه اشكــثر بيـــنه ... لهفه اعله مهدينه ـــ زاد الهــرج
حتى الجرح يندب .. وبدمه ضل يكتب ــ يمته الفرج
چن بالحلــم شفته .. متحــزم ابخته .. ومهره انسرج
ويلـوح ابســيفه .. كلشي اصبح ابكيفه ــ ولعدا خرج

       چايمته يجمعنه …… ويمسح مدامعنه
                 بمصاب ابوه العسكري


غاب الحسن نوره .... وليله عاشــــوره ـــ عالشيعه هل
فك الحزن بــابه ... ونفجـعت احبـــــابه ـــ ابليل الاجل
بمصيــبة الســاده ... ناعي الحزن نــاده ـــ الغـالي رحـل
افراگ الحسن جمره .. لوعه وبچي وحسره ــ لاموسهل

    سهم الهجر يجرح …… لو عالمحب صبح
                  بمصاب ابوه العسكري


كل الحواس اتحس .. مهدينه بالمجلس ــ اويــانه حـظر
يبچي اويدگ راسه .. وتخنگه انفـــاسه ــ وظهره انكسر
وبت النبي البضعه .. ويــاه اجـت تنــعه ــ وشبعت قهــر
الكـل منــــهم اليله .. أن ونهـــدم حيـله ــ وگلبه انفطـــر

  اويه للمهدي والزهره …… العـالم بچه بأســره
                 بمصاب ابوه العسكري


بذكره الصبح نبدي .. بـاب الله يالمهدي ــ يااحله باب
يمته الگلب ينسر .. وبن الحسن يظهر ــ طال الغيـاب
ناب الحقد كشر .. وزاد الظلم والشر ــ وشفنه العذاب
كل احنه انصاره ... ونطالب ابثـــاره ــ اليوم الحساب

     عجـل يغالينه …… كل احنه نادينه
            بنصاب ابوه العسكري

         
         الخادم
    كامل السعيدي





https://www.tgoop.com/alaa66klf

ذكرى استشهاد الامام الحسن العسكري ع

يالعسكري    بنار المصاب
يالعسكري    دلالـــي ذاب
يالحســـن رايـــات حزنك علگتهن
وحتى دمعاتي المصابك حظرتهن
*--*
للمجلس ابشوگ وبعبره اروحن
وجروحــي ويـاي گلهن ينـوحن
ابحبــك يمولاي كل يوم ابوحن
وعـذرني ابهاي كُنْ لِيْ سموحن

انته العشگ     ونتـه الهوه
حبك صبح      راحه ودوه
نعمه حبـك والفضائل بي شفتهن
حتى دمعاتي المصابك حضرتهن
*--*

ليلة حـزن هــاي حيل افجعتني
وجروحي الهواي والله ألچمتني
مـــن كثـر الدمــوع ذبلته جفني
ومن ثگل الهموم يوجعني متني

ننصب عزه     لمصيبتك
يحله الطم      بقرايــتك
عالطـــم جفـــــــين اديــه عودتهن
وحتى دمعاتي المصابك حضرتهن
*--*

وفقني كل عـام الهـاي المئــاتم
وعنــدك يمولاي سجلني خـادم
اشما الطم اعليك ماچني لاطم
والرايد ايلوم ابتفكــيره واهــم

گلبي انجوه     ابنــار العشـگ
اسمك نَبُض     ضل بيه يدگ
ابمجلسك كل المــــــواجع گلبتهن
وحتى دمعاتي المصابك حظرتهن
*--*

يا كوكب النــــور هليله مخســـــوف
ظلمه اصبح الكون وعيونك اتشوف
مفجــوعه الأمـلاك وبگبـرك اطـــوف
وفطرس يمولاي ضل دمعه مذروف

جمر القضى     ابگلب المحب
بمصيـــبتك      يلهـب لهــــب
اجروحي تبچي اجروح لجلك عودتهن
وحتى دمعــاتي المصــــابك حظــرتهن
*--*

عـاده الكم الموت وثوب الشهاده
گضـــيت الايـام طــاعه وعبــاده
مـــن اجلك الكون اعلن حــداده
يا عــروة الدين ونــوره اوتـــاده

اهموم الدهر     ما ينتهن
طــول العمر      يتجددن
كلهن ابداخـل ضريحــك سولفتهن
وحتى دمعاتي المصابك حضرتهن
*--*

     الخادم
كامل السعيدي





https://www.tgoop.com/pagy007

نسالكم الدعاء خدام الحسين ع
لوالدي يمر بأزمة صحية

علاء الفهد

#نزال ذكرى استشهاد الامام الحسن العسكري

         نرفع تعازينه ...… للمهدي والينه
              بمصاب ابوه العسكري

ابنار الحزن ننعه .. والغائب أنسمعه ــ هذا البكاء
ليلة عـزه اونه .. يالمهدي سجلنه ــ نحيي العزاء
بسامره نتحـزم .. يا سيدي ونلزم ــ بـاب الدعاء
بمصاب ابومحمد .. دمعتنه تجـدد ــ دمعة وفاء

     نلطم على امصابه … ودمعتنه سچابه
                بمصاب ابوه العسكري


آه اشكــثر بيـــنه ... لهفه اعله مهدينه ـــ زاد الهــرج
حتى الجرح يندب .. وبدمه ضل يكتب ــ يمته الفرج
چن بالحلــم شفته .. متحــزم ابخته .. ومهره انسرج
ويلـوح ابســيفه .. كلشي اصبح ابكيفه ــ ولعدا خرج

       چايمته يجمعنه …… ويمسح مدامعنه
                 بمصاب ابوه العسكري


غاب الحسن نوره .... وليله عاشــــوره ـــ عالشيعه هل
فك الحزن بــابه ... ونفجـعت احبـــــابه ـــ ابليل الاجل
بمصيــبة الســاده ... ناعي الحزن نــاده ـــ الغـالي رحـل
افراگ الحسن جمره .. لوعه وبچي وحسره ــ لاموسهل

    سهم الهجر يجرح …… لو عالمحب صبح
                  بمصاب ابوه العسكري


كل الحواس اتحس .. مهدينه بالمجلس ــ اويــانه حـظر
يبچي اويدگ راسه .. وتخنگه انفـــاسه ــ وظهره انكسر
وبت النبي البضعه .. ويــاه اجـت تنــعه ــ وشبعت قهــر
الكـل منــــهم اليله .. أن ونهـــدم حيـله ــ وگلبه انفطـــر

  اويه للمهدي والزهره …… العـالم بچه بأســره
                 بمصاب ابوه العسكري


بذكره الصبح نبدي .. بـاب الله يالمهدي ــ يااحله باب
يمته الگلب ينسر .. وبن الحسن يظهر ــ طال الغيـاب
ناب الحقد كشر .. وزاد الظلم والشر ــ وشفنه العذاب
كل احنه انصاره ... ونطالب ابثـــاره ــ اليوم الحساب

     عجـل يغالينه …… كل احنه نادينه
            بنصاب ابوه العسكري

         
         الخادم
    كامل السعيدي





https://www.tgoop.com/alaa66klf

ذكرى استشهاد الامام الحسن العسكري ع

يالعسكري    بنار المصاب
يالعسكري    دلالـــي ذاب
يالحســـن رايـــات حزنك علگتهن
وحتى دمعاتي المصابك حظرتهن
*--*
للمجلس ابشوگ وبعبره اروحن
وجروحــي ويـاي گلهن ينـوحن
ابحبــك يمولاي كل يوم ابوحن
وعـذرني ابهاي كُنْ لِيْ سموحن

انته العشگ     ونتـه الهوه
حبك صبح      راحه ودوه
نعمه حبـك والفضائل بي شفتهن
حتى دمعاتي المصابك حضرتهن
*--*

ليلة حـزن هــاي حيل افجعتني
وجروحي الهواي والله ألچمتني
مـــن كثـر الدمــوع ذبلته جفني
ومن ثگل الهموم يوجعني متني

ننصب عزه     لمصيبتك
يحله الطم      بقرايــتك
عالطـــم جفـــــــين اديــه عودتهن
وحتى دمعاتي المصابك حضرتهن
*--*

وفقني كل عـام الهـاي المئــاتم
وعنــدك يمولاي سجلني خـادم
اشما الطم اعليك ماچني لاطم
والرايد ايلوم ابتفكــيره واهــم

گلبي انجوه     ابنــار العشـگ
اسمك نَبُض     ضل بيه يدگ
ابمجلسك كل المــــــواجع گلبتهن
وحتى دمعاتي المصابك حظرتهن
*--*

يا كوكب النــــور هليله مخســـــوف
ظلمه اصبح الكون وعيونك اتشوف
مفجــوعه الأمـلاك وبگبـرك اطـــوف
وفطرس يمولاي ضل دمعه مذروف

جمر القضى     ابگلب المحب
بمصيـــبتك      يلهـب لهــــب
اجروحي تبچي اجروح لجلك عودتهن
وحتى دمعــاتي المصــــابك حظــرتهن
*--*

عـاده الكم الموت وثوب الشهاده
گضـــيت الايـام طــاعه وعبــاده
مـــن اجلك الكون اعلن حــداده
يا عــروة الدين ونــوره اوتـــاده

اهموم الدهر     ما ينتهن
طــول العمر      يتجددن
كلهن ابداخـل ضريحــك سولفتهن
وحتى دمعاتي المصابك حضرتهن
*--*

     الخادم
كامل السعيدي





https://www.tgoop.com/pagy007

لاستشهاد الامام الحسن العسكري عليه السلام (ملمع    بين قوسين فصحى )

(لاوقت للتَصَبُرِ . آه لِفَقْد الْعَسْكَرِيّ )
★★★★★
مرت عليه شگد فتن
مسجون ياجنة عدن
بقيود واغلال امتحن 
مظلوم     مولاي  الحسن
من الزمن    واهل  الزمن    
مظلوم        ايامه  گضن
( دمعي جرى   لما جرى     اه لفقد العسكري )
★★★★★
غدر وخيانات اشتمل   
عمر الورد عمره ذبل
اثلاثين عمره  ماوصل  
شاف الشدايد  واحتمل
ينظر  على بدر اكتمل   
لأهل الأرض هو الامل
( للمرتجى   نور الدجى       اه لفقد العسكري )
★★★★★
للطاعته عليهم فرض
اهل الظلاله تعترض
ضاگت عليه طول وعرض  
من جورهم   هاي الارض
لاعهد       عدهم  ينحفظ   
السابع ظهر   هذا البغض
(  قد اظهروا     مااظمروا     اه لفقد العسكري )
★★★★★
اهل العلوم اتحيروا  
لمن اجوه وناظروا
بأنوار علمه اتاسروا  
بهاي العلوم اتاثروا
اهل التسلط من دروا   
جم خطه للشر دبروا
( هم اهلها    وحبلها    اه لفقد العسكري )
★★★★★
بالسم لفاه المعتمد    
بأفعاله وبهذا القصد
نظرة حقد لمن يصد
ناتج انانيه وحقد
يعرف بعلمه ويعتقد   
من نوره  قائم ينولد
  ( كهف الورى    وناصرا    اه لفقد العسكري )

الشاعر حسن لعيبي الحرسشاوي





https://www.tgoop.com/alaa66klf

نَعي عَنْ الْإِمَامِ الْعَسْكَرِيّ عَلَيْهِ السَّلَامُ

سَمَّوك  ياسيدي  متغَيِّرَه الوانك
قَصد الْعِدَه ياجبل  تتهدَّم اركانك
يابوكلام العَذب  مافارگ السانك
نكروك يلعسكري  وماردَّوا إِحْسَانك
من سجن بيك السجْن يَرَدون عدوانك
ظنوك تهتز  صدگ  لويضعف إيمانَك
حرموك مِن الاهل  وابعدوا  خلَّانك
ثَلَاثِين ماكَملَّت  يلذبلت اغصانك
بسِم وخِيَانَه  وغدر   مافاز منْ خانَك
انذلَّوا أَسياد الْقَصْر وانته ارْتَفَع شَانُك

الشاعر حسن لعيبي الحريشاوي

قصائد استشهاد الامام الحسن العسكري  (ع)
نــزلـه
"""""""""""""""""""""""""""""""""""""""""""""""""""""""""""""""""""
دمعتنه سچابه            للمهدي ومصابه
هليله هليله                  دمعتنه سچابه
""""""""""""""""""""""""""""""""""""""""""""""""""""""""""""""""""""1
المهدي محتار ويون هالليلة
يبجي ويـون ودمعه  يسيله
فراگ الابوا ياناس هد حيله
ياويله الفاگــــد أبـــو ياويله

المهدي هالليلة يون وينادي
ياوسفه بويه سموك الاعادي

هلليله هلليله        دمعتنه سچابه
""""""""""""""""""""""""""""""""""""""""""""""""""""""""""""""""""""2
المهدي يبچي ودمعته بعيونه
مفارگ أبــــوه الغالي وتدرونه
مانام ليله وغمظاها اچفــــونه
مايگدر يعيش العمر مـن دونه

بغياب أبــــــوه شلون يرتاح
راح العزيز الچان اله مصباح

هلليله هلليله     دمعتنه سچابه
""""""""""""""""""""""""""""""""""""""""""""""""""""""""""""""""""""3
ابنك انــه المهدي وتدريني
صعب فگدك بويه وياذيني
ويــن رايح بويه ومخليني
ياهو غيرك بــــويه يسليني

لاتروح بروحتك زاد الافراك
لاتروح  بغيبتك  بويه اشتاك

هلليله هلليله         دمعتنه سچابه
""""""""""""""""""""""""""""""""""""""""""""""""""""""""""""""""""""4
الحــزن يبدي عليه بروحتك
حيل تاذيني يبـــويه سفرتك
طفوا بعيني يبـــويه شمعتك
والله تاذيني يبويه مصيبتك

مصيبتك صعبه علي يالغالي
رحــــت انتــه وخيبت امالي

هالليلة هالليلة   دمعتنه سچابه   
""""""""""""""""""""""""""""""""""""""""""""""""""""""""""""""""""""5
متت مسموم وعفتني بحالي
وانـــه غيرك كلشي مايحلالي
ويــــــــن رايح عني هايلوالي
السمك انته ريته ســــم دلالي

الله يلعنهم يبويه السمموك 
حيل يابويه تراهم عذبوك

هلليله هلليله       دمعتنه سچابه
""""""""""""""""""""""""""""""""""""""""""""""""""""""""""""""""
الشاعر         عماد محمد الدراجي
           




https://www.tgoop.com/alaa66klf

النشيد الثاني
فرحة الزهراء
.....
فرحنه واليودنه
يفرح اويانه
....
فرحنه ابفرحة الزهره
الاذاها مشه الگبره
يويله شنو الينتظره
عله ام احسين يتجره
منه بالكلب جمره
الله حقق ارجانه
فرحنه واليودنه يفرح اويانه
.....
فرحنه والگلب فرحان
فرحانه الانس والجان
الحور امعطره الاكوان
بالنرجس اوبالريحان
الزهر للفخر عنوان
انهني النبي مولانه
فرحنه واليودنه يفرح اويانه
....
فرحنه والفرح هليوم
تفرح زينب اوچلثوم
اويفرح حجة القيوم
وصي المصطفه  المعلوم
الاذاهم صبح مهزوم
گلبنه هدأت احزانه
فرحنه واليودنه يفرح اويانه
......
فرحتنه ابربيع اول
التاسع منه اتأول
الظالم بيه اتحول
الجنهم راح متهجول
بيها اهناك يتسول
هوه والذي عانه
فرحنه واليودنه يفرح اويانه
....
فرحانين كل احنه
ويه العتره سادتنه
ونهني حبيبتنه
اوخديجه الطاهره امنه
اومنها انريد حاجتنه
فرحنه اليوم ميحانه
فرحنه واليودنه يفرح اويانه
....
الحاجة ام احسان الخاقاني
9 ربيع الأول





https://www.tgoop.com/alaa66klf

قصيده لتتويج الامام الحجه عج…


اليوم افراح وأماني …… للولي انقدم تهاني
ابيوم تتويجه فرحنه
ازهـر ونـور صبـــحنه
للولي انقدم تهاني
"""""""""""'

اليوم عيــد وفرحه مرت بيــنه
اليوم يوسف فاطمه امتوجينه
انبـارك الحــــيدر علي وهادينه
وكلنه نفرح وي فرح مهــــدينه

انشارك الفرحه سويه …… وي علي اوي الزچيه
نفرح وننسه جرحنه
ازهر ونـور صبــحنه
للولي انقدم تهاني
"""""""""""""

باقـت اورود وشـمع جبناله
ومحـفل ابتتويجه سويناله
غالــي وبيات الشعر تحلاله
ابكل مقام وكل وزن نقراله

اليوم نشفنه المدامع …… وزينه علگنه الجوامع
يحله للمهدي شعرنه
ازهـر ونــور صبحنه
للولي انقدم تهاني
""""""""''''''''"

المهدي محبوبي وصرت مجنونه
دايــخ ابحسنه وجمـــال اعيـونه
بأســـمه اذوبن لمن ايذكــــــرونه
الشيعه دكتــــــور الهوه ايسمونه

بالگلب ثابت مكانه …… هوه حبنه ومبتغانه
نفخر بهذا عشگنه
ازهر ونور صبحنه
للولي انقدم تهاني
""""""""""""""

بينه عايش ما نحس بغيابه
وبوجه خطـاره ما سـد بابه
المهدي مايتخله عن احبابه
اسمه بلسم للشديد اصوابه

ابكل وكت مهدينه حاظر …… لچن متشوقه النواظر
بالگلب شفناه احنه
ازهر ونور صبـحنه
للولي انقدم تهاني
"""""""""""""""

نضحــــك انريد ونعلگ زيــنه
انريد ننسه اجروحنه التاذينه
كافي مـــن ثوب الحزن ملينه
هل فرح صــار اشكثر ناسينه

اليوم حاطتنه السعاده …… وكل محب بدل سواده
حب ابوصالح جمعنه
ازهر ونور صبــــحنه
للولي انقدم تهاني
""""""'''''''"''

        الخادم
    كامل السعيدي





https://www.tgoop.com/pagy007

بمناسبة ولادة النبي الاكرم محمد صلى الله عليه واله وسلم

يوصيهم گضه عمره
الهادي وصه چم مره
بالقرآن والعتره
ياسيد البريه
★★★★★
جبت إلنه النعم يابوالمحنه افواج
للحق والعدل يلقدمت منهاج
الك منه الشكرفوگ الشكر يحتاج
يلأسمك على راس المعارف تاج
ميلادك يشع سحره
على الدنيا نشر عطره
يمولانا ياابو الزهره  
ياسيد البريه
★★★★★
مانگدرنوصفه  الوصفّه القران
ياكتلة مشاعر تسكن الوجدان
يافيض المحبه ونعمة الرحمان
مخذول ورفعته بعلمك الانسان
بعد هيهات لاذله
غيّرت الوضع كله
يلماكو نبي مثله   
ياسيد البريه
★★★★★
ياليل الزمان  وظلمة اسنينه
مايطلع ظلامه ابنور  هادينه
من كل معضله للحل  يودينه
ولوتهنه ابدرب مظلم    يدلينه
باخلاقك تغذينه
نعمه طلعتك لينه
يبوالرحمه يهادينه  
ياسيد البريه
★★★★★
بفضالك يعدد كل نبي قبلك
اجه يبرهن ولايوصل نبي مثلك
اجه بكل خطوه بفعاله يمهدلك
ياسيد البريه  الكون يشهدلك
اصحاح وكتب تشهد
بعد عيسى يجي احمد
الزمان بجيتك وَرَّد       
ياسيد البريه
★★★★★
يامورد عذب للي قصد علمك
واحد غيريت العالم ابعزمك
تعيش بخير ردت الناس كل همك
فدوه انروح ياجد الحسن لاسمك
يافيّ وشمس ألنه
حبك دوم شاغلنه
جنه مولدك جنه      
ياسيد البريه

الشاعر حسن لعيبي الحريشاوي





https://www.tgoop.com/alaa66klf

إذَا رُمْت الْعَذَاب يَزُول حَتْمًا
وَتَنْظُر حُزْن لَيْلِك قَد تَبَدَّد
ويرحل عَن فُؤَادَك كُلَّ هَمٍ
وَتَكْسِب بِالْأَمَانِي كُلّ مَقْصَدٌ
وتبغي من عظيم القول أَجْرًا
وتُحبَر فِي حَيَاتِك ثُمّ تُسْعَد
فَصَلِّي دَائِمًا وَعَلَيْه سَلَّم
رَسُولُ اللَّهِ هادينا ( مُحمد)

الشاعر حسن لعيبي الحريشاوي