ابوذيات نعي للامام زيد ع والامام الحسن ع

قضيتك ما قبل منهم        يذرهه
تعيش وينشلع رادو          يذرهه
اللعين الحاربك جثتك       يذرهه
ابهوه الله وترست احدود البريه
.............
يازيد المنايه اتحوم             حولاك
ابسهم ياحيف جان يغيب     حولاك
جثتك عالجذع ويدور          حولاك
ونصبت بيهه الطيور العزيه
................
بعد الكَمر جدك ضل          وياهَم
كَوه من العطش يبرز         وياهم
وي اصحابه لو بالطف       وياهم
جان بسيفك ترد آل اميه
.............
الهوه ايمر اعله جسمك جان      ويروح
ومنك هم جسد ياخذ             وي روح
حب جانت يبو الجيلات        وي رح
تطحن روحك اعله الغاضريه
..................................................
الك ثغر الفرح مايوم               بّسَم
وضعف عودك صرت تنلظم     بّسيم
حسافه يالحسن جبدك          بالسم
تفتت وارتمه ابطشت المنيه
...............
الكَلبك يالحسن هالجور         ياسِم
باعو عهدك بيا سعر              ياسُم
والاكثر بالمصاب الجان        ياسِم
جعده المنه لاكَيت الرزيه
...............
الزمن ماينردع يالحسن               يوجار
وبعد ميفيد كثره أصحاب         يوجار
ابفخذك خنجر الجلاد                 يوجر
وانت ابنص جيوش الناصبيه
.................

الطمن عالحسن ينجوم          يجرام
والجبد الحسن لاتكَرب            يجرام
العدو لسه ببو محمد               يجرم
الدليل الكَبر باقي ابلا بنيه


الشاعر
ياسر العارضي





https://www.tgoop.com/pagy007

لطميه
لرقيه عليها السلام
......
شفت الولي شفت الولي
بنومي وصبر ماظل الي
الصدره ضمني ابراسي حبني
بنومي وصبر ماظل الي
........
عمه يزينب شو شفت
من غمضيت اعيوني
شفت ابو اليمه بيا وضع
هيج يعمه اشجوني
دم الشهاده امغسله
جاليش ماتخبروني
عمه ابو اليمه انذبح
وبذبحته گلبي انجرح
وين عني يالتحبني
ارجع اورد بويه الي
.........
هليوم اريدن للولي
مشتاكه عمه اشوفه
عمه اريدن انشده
واشتم يعمه اجفوفه
جاليش يتمنى ومشه
ادموع اليتم معروفه
وصلت الضجه لمجلسه
ينشد على حال النسه
والهظمني اوزاد وني
مهظومه اصيحن يا هلي
.........
ودولها الرأس بعجل
مغطه جابوه ابمنديل
مااريد شي من دنيتي
تنادي ومدمعها يسيل
للدنيه جني امفاركه
والحرم صار الها اعويل
والراس يوم الشافته
طاحت عليه واحظنته
بويه اخذني يالعفتني
بعدك شنو الي ظل الي
.........
صاحت هله او يامرحبه
براسك يغايب عني
مشتاقه بويه الشوفتك
واعليك زايد وني
تالي اشوفك منذبح
الروح راحت مني
طاحت عله الراس تون
والحرم وياها تحن
يالعفتني شوف متني
امن الضرب ما ظل حيل الي
........
السجاد صاح ابلوعته
عمه بعجل شيلها
مهجتها عمه اتصدعت
شافت رأس واليها
فوك اليسر فوك الهظم
شوفي اشسوو بيها
فجعوها عمه بها لعمر
طفله اوما عدها صبر
المتني او دوهنتني
ياعمه وسلتني سلي

.... ....
يحسين خويه اتحيرت
بمصابك وبايتامك
ياريت وياكم رحت
ولا عشت بعد ايامك
صعبه يخويه غصتي
الأمي من الامك
زينب العذبها الزمن
عاشت مصايب ومحن
يالتحبني محنتني
مهظومه وادموعي اتهلي
........
خويه اليتيمه هلكضت
من الهظم مالومه
ظليت أجر بحسرتي
واذكر احسين ويومه
ظليت خويه امحيره
بتك كضت مظلومه
من جردتها الغاسله
مدمعي ياخويه جره
اموسميها املوعيها
ناديت بويه يا علي

ام احسان الخاقاني





https://www.tgoop.com/alaa66klf

فزاعية
لرقيه عليها السلام
........
جفلت منها المغسله
اوگالت ما اغسلنها
....
رقيه كضت مالومه
كلبها ينزف اهمومه
من اعداها مضيومه
▪️والايام ويه
▪️اعداها ظلمنها
.....
تنشد والدمع هالي
عمتها عن الوالي
يتيمه اوحيلها سالي
▪️فركة والدي
▪️ مكدر احملنها
.....
تون اعليه وتنادي
يبويه ذايب افادي
عليه تدري اشسادي
▪️صعب فركاك
▪️روحي بيش اهيدنها
....
ظلت عله هلحاله
والدمعات هماله
تتنشد عله احواله
▪️جابو راسه الها
▪️اوكضت نحبتها
.....
عمه ايكلها غسليها
عمتك حيل مابيها
المغسله اجت ليها
▪️اخاف اتگول المغسله
▪️انعدي منها

ليش امتونها زركه
زينب گالت ابحركه
وبعبرتها مختنگه
▪️اسياط العده
▪️لمتون ورمنها

ام احسان الخاقاني





https://www.tgoop.com/alaa66klf

نزله(2)
رقية بنت الامام الحسين عليه السلام
............
اشبيها اتون رقيه
بت الحسين
........
اشبيها اتون رقيه اوعينها تجري
وتكله يبويه حايره ابامري
يبويه وين انته وين ما ادري
حدي بالجره
الحرك الصواوين
......
اشبيها اتون رقيه اوتهمل الدمعه
تكله الصار ممصدكته منفجعه
صدك ابن الزجيه رضرضو ظلعه
صدك ظل ابو اليمه
ابغير تجفين
.......
اشبيها اتون رقيه اتصيح عينوني
امصاب احسين طاح اودر اعيوني
ماحسيت الا لمن جتفوني
واسمع عمتي
اتنادي
يطيبين
.......
اسمع عمتي اتنادي ابلوعتها
حكها فاكده اخوتها اوعزوتها
مصاب اخوتها بالدلال چايدها
امصاب اخوتها ودر
منها العين
......
ودر عينه اوخلاها ابيا حال
اه يا صبر زينب ماتهزه اجبال
مالومه اوتخفي لوعة الدلال
وتنادي يفاطم
ما تحضرين
......
متحضرين يمه تبجي ارقيه
وتنادي يبويه حيل مابيه
ييمه فاطمه حضري الساعيه
رقيه غمضت
ماتت ابهالحين
......
جابو راس ابوها اوشافته اوصاحت
هله ابراسك يبويه ابساعها طاحت
رقيه ما اتحملت خويه اوماتت
وانا مامتت
هشمني البين


ام احسان الخاقاني





https://www.tgoop.com/pagy007

مربعه (3)
للسيده رقية عليها السلام
......
بابا اتصيح وينك ماتجي ليه
تشوف امن الضرب مزركه ايديه
.....
بابا اتصيح وتهل الدمع عبرات
اريد اتشوف بابا امتوني امورمات
ما احمل ضرب يا بابا اولوعات
لوعني زماني اوحيل مابيه
....
يابابا حبيبي عاين الحالي
مالومه عليك اومدمعي هالي
ادور اعليك وينك بابا يالغالي
انوح اعليك بابا صبح ومسيه
.....
انوح اعليك بابا يا حبيب الروح
تعال اوشوف متني بويه المجروح
بس لا تلجمة مني تشوغ الروح
كبل ما اموت بويه لحك اعليه
....
كبل ماموت بابا ارد اشوفنك
احب ايدك واريدن بابا احضننك
يتيمه اتعوفني يالمشبعت منك
اريدنك اخبرني هم الك جيه
....
اريدنك تجي بابا يضي عيني
من ضيم اليسر يا بويه تحميني
ما ضل مني شي بس لوعة اونيني
اريدنك تجي واتكلي يرقيه
.....
رقيه اسمعها منك بابا تحييني
ترد روحي يبويه من تناديني
شنهو الي فرك مابينك اوبيني
اًوتالي اتعوفني اوما تسأل اشبيه
.....
ليش اتعوفني يا اعز كل ناسي
يالي بيك عالي اومرتفع راسي
ماحسبت بيه بابا باحساسي
ابلايه اوداع بابا اكطعت بيه
...

ام احسان الخاقاني





https://www.tgoop.com/pagy007

بمناسبة وفاة السيدة رقية بنت الامام الحسين عليه السلام

يماي العين . رايح وين
أريدَنَّك   يبويه حسين
★★★★★
گضه العاشر يبويه ولانه ودعتك
أخر يوم رايح.   للعده شفتك
عفتني بالدرب. لو بالدرب عفتك
تفارگني وانا المايوم فارگتك
دمعي  جَرَّح الخدين
اريدنك يبويه حسين
★★★★★
اناشدمن عليك وكلها محتاره
مُخَيَّمنَه احترگ ماتنطفي ناره
واحدنه على واحد ضاعت اخباره
علينه الگوم بويه شَنَّت  الغاره
محتاره يماي العين
اريدنك يبويه حسين
★★★★★
على دربك اناطر والگلب ينحب
عليه اتصيح گامت عَمَّتِي زينب
ردي يارقيه الظعن مو غَرَّب
مو غابت شمسنه وليلها گرَّبْ
مو گلبي انفطر  نصْيَّن
اريدنك يبويه حسين
★★★★★
گلبي يريد يمك يا ابو الطيبه
يطالب بيك مافَضَّت مطاليبه
يلروحك نهار وطلعتك هيبه
گالوا غايب وهم تخلص الغيبه
غبت لا يوم لايومين
اريدنك يبويه حسين
★★★★★
اريدنك يبويه وطالت المده
خَلَّصت الصبر حتى الصبر عَدَّه
اناشدمن بعد والگه الخبر عنده
اظن مالك علينه ياشهم ردَّه
اخافن مِن دواهي الْبِينْ
اريدنك يبويه حسين

الشاعر حسن لعيبي الحريشاوي





https://www.tgoop.com/alaa66klf

لسان حال رُقَيَّه تُخَاطَب أَبيهَا الْحُسَيْنِ عَلَيْهِ السَّلَامُ

ضَلَّت رُقَيَّه اتنوح
بحَسْرَه وَدَمْع مَسْفُوح
ضَلَّت رُقَيَّه تنوح
★★★★★
صَاحَت يبويه حسيْن.    وينك ينور الْعَيْن
يابويه غايب وين . عَنْ عَيْنِي  تَالِي ترُوح
★★★★★
يلماعليَّ رَدِّيت . سَالِم تَجِي اتمنيت
عَلَيْك شكثر وَنيَّت . وَنَّت حَمام الدَّوْح
★★★★★
وين انْتَه يارجواي . گالو رحْت للماي
عَنْك سئِلْت اهواي . وهاي الْمَنَايَا تَلُوح
★★★★★
ليش أَصْبَحْت مفگود . بكل خَيْمَه ماموجود
بگلبي أَمَل مَشْدُود . . انْتَه وَحَيَاة الرُّوح
★★★★★
فراگ الابو چتال . يزِيد الهظم بِالْحال
مِن اتهدَّم الدَّلَّال . مِنْ الْهَمِّ بنيت اصروح
★★★★★
يابويه يلمهيوب . گلبي عَلَيْك ايلوب
خَوْفِي ابرمح مصيوب لوبالسهم مَجْرُوحٌ
★★★★★
نار وزلم وسهام . . وانوبَّه حرگ اخيام
يلمرعب الظْلَّام . كلّ خوفِي لامذبوح
★★★★★
لاحس ولا أَنْفاس   . لا انْتَه لاعباس
التمَّت علينه النَّاس . عفْت الْحَمْل مَطْرُوحٌ

الشاعر حسن لعيبي الحريشاوي





https://www.tgoop.com/pagy007

ليلة استشهاد عزيزة الحسين رقيه ع

جروح ابوجـهك هواي .. شفـافك مارون ماي
يمن مذبوح عطشان .. شكـثر يابويه ذبــلان

--------------------------
قبل ساعـه چـنت يمي بمنامي
اسلم اعليك وانته اترد سلامي
هـسه ليش وجـهك بويـه دامي
شفافك ذابله وحيل انته ضامي

راسك شفته مذبوح .. هواي بشفـتك اجروح
هاجت بيه الاحزان .. شكـثر يابويه ذبــلان

--------------------------
اصد عيني عله وجهك ماشفت نور
شفـت هـواي وجـهك بويـه مطبور
عـظـم الوجـنه  هـذا حيل مكـسور
چا هـم مـثلي انتـه هـواي مسطور

هم هواي طگوك ؟ .. هم بالنار حرگوك؟
اشمن بيك دخان .. شكـثر يابويه ذبــلان
شكـثر يابويه ذبــلان

--------------------------
اشوف  هـواي متـغيره عيونك
العـطش يابويه غير حيل لونك
بحلگـك ليش كسروهن سنونك
اذا مـذبـوح  الـمـن يضـربـونـك

يمن عطشان منحور .. سنك ليش مكسور
وراسك كله تربان .. شكـثر يابويه ذبــلان

--------------------------

دمك خـل اوخره العامـي العيون
فك عينك يبويه وشوفني شلون
اراويـلك شـصـار بـهـاي المـتـون
بيـه هـواي مـن بعـدك يضـربـون

نزل لعـظامي السوط .. وچـفي بحبل مربوط
الحبل سوالي نيشان .. شكـثر يابويه ذبــلان

--------------------------
عگب ذبحك خيمنه اشتعلت بنار
احـترگت انـي يـبويـه وي الزغـار
انسبينه احنه ودخلنه شام الاخطار
اطـفال الشـام بـينه تشمر احجار

بحجر بينه يشمرون .. يشتمونه ويضحكون
وراسك عالي بالزان .. شكـثر يابويه ذبــلان

--------------------------
بويه الشام تهضم كلش الشام
ونظرات الشماته مـثل السهام
بخـرابه بلا سكـف خلونه انام
خرابه وليـلها مانعـرف شضام

خرابه وصوت الونين .. يـهد الحيل يحسين
نون باليل نسوان .. شكـثر يابويه ذبــلان
شكـثر يابويه ذبــلان


#الشاعر عقيل الحسناوي..






https://www.tgoop.com/alaa66klf

لمولاتي السيده رقيه عليها السلام


شلـونك يــابــعد تعــب السبي شلونك
اشكثر مشتاگه عيني اتصد ع اعيونك
-------------

بـس لا انته هذه البطـشت مشيـول
والچتــال اجـــه لبنــيت المـــچتول
يبو طول الحلو شو راجع ابلا طول
وابراسك معــتني وابكربله امتونك
-------------

ازغيـره وحـزنـك وفــرگـاك شيـبني
شلـتك لأن كل مـلگه انتـه شـايـلني
اشتـمـك واحــطن راسـك ابحـظني
واگلـك ليــش هلگـد مختـلف لونك
-------------

الفـگد چتـال عـد اهل العشگ ينگال
والملگه ويـراسك بــويه هــم چتـال
موش اگداري حزنك يهد گلب اجبال
ولبنيـــتك بـــلا طـــولـك يـــودونـك
-------------

هضمــتهه لبـــوهــه تشـكي الابنــيه
ليـــش امچـتــفين وحـرم مــسبيهه
وليـش اشــما تـذكــرك تنطگ ارقيه
وأذونــي ابظــرب يـــردون يـاذونك
-------------

احنـــه مخــدرات النبـي وعـلـويات
چا ليش ابخرايـب كل مسيه انبات
ونصبـح على نوگ الهزل مكشوفات
وابكل ديره اطــب اسمع يشتمونك
-------------

ابد موقصدي الچمـنك يبو اسكينه
ابسـبينه اشكثر ناس اتشمتت بينه
وابيـوت الشـام كلـه اتشامر اعلينه
والناس بحـجر  تسـتقبل اظـعونك
-------------

وعذرني اخـاف ابشـبگـتي اتلچمك
اريد اخلـط دمعـتي بـويه وي دمك
يبــويه خــل امــوت وانــه اشتمك
ودواي المـوت يل مـا ارهم ابدونك

علي الحميداوي الكربلائي





https://www.tgoop.com/pagy007

قصيدة ( مشتاكه الك ) الى السيده رقيه بنت الامام الحسين عليهما السلام

مشتاگــه ألك شيوصفه شوگ الفاكده
مشتاگــه ألك عينـي تشوفــك رايــده
شوگ اليفارگ جمــره
بالوّنــه يخلـص عمـره

**

يـا بويــه مشتــاگه شكــثر
لگلمــة يبـــويه الدافيـه
وأتمنى انـــه بهــل المسه
بحضنك أمأمنـه وغافيه
يلــي شلتنـي أعلــى المتن
عالجمـر اركــض حافيه
يابويه مــن يــوم الـــرحت
ماتـت أبـروحي العافيـه
تــدري شكــثر بيّــه حــنين ولهفـــه
تــدري شكـثر أتمنــى يمـــك اغفــه
بگليبي ظلت عبـــره
شوگ اليفارگ جمره
*

يابـويــه چفــي ألـــي چنــت
كــل ساعــه انتــه تشمّــه
يالغالــي هســه مــن الحبـل
يــا بــويـه ينـــزف دمـــه
ظليت أخـــاف مـــن الهوى
جـــرحـــي يبويــه يلچمـه
ما تدري بالسـوط أنضــرب
كلمــا صحـــت يـــا عمّــه
ســوط العده اشســوه يبويه بحالي
ســوط العده يلـــوعني بويه الغالي
ومتوني صارت حمره
شوگ اليفــارگ جمره

*

يـا بـويه تــرچيتي الذهب
البيــدك جبتــها أتــذكــر
سلبوهــا بالطــف العــده
ومنها يصــب دم احمــر
يــا بويه دمــي الي جـره
نفسه الجـره مـن المنحر
نــار وعطش خيل وشتم
واركض يبــويه واعثــر
خيل العده الرضت يبويه أبصدرك
خيل العده اتعنتنه واحنــه انعذرك
بحالي يبويه انته أدره
شوگ اليفــارگ جمره

*

ريتك تجيني بهـل المسه
ونفســك يمــر بأنفــاســي
وتشـاهــد بعينـــك ذبـــل
مـن الفرگه وردي وياسي
مرنـي يمن انت الهــوى
وأغلــى واعــز كل ناسي
وأتمنى لو جيت أبدمــع
تمســح بأيـــدك راسـي
مرني بحلم اقبــل يبــويـــه بهــايه
مرني بحلم صــارت عليه أهـوايه
وأبخدي شوف السطره
شوگ اليفــارگ جمره

*

ألفــرگــه اشــد مــن النبــل
مـرنــي يبويــه الغـــالي
كـل ساعــه وتمرني صّــور
وتغـفــه يبــويه أبــالــي
بصدرك شفت غافي السهم
ماخــذ مكــاني الخــالي
وي نحــرك الينزف دمــه
انذبحت يبـويــه آمــالي
غافي السهم ليش أبمكاني أشمالــه
غافي السهم وماخذ گلب مــو مالــه
نايم عــزيــز الــزهره
شــوگ اليفــارگ جمره
**

يـــا بـويه مريت وعدل
خضّــر ربيــع اسنينـي
گتلك يبواليمه أبــدمــع
چــا عــدمــن مخليــني
مــا ادري بـويه بالحلم
طيفــك نظــرتـه بعينـي
فزيت لن طشت الذهب
بي راســك يحــاچينـي
بويــه العمر أتلچمه وتذبحه أحـلامه
بويــه العمر بـراســك گضت أيـــامه
وبلهفـه اشمّــن عطــــره
شــوگ اليفــارگ جمره
*
الشاعر
موسى البديري





https://www.tgoop.com/pagy007

#علاء_الفهد
مقام #الحجاز

https://www.tgoop.com/pagy007

نزله للحسن ع
____

تدرينه ابخدمتك تدرينه
والينه يالحسن نادينه........
يا امامي........يا امامي

***
غصبا اعليهم نحبك والجنون احبابك
نرسم الطف ابقيعك والدمع لمصابك
سيدي احباب التودك وتعرف أصحابك
وشحلاته الي يشوفك لو يشم اترابك

احنه عالراي
___ يمولاي .......ثبتنه احچايه
درب الاصلاح
___ والارواح...........الك وفايه

تروينه ابرحمتك تروينه
والينه يالحسن نادينه
***
يالحسن احنه اجتمعنه شيعتـك ونصارك
باچر انشوف الملايك تنحني يم دارك
لسمه انشاهد ضريحك سيدي ونوارك
والبقيع ايصير جنه تلتقي ابزوارك

اتحيي الضيوف
____ والطيوف......حلات اعيونك
احنه ابحماك
_ بلياك............نموت ابدونك
تلگينه كل وكت تلگينه
والينه يالحسن نادينه
***
انحول اهناك المواكب تعتني المشايه
للحجاز ايصير ممشه شيعتك وفايه
يالحسن انصار عندك للحرب عنايه
الغرقد انگلبه روافض هايه عدنه اكفايه

درب الاخطار
___ والأخبار.....تشوف احبابك
باچر انشوف
__والضيوف..........تشم اترابك

حبينه شوفتك حبينه
والينه يالحسن نادينه
***
اتعزب اهناك المواكب والخدم موجوده
كربله ااتسيير تجيلك بالوفه مشهوده
سفره نلكه هناك عندك للكرم ممدوده
وشحلاته الي يجيلك من يوفي اعهوده

ابهمك اتروح
__ والجروح.............تطيب ابابه
اسجد واشوف
__ واذا طوف.......حلات اعتابه

اتحيينه سيدي اتحيينه
والينه يالحسن نادينه
**
باچر انشاهد بقيعك......كربله اتمر بيها
صحنك انشوفه يالغالي بالذهب ماليها
رايتك عالكبه ...صارت للسمه انعليها
فاطمه اتسوي العزيه بحضرته نلكيها

كلها زوار
عله النار.............الك ملهوفه
گبته اشلون
يجي الكون.....البقيع انطوفه

تشفينه نظرتك تشفينه
والينه يالحسن نادينه
***
نعتنيك وما يهمنه خل يشوف الظالم
ننهيی ال سعود حتما من يجيك القائم
يالثار الحسن نهتف والنصر ثق حاسم
براية العباس..... نوصل للبقيع انهاجم

خل يشوفون
____يسمعون........حجي الطامه
توصل هناك
___والوياك.............تجي خدامه

تحمينه بديرتك تحمينه
والينه يالحسن نادينه
***
#تمت بعون الله تعالى
## خادمكم ___يوسف الفتلاوي






https://www.tgoop.com/alaa66klf

نعي للامام الحسن عن اخيه الحسين
-----------------------------
يبن امي العزيز ونظر عيني
نويت اتروح عني وما تجيني
اخوك وما بطل نوحي اونيني
يعين الله الاخو الفاركَ اخيه
-------------------------------
مكَبل للمـــــــــنية شلون حاله
ومغــــمض العين ودمع ساله
وچبدتة بالطشت كلها كَباله
شلون بحال زينب هالمسية
---------------------------------
راح الچان الي بالبيت ونسة
يحزام الظهري وانكَطع هسة
يبو محمد شلون الروح تنسة
يريت الموت ياخذنة سوية
------------------------------------
اطلب للدار ماهو ابن امي بيها
مظلــمة تنوح من شايل وليها
خطارك يخــــــوية شحاچيها
راعي البيت شال وكَطع بية

أسالكم الدعاء رائد الاسدي




https://www.tgoop.com/alaa66klf

ليل امنياتي
يذبح حياتي.......
....خويه يابو محمد انهد حيلي
....فرگتك موت اشبعد تحچيلي
........يالحسن خويه.......
***
الفاگد امبين تره مكسور ظهره
والعزيز الراح كلبي بيش اصبره
والدهر قاسي اخذ من عندي عمره
والطعن موجود چبدك هذا غدره

ما بين الظلوع
ونسولف ادموع

روحتك صار الهجر يوميلي
فركتك موت اشبعد تحچيلي
*
اني من هسه العمر حالفني بالاه
والاخو ويه الاخو يا ناس محلاه
والمعزب بيته يفرش روحه ملكاه
والحسن ياخويه بيتك ظلمه شفناه

تحرجني الاهات
وبصدري ونات

با الموادع ليش صاير ليلي
فركتك موت اشبعد تحچيلي
*
من بعيد وظهري بين كسره بيه
خويه يا بومحمد شلون المسيه
اني متعود احط ايدك بيديه
چنه نگصد خويه يم گبر الزجيه

تقرالي ... قران
يم دار الاحزان

شلون حسره والدمع يرويلي
فركتك موت اشبعد تحچيلي
*
طحت خويه عالوجه والدنيا عتبه
والفگد حسره الاخو يا ناس صعبه
چنه انه وياك تذكر خويه نربه
من تكلي حسين يومك كله غربه

يادار الأحباب
معقوله غياب

اخ من كثر الجرح يا ويلي
فركتك موت اشبعد تحچيلي
*
منهو صابك خويه سولفلي الجرالك
هوايه متغير رسومك ذبل حالك
والطشت حضرته خويه من سؤالك
ادير عالقبله يمينك عن شمالك

فاجئني الصواب
من دكت الباب

هاي زينب چنهه اختنه ابديلي
فركتك موت اشبعد تحچيلي
*
خويه زينب هاي وكفت يمك تشوف
هذا چبدك بالطشت ياخويه معروف
تريد تخفيهه اعرفك كلبي ملهوف
رايحه من هسه احضر يوم الطفوف

حضرت الجروح
من تسمع النوح

...باچر الطف قاسمك يوفيلي
.فرگتك موت اشبعد تحچيلي
*
تمت بعون الله
خادمكم..... يوسف عباس الفتلاوي






https://www.tgoop.com/pagy007

#دعم_مؤسسة_منبريون_الحسينية_رقم1
#ملاحظة الدعم 3 ساعات وينمسح من القناة ذمة

​┅┅┅┅ـ🌸🕊🕊๘✿ৡ┅┈┈‏
1/الشاعر زيد الفحام/7k
@zaidzai
2/قصائد وألحان منبريه 7k
@Amabeha5533
3/فضائل امير المؤمنين 6k
@FAL_AMEER
4/الشاعرة تبارك العفراوي
@vckvdjdjf
5/قصائد زنجيل 3k
@zngel1441
6/الشاعرة أسيرة الأحزان 3k
@gddaogt
7/مدرسة الزهراء(ع)لتعليم الخطابه3k
@WWWasela33
8/ام ابيها لنشر القصائد 3k
@noorAlhseenn
9/خطباء المنبر الحسيني 3k
@manbarhoysayne1
10/الشاعرة ام علي الساعدي3k
@tteef
11/تعليم خطابة ولطم3k
@WWWasela33
12/الشاعر امجد الشطري 3k
@oydgh
13/الرادود مسلم المطيري1k
@sheia
14/لاحياة بلا حسين لنشر القصائد2k
@asaadshaker
15/في رحاب الحسين لنشر القصائد/2k
@Alphadli
16/الشاعر لقمان البدران /2k
@lukmanalbadran
17/الشاعر أحمد الخفاجي2k
@jzlaf
18/بستان الألحان الحسينية لنشر 2k
@alaa66klf
19/الشاعر خالد ألبديري /2k
@khaledALBoudare
20/الُحُانَ الرادود علي الشاوي 2k
@agfjklou
21/اشعار وقصائد حسينية2k
@hseana
22/الشاعر سيد زيد الفحام للمواليد 2k
@zaidzai11
23/آلّشآعرهً آلــــّ؏ــلّويِـــــه آلّمٌوسويِــــۿ2k
@alweyaamosaweyarrrr2626
24/شاعرات الطف 2k
@ya_katealkafen
25/لشاعره ام ياسين الساعدي 2k
@yasminmkhgh
26/تعليم مقامات والاطوار الحسينيه2K
@sueiirit
27/الشاعرة أم رائد /2k
@fhgfhjvd
28/الشاعرة ام احمد البصراوية 2k
@raehinah
29/الشاعرة رغد البهادلي 2k
@Ragadalbhadley
30/الشاعر احمد الخفاجي2k
@jzlaf
31/الشاعر فالح العامري
@falehalameri
32/الشاعر حيدر عيسى البديري /1k
@haederh
33/
34/الشاعر زين لعابدين العيساوي 1k
@ZainIssawi
35/ديوان الإمام المهدي عج 1k
@kairallahhlfi
36/الشاعر كرار اللامي1k
@krrllmy313
37/الشاعر ناجي ابو كيان الصالحي 2k
@qwertyuuip
38/الشاعر سيد رياض الرسل الجابري 1k
@alral1961
39/الشاعر السيد احمد الميالي1k
@Ahmedalmaialy
40/الشاعر علي محسن الفرطوسي1k
@AliAlFartusi
41/الشاعر حسن لعيبي الحريشاوي1k
@a3lei
42/ قمر الحسين 1k
@kmrrr
43/الشاعر عماد محمد الدراجي
@Emad_Al_Daraji
44/الشاعر سيد فليح الموسوي1k
@AbuhassanAlmusawi2007
45/الشاعرة بنت الاشتر 1k
@drgasa
46/الشاعرة ام زهراء الكعبي 1k
@sharayTAhelAlbeat
47/الشاعره ذكرى الخفاف1k
@zikrakhaffaf
48/الشآعـرهَ سُهـيِله حـسـيـِن 1k
@moohamd1963
49/الشاعر سيد حامد النعيمي 1k
@sayedhamid9
50/ألحان الرادود مصطفى الكربلائي 1k
@mllemustafa
51/ قناة الشاعرة صديقة الهلالي 1k
@hsvni
52/قصائد عاشور (عذاب السبي)1k
@amjoodx001
53/اشعار وقصائد حسينية2k
@hseana

54/الشاعر مجيد عبد الرضا القريشي1k
@MajeedAlquraishi
55/الشاعره الحسينية طيف الساعدي 1k
@tteef
56/الشاعرة ازهار جبار الجياشي
@xcrhyhvfewfhjkbqhj
57/خادمة السيدة رقية بنت الحسين ع
@ssrgk
58/الشاعرة ام حيدر الحمزة الطائي1k
@aseel1278
59/الشاعرة العلوية ام كنان الهاشمي1k
@yazaynae
60/الشاعره ام صادق المنصوري
@HOWEIY
61/الشاعر جعفر الطائي1k
@ggggyyyii
62/القصاید المکتوبه للرادودين حسن الصالحي و محمد الجنابي 1k
@alradodeinpoems
63/الناشر غيث اللامي 1k
@geath1995
64/الشاعر عزيز الفيصلي1k
@azizalfesli
65/قصائد اهات اللعليلة ع
@dgegrh
66/
67/القران الكريم من النجف1k
@tilaawtmenalngf
68/الشاعر ميرزا محمد الساعدي1k
@MullaMohammadAlsaedy
79/ الحان ابو ادم
@hyuiooppp0
80/الشاعرة ام امنه
@omamenai2016
81/قناة خاص النعي
@ashaghalhossein4
82/الناشر مهدي الكعبي
@mehdialkabii
الشاعرة ام عدنان سياحي
@ALMOLAUEOMADNAN
للاشتراك في ليسته

القنوات الدينية الملتزمة فقط
1k فما فوق
التواصل مع الناشــر احمــد الــزوار
@Ahmed_alziwar0
مؤسسة منبريون لنشر القصائد المنبرية
https://www.tgoop.com/ahmed_alziwar2

يتوفر لدينا
1/ عمل اعلان ممول على الفيس بوك
2/ زيادة مشاهدات لليوتيوب
3/ زيادة متابعين بيج الفيس بوك
4/ زيادة متابعين الانستا
5/ عمل هندسة صوتية عن طريق
@ahmed_alziwar0

زينب اتودع الحســـــــــن مفجوعه
وشافته اعله حسين تجري ادموعه
ـ&&&&&&&&&&&&&&&&&
من وصل لم عون دوهنها الخبــر
اعتنت دار الحسن صاحت يادهر
راس ابوي انطبرضلع امي انكسر
برد شرّك جايني بيالوعــــــه
ــ& &&&&&&&&&&&&&&&&
وصلت الباب الاخو وسمعت بجي
وسمعته عن كربله جان الحجـــي
گل للحسين الحســـن خل انتجي
اجت زينب جبدي ضم موضوعه
ـ&&&&&&&&&&&&&&&&&&&
طبت وشافت دمه ترس الطشت
والحسن لونه اصفر ودمعه يكت
شهگت ولحســــين ظلت تلتفت
اتگله سولف ونتك مسموعه
ـ&&&&&&&&&&&&&&&&&
عن طشت بالشــــــام سولفلي علي
گال موتج منّـــــــــــــه بس اتحملي
شنهو هذا وجم طشت مضموم الي
منه صارت جبدتي مصدوعه
ـ&&&&&&&&&&&&&&&&&
حسين ماجاوبها دنگ منكســـر
گامت وشبگت اخوها اليحتضر
اتگله سولفلي احلفك بالخــــدر
دمعة اختك تدري مامگطوعه
ـ&&&&&&&&&&&&&&&&&&
ابومحمد گال يابعد الجبـــــــد
هذا مو دم جبدي بالسم منمرد
هيّن وبالشام اشد عينج تصــد
يالحزينه امن الفرح ممنوعه
ـ&&&&&&&&&&&&&&&&&&
يختي الله اوياج لحضات واغيب
بس اريد اوصيج بحسين الغريب
مو عليّه اعليه الحسره والنحيب
الخيل باجر تسحگ اعله ضلوعه
ـ&&&&&&&&&&&&&&&&&&
كون بيدي اويـــــــــاه اظل الكربله
انحور آنه اووّلدي فدوه انطيح اله
حســــــــين ذمـــه برگبتج يالثاكله
خل غُربْته بدمعتج مطبوعه
ــ& &&&&&&&&&&&&&&&&&

علي محسن الزيادي





https://www.tgoop.com/alaa66klf

#تراث

لفاجعة استشهاد مولاي الحسن عليه السلام

گعد يبجي حسين ويون عالگبر
اوينعه اخوه الحسن ودموعه حمر
ــــــــــــــــــــــــــــــــــــــ
ياعضيدي العـیش عگبـك لاهنه
اوطود حلمي اتهدم اوصبري انفنه
ريت موتي ايعجل اوليـه دنه
ظلتي شنهي شـسوي ابهـالعمر
ــــــــــــــــــــــــــــــــــــ
ياعضيدي العيش عگبك لا يطيب
واسهرت عيني وعلى افراگك حريب
يبو محمد فگدك ادعاني غريـب
واظلم الدنيا على اعيوني الظهر
ــــــــــــــــــــــــــــــــــــــ
ياعضيدي انوار وجهك من خفت
اگلوب عدوانك المجروحه اشتفت
يبو امحمـد اطربـت واتـشمتت
اوفت اهل الـشام هاليوم النـذر
ــــــــــــــــــــــــــــــــــــــ
ياعضيدي أيضمك اشلون اللحد
يابحر جود أو بدر عز أو مجد
يبو محمد ريتني أوياك أنفكد
حيث مني أوياك مفگود النصر
ــــــــــــــــــــــــــــــــــــــ
يـا عضيدي ايظمك اشلون الضريح
وجودك الوديان من عنده تـسيح
چان بوجودك عفـي كلبي وصحيح
خذمه فگدك ابصمصام الهجر
ــــــــــــــــــــــــــــــــــــــ
اشلون اصابح دارك البيها چنت
اطب واذكـر چبدك اللي بالطشت
ماسده أمفارگ مثل ما فارگت
كسف شمس الدين ومغيب البدر
ــــــــــــــــــــــــــــــــــــــ
أشلون أطب دارك وصابحها ومس
أو هـوت سمر المـوت صادك يا شمس
يبو محمد ما علـى غيري يحس
فگدك الگلّب مهجتي اعلـه الجمر
ــــــــــــــــــــــــــــــــــــــ
اشلون اماسي الدار من بعدك وطب
ولا مهجتي أتلوح بيها والگلـب
صار يومك يشبه اليوم الغضب
علـى الإسلام ومثل يوم الكسر
ــــــــــــــــــــــــــــــــــــــ
شلون اطب دارك مسه يو لا صبح
ولا اشوفن وجهك البي ينبجح
يمن چفك بحر للوادم يسح
سيل والوديان من عنده تسر
ــــــــــــــــــــــــــــــــــــــ
گام من الگبـر آه اشلون گـام
ظهـره مثل الگوس محني امن الأحزام
راد يمشي حسين لاچنـه الأقدام
ما يطيعنـه وتخوصر وإنحسر
ــــــــــــــــــــــــــــــــــــــ
اشلون يمشي وفارگ اعضيده النفل
وبلل أتراب الگبر دمعه اليهل
و گفته اعلـه الحسن يا ويلي مثل
و گفته اعله الليث عباس البدر
ــــــــــــــــــــــــــــــــــــــ
هالمصيبه وين من ذاك المصاب
هاي ما هي الذيج لـو كلهن أصعاب
حين شاف حسين أخو فوگ التراب
وبكتر يسراه ويمينـه أبكتر
ــــــــــــــــــــــــــــــــــــــ
لزم گلبه احسين وعيونه تسيح
ايخاف لن گلبه اعله ابو فاضل يطيح
نوب يبجي ويعتب اونوبه يصيح
ياعضيدي شـتتو شملي الكفر
ــــــــــــــــــــــــــــــــــــــ
چم اخو اعليه وگف ويلي وچم ولد
شاب شعة الگمر ما عذر الخد
وحين طاح حـسين يمه من گعد
من محبينه وهله غير الشمر

الشاعر المرحوم عبود غفلة

اللهم عجل لوليك الفرج





https://www.tgoop.com/pagy007