للمشايه


يا زهـــــراء وفايه ــ انزور حسين مشايه
ــ⊱☆☆❀☆☆⊰ــ
اي وحق نحر الحسين وغربته
انمـوت كلنه ومانعـوف ازيارته
هوه ابونه وعايشـــين ابنعمته
غيره ماعــــــدنه وسيله وغايه

يا زهـــــراء وفايه ــ انزور حسين مشايه
ــ⊱☆☆❀☆☆⊰ــ

بيــنه ابقي يم حسن مســـــروره
ابكل سنه حسين الحبيب انزوره
نقســــــــم ابدمه وجرح عاشوره
انمـــــــوت لجله ومانعوف الرايه

يا زهـــــراء وفايه ــ انزور حسين مشايه
ــ⊱☆☆❀☆☆⊰ــ

حسين كل خطوه اعله دربه تنحسب
وعـن الف حــجه ومحمــــد تنكــتب
اشگد فخور الخدمت حسين انتسب
وافتــــــخر لجله اســـــــوي اقــرايه

يا زهـــــراء وفايه ــ انزور حسين مشايه
ــ⊱☆☆❀☆☆⊰ــ

وحـــق آيـة. قـل هــــوا اللـه احد
دمنه لجل حســـــين مالحظه برد
مشي نروح وكل سنه ايزود العدد
عهد هذا واخـــــــذي منه احچايه

يا زهـــــراء وفايه ــ انزور حسين مشايه
ــ⊱☆☆❀☆☆⊰ــ

اربعين حســـين ثوره ابكل زمن
التضحيات السابقه عنها اشهدن
دربه حتى اچفوف بيه اتگـطعن
ثمن حــــبه. وما نهـــــم ابهـايه

يا زهـــــراء وفايه ــ انزور حسين مشايه
ــ⊱☆☆❀☆☆⊰ــ

حاربونه اعـداكم ابعصر الظلم
ومنعو المشــايه والون والطـم
لچن ماخفنه وتحدينه الخصم
ورحنه نركض للصـــحن عنايه

يا زهـــــراء وفايه ــ انزور حسين مشايه
ــ⊱☆☆❀☆☆⊰ــ

✍الخادم
كامل السعيدي






https://www.tgoop.com/pagy007

للمشايه

يوم اربعيـــنك جيناك ــ بگلــــوبنه المنـــكوبه
وشفنه مضايف خدام ــ طول الدرب منصوبه
ــ⊱☆☆❀☆☆⊰ــ

يحسين جينه وكل محب يتباها
وبچــــفه رايـات الفخــــر عـلاها
حتـى الديـار ابـلا اهـل عفـــناها
احــرار نمشـي الدنيــــه طلگناها

المذنب وگاصد ندمان ــ يمك تطيح اذنوبه
يوم اربعيـــنك جيناك ــ بگلوبنه المنـــكوبه
ــ⊱☆☆❀☆☆⊰ــ

اعظم تجاره بخدمــتك شفناهه
وهاي المسيره لحظه ما عفناهه
كلمة هـــــــلا بالزاير اشمحلاهه
نســمعها وبوجه الخــدم نقراهه

بابك نجاة الينــخاك ــ كل احنه نركض صوبه
يوم اربعينك جيناك ــ بگلــــوبنه المنـــــكوبه
ــ⊱☆☆❀☆☆⊰ــ

بكل خطـوه الف حجه النبي بشرنه
يا كعبه حجاج ابضــــريحك صـرنه
فدوه ولو بس نضره وحده انضرنه
يحســـــــينه هـاي الكرامـه اتسـرنه

هالخطوه احلفك يحسين ــ اجعلها الي محسوبه
يوم اربعيـــــنك جيــــناك ــ بگلــوبنه المنــــكوبه
ــ⊱☆☆❀☆☆⊰ــ

هل يوم زينب تدري الك رجعتهه
والروس وياها ابضـــعن جـابتهه
يحسين ودروب السبي امتعبتهه
جينه نواســيها ابمصاب اخوتهه

يحسين شلنه الرايات ــ وي زينب المتعوبه
يوم اربعيـــنك جيناك ــ بگلوبنه المنـــكوبه
ــ⊱☆☆❀☆☆⊰ــ

اهل المواكب دللـونه اهوايه
متحزمـــين لخـدمة المشايه
جيناك نزحف رايه تتبع رايه
حباً الك لامو طــمع لو غايه

كل التضــدك مولاي ــ من شيعتك مرعوبه
يوم اربعينك جيناك ــ بگلــوبنه المنـــكوبه
ــ⊱☆☆❀☆☆⊰ــ

✍الخادم
كامل السعيدي





https://www.tgoop.com/pagy007

يحسين مشايه ــ نمشي لزيارتك
ــ⊱☆☆❀☆☆⊰ــ

يوم اربعينك ياضـــوه العين
تمشــــــــيلك الوادم ملايين
عالعهد دوم اوياك يحســـين
فوگ الجمر تسحگ الرجلين
منعوفك ــ ونطوفك ــ يااغلى محبوب
من دربك ـ من حبك ـ صـدگني ماتوب
وطيب انفاسي ــ من اشم تربتك
يحسين مشايه ــ نمشـي لزيارتك
ــ⊱☆☆❀☆☆⊰ــ

ما نهـتم ابطول المسـافات
نمشـي وبدينه نعلي رايات
نترك طريقك والله هيهات
بيه شفـنه انواع الكرامات
مانرجـع ـ مانشــبع ـ من لطم الصـدور
وبدربك ـ كل ليله ـ عدنه احنه عاشور
منبطل اقرايه ــ نقســم ابغربتك
يحسين مشايه ــ نمشي لزيارتك
ــ⊱☆☆❀☆☆⊰ــ

كعبه ابضريحك نحج ونطوف
وخل التضدنه ابعينها اتشوف
انحور الك قدمـــــنه وچفوف
شيــــعة علي مانعرف الخوف
هيبتنه ـ وسمعتنه ـ منك يالحســـين
أمنيتنه ـ ابدمعتنه ـ نعميـلك العـــين
وبشرف هالخدمه ـ فازت الوالتك
يحســين مشايه ــ نمشي لزيارتك
ــ⊱☆☆❀☆☆⊰ــ

ابدربك بيارغ ترفع الناس
ويفرح اذا شاهدها عباس
حگه اليزورك يرفع الراس
منك يرد امحمل احساس
يا آيــه .. وفــايه .. نبقه احنه وياك
اقبلنه .. وسجلنه .. وعيشنه بحماك
كل العمر فدوه ــ ينفني الخدمتك
يحسين مشايه ــ نمشــــي لزيارتك
ــ⊱☆☆❀☆☆⊰ــ

حفاي اجت يحسين شبان
اتواسيك بالأكـبر العطشان
وشالو بديهم شمع عرسان
الجسام شـــمعة ال عدنان
احـبابك .. لمصـابك .. ما بطــــلو نوح
وعيونك .. يفدونك .. يحسين بالروح
انته الوسله انته ــ وعاشو ابنعمتك
يحســــين مشايه ــ نمشي لزيارتك
ــ⊱☆☆❀☆☆⊰ــ

✍الخادم
كامل السعيدي





https://www.tgoop.com/pagy007

( نخوت الطيب)

جيت ارد انخاك نخوه
ونخوت الطيب تهون

نخايه اجيتك يابطل
اتزتني ابهاي الظعون //

وٱدري والله ما تقصر
ولاتخيب لي الظنون //

الظعن فارغ من هلي
واليحدي بينا فرعون //

اشلون يرضاكم يخوتي
اوياي غربه ال يمشون //

رد عليه يبو فاضل
آنه اخيتك ام عون //

أرد اسولف لك يخويه
عل جرى وياي اشلون //

شافوك غايب عنهم
ابشجاعه گامو يحچون //

كون ظماني اللحد
وياك يمنور الكون //

وعلى فرگاكم يخوتي
إنعمت مني العيون //

وداعت الله ارد أگلك
وصعبه بلساني تكون //



( جمعه الديلمي)






https://www.tgoop.com/AlaaAlFahad8080alaa

قصيده فزاعيه لسان حال مولاتي زينب عليه السلام عن طريق الشام


حيل يتعب ياطريق الهيمه

كمت احشم وينه راعي الشيمه

.....................
كمت احشم وينهم ولياني

ياطريق الهيمه حيل اذاني

صحت ياعباس شو ماجاني

كمت احشم وينه راعي الشيمه
......................

خويه راسك على الرمح وكبالي

وانه انضرله صار بحالي

عليك ياابن امي نمرد دلاالي

كمت احشم وينه راعي الشيمه

...........................


سوط الامني وجعني امتوني

خويه حركتني الشمس بعيوني

من اصيح عليكم يضربوني

كمت احشم وينه راعي الشيمه
..................


خويه كلساع الشمر يزمخ علي

بل الحبل ياخويه شددهن أدي

ردت واحد هلوكت ينهض ألي

كمت احشم وينه راعي الشيمه
...............................
ياطريق الهيمه هدد حيلي

بل بجي ونوح اخلص ليلي

لاولي عندي ويجي تجيلي

كمت احشم وينه راعي الشيمه

...................

بقلم خادمة المنبر الحسيني ام حسين المسعراوي من العماره نسألكم الدعاء لايجوز حذف الإسم





https://www.tgoop.com/pagy007

شفـــت آهــــــات سبي و مــأســـاة
يجابــــر كثــــره آلامــــــي

**

يجابــر محنــة العــاشر
خلــت بالگلب حسره
وجمـرات المحـن عمي
طـول الـوكت مستعـره
ريحــانــة رســول الله
بالسيف انگطـع نحره
وتسّلـب ثوبــه يا وسفه
وثلــث تيــام عالغبره
بــــلا تكفيـــن ظـــل حســـين
بالطـــف كثــــره آلامــــــي

****

منين ابـدي بمحن گلبـي
حگي لـو أظل حاير
يعمـــي بكـل كتــر بــيّ
ألم مــن محنـة العــاشر
يا هـو المثلي شاف آلام
أبوه يسحگه چم حافر
الصعد صدر الرسول شلون
تحت خيل الكفر صاير
تحــت الخيـــل دمـــاه تسيـــل
بالطـــف كثـــــره آلامــــــي
**

يجابــر عمّــي العبــــاس
طـاح وطاحن ازنــوده
وعطـاشه بالخيّـم تتنـاه
وبكتـدره أنذبـــح جوده
وعينه البيها خله حسين
تالـي بسهـم ممـروده
وفّــه عالشريعـه الحيد
وبالدم ثبــت أعهـوده
حـــرم تتنـــــاه بحيــــره وآه
بالطـــف كثـــــره آلامـــــــي

*

يعمـــي جمــرة الشبـــان
تظل أبكل وكــت تسعـر
نــار لجـــاســم العــريس
صــارت حوفته العسكر
وشبيه المصطفى مخضب
تسعــر جمــرت الأكبــر
ومن عدها الگلب مفجوع
آ يــا نبلــــت المنحـــر
طفـــل ظــــامي ونحـــر دامـــــي
بالطـــف كثــــره آلامـــــــي

*


اشد محنه التهد الحيل
ابد ما چانت أعلـى البال
حرم تمشي اسيره شلون
ومچتوفـه الحرم بحبال
ويا لــوعة دليل أهناك
من اسمع بچي الأطفـال
وگيد النــايبه بـأيدي
وأصد عمتي ودمعها السال
علـــى الحـــره اجــــر حســــره
بالطـــف كثــــره آلامـــــي

**

الشاعر
موسى البديري






https://www.tgoop.com/alaa66klf

بيت ابوذيه إلى الامام السجاد عليه السلام


عليل وگيد وسفــه صـار بيـداه
وچم آه التسلمــه اليــوم بيد آه
يصد للحرم تمشي بگاع ⃰ بيـداه
بعـــد عيـن الكفل تحديها أميه

الشاعر موسى البديري

⃰ صحراء

ابوذيه الى الامام السجاد عليه السلام حين دخول الشام


الناس معّيــد فــرحــانه شفاها
وينظر عمّتــه الشـامت شفاها
شاف أيزيد مـن يضرب شفاها
وتشمّت يالنبي وأله سويه


الشاعر موسى البديري

١_شبيها
٢_نظرها
٣_شفتي الحسين

هوسات للمشايه لكل المحافضات
ــــــــــــــــــــــــــــــــــــــــــــــــــ
البصره

البصره اجت لحسين ولمدمع يصب
وعتنت مشايه مـا هــــــمها الــدرب
اليمشي للمحبوب ما يعرف صعب

يسّابگ دمعه وخطواته
ــــــــــــــــــــــــــــــــــــــــــــــــــ
العماره

والعماره اتعنت ابلهفه وهـــمم
لبو سكينه وللگمر راعي الشيم
زحف تزحف ما تسير عالجدم

ولدمعه لزينب هلوها
ــــــــــــــــــــــــــــــــــــــــــــــــــ
الناصريه

كل اهل ذي قار اجو متحزمين
شالو الرايه وتــعنو زائــــــراين
عالعهد باقين صاحو يا حُسين

ونجدد وياك البعيه
ــــــــــــــــــــــــــــــــــــــــــــــــــ
الديوانيه

الـــديوانيه تضل وفــــــــايه
تصيح كل الهلا بهالمـــــشايه
وعالدرب نصبت لـطم وقرايه

وتحب بجفوف المشايه
ــــــــــــــــــــــــــــــــــــــــــــــــــ
السماوه

السماوه اعله الخدامه اتحزمت
اتلگــــت الزوار بيـهم رحـــــبت
والمواكب بــــــالشوارع عزبت

كل خادم فتّح بيبانه
ــــــــــــــــــــــــــــــــــــــــــــــــــ
النجف

النجف  نادت عــليهم يــــــاهلا
يله حيهم صاحت ابصوت اعتلا
هلا بالزايـــــر الــــگاصد كــــربلا

يالماشي بدربك مر بينه
ــــــــــــــــــــــــــــــــــــــــــــــــــ
ديالى ولموصل

ديالى ولموصل اجو نوح وبــــجي
اتحزمو شيب وشباب اعله المشي
وسدو البيبان ما همـــــهم حــجي

كل همهم بحسين لهيبه
ــــــــــــــــــــــــــــــــــــــــــــــــــ
سامراء

اجت سامره ابألــــم مــــفجوعه
امن الحسن والهادي جابت لوعه
اعله الذبيح الكاسرين اضلــوعه

ناحت لحسين ولعياله
ــــــــــــــــــــــــــــــــــــــــــــــــــ
بغداد

وعتنت بغداد غاطيها السواد
وجابت وياها علگ من الجواد
ورايه من الكاظم وباب المراد

لحسين تعنة مشايه
ــــــــــــــــــــــــــــــــــــــــــــــــــ
الكوت والحله

الكوت ولــــحله اجت ملهوفه
تريد تشـــتم الــــگبر وطــوفـه
وتبجي يم راس لگمر وجفوفه

وتهل الدمعه اعله امصابه
ــــــــــــــــــــــــــــــــــــــــــــــــــ
كربلاء

وكربلاء اتنوح  وجريحه بلا ضماد
واعلنت لحسين وعـــــياله لحداد
اونت وياها وبجت ســـبع الشداد

ونت لحسين ولمصـــابه
ــــــــــــــــــــــــــــــــــــــــــــــــــ
علي كاظم المنصوري





https://www.tgoop.com/pagy007

مشايه اجت وادم فدائيه
من كل جهات الكره الارضيه



جاهز لو لا.......بانت خطوات المشايه
جاهز لو لا ...كلمن حضر دمعه  ورايه

الخدم فتحت مواكبها ورجع كلشي بمكانه
وبده يصيّح ابو الموكب هلا بكلمن اجانه
إتِعبه بدرب ابو اليمه ترا جدمك امانه
يباوعلك ابو فاضل وعليك يرش حنانه


غيره يوزع بسم ابو ارقيه
من كل جهات الكره الارضيه
.
.
.
.
بس يرضه حسين....... وخلي الوادم تزعل كلها
بس يرضه حسين .... وختميل الدنيا بمحملها

بده سيل البشر يجري إلى سيد الوسامه
المجالس بالدرب ضجت على حسين وخيامه
اكو يدك الصدر جفه وتِرس دمعه لثامه
واكو محضر زناجيله واكو محضرله قامه

فزعه والفزعه تجي بروحيه
من كل جهات الكره الارضيه
.
.
.
.
قل بسم الله.....قبل أول خطوه تمشيها
قل بسم الله.....وخطواتك للمهدي اهديها

بمدد من فاطمة الزهره قضيتك لا تملها
التراب البلدرب يسوه الذهب والدنيا كلها
الوصل نص الطريق ورد ابد مو من أهلها
ترا زينب لحد هسه بقى مايل حملها

تخيلها فوگ الناگه محنيه
من كل جهات الكره الارضيه
.
.
.
.
بسم العباس .....شيل الرايه بهاي جفوفك
بسم العباس....طوف حسين وكلشي يطوفك

ولَمَن توصل ابو فاضل أخذ للجف تحيه
الهوى التشتمه يم بابه هوى ضد ال اميه
وتجي الزهره بضهر محني ترا للغاضريه
وِجب من تلزم اعتابه تسلم عالزجيه

وگلها يزهره عيدي هالجيه
من كل جهات الكره الارضيه
.
.
.
.
سبحان حسين ......فارش اجمل واكبر سفره
سبحان حسين .....يرده بشاطي المنطيه قطره


فلا رَجَع بشر سائل دخيل الكله شاره
اذا تطلبها من عنده وعلي ينطي المناره
ترا علويه حاسبها وتشور هالزياره
شعائرنا الحسينيه تضل اقدم حضاره

ما تنمحي ومتروسه قدسيه
من كل جهات الكره الارضيه


الشاعر عبدالله الشويلي





https://www.tgoop.com/AlaaAlFahad8080

مواكب .. وفايه .. مطرت السمه
ويــانه .. مشايه .. أمنه فـاطمه

ابتده العـد التنازل مـوعد الـوفـايه حـان
وابحسب توقيت حبنه للعشگ نسمع أذآن
فاطمه اويانه تراقب كل زمان وكل مكان
مـا نمــل ولا تعــبنه والـدرب شـاهد عـيان

شدينه .. حزمنه .. والعشگ بده
والزهره .. بحي الله .. رددت صدى

توجهت وجه الغـيـاره اصغار واكبار ابهيام
والـمــواكب تنتضرنه وصارت ابهيئة خيام
الماي من جود ابوفاضل منترس غيره وغرام
سلم اعله حسين وامشي واستمع رد السلام

عشاگه ..  بالمسره .. والتعب حله
اشمحلاهه .. امن الخادم .. جلمة الهله

الـزايـر مدلل وأمير وگـلبه يلگه كلشي راد
شايل الليل اعله گلبه امخيّم اعليه السواد
والمشي وهالخدمه هايه الحيرت كل العباد
سفره من الفاو تبدي الكربله امحضرين زاد

وما يخلص .. ما ينقص .. زاد ابو علي
وابـمــايــه .. اشكد غيره .. فدوته هلي

درب ابو السجاد نعمه وعايشين اوياهه دوم
حسين هنياله اليخدمك راسه اعّلى من الغيوم
ونعشگ الشمس وتعبنه ونعشك اهبوب السموم
نحسب اليـوم اربـعـينك اي وحگـك يـوم يـوم

ومن حبه .. اتعلمنه .. ما نذل تره
نــتــقـدم .. والـلايم .. راجع الوره


سرنه من ديره والديره وكلهه متحزمه وتصيح
أهـــلا اتــفــضل يــزايــر عــلــي ويــاك استريح
و الــي سرعنه ابمشينه شـوگنه العـطـر الضريح
بالحسين احنه انجـرحنه والـف هنياله الجـريح

وهـنـياله .. البحسينه .. بحبه محترگ
كل عمره .. ابهالخـدمه .. جننه العشگ

فــزعه مـن كل صوب تمشي اتوجهتلج كربلاء
اتشــرفـت بتــراب دربــچ حتى املاك الـسماء
انطلقت امن البصره رآيه ويا علي صار النـداء
وفزعت اهـل الناصريه وأهـل العمــاره ابـعـزاء

والحله .. ابملگاهم .. فرحو اشكثر
وبالعدهم .. بالاكثر .. نــذرو العمر

شدوا احزام السماوه واعتنوا بأطهر نفوس
والــدوانيه ابأهلهه غـطـوا اعيون الشموس
والنجف والكوت حضروا شفنه مرفوعه الروؤس
انطينه احنه ابهالزياره للخلايق جم دروس

عزمنه .. وفخرنه .. الخدمه والمشي
جذبنه .. المحبته .. غيره ماكو شي


: خيري الصفراني





https://www.tgoop.com/AlaaAlFahad8080

رَايَـه بَـعَـدْ رَايَـه    
لِـحْسينْ مَـشَّـايَـه
ــــــــــــــــــــــــــــــــــــــــــــــــــــــــــــــــــ
أذَّنْ أذَانِ الأرْبَــعِــيْــنِــيَّــه
وِ اِحْنَه عِقَدْنَه الرَّايَه وِالنِّيَّه
مِنْ تِعْتِلِيْ الصَّرْخَه الحُسَيْنِيَّه
يِخْتَلْ وَزِنْهَا الـكُـرَه الأرْضِيَّه

ذولَه اِحْنَه وَفَّايَه    
لِـحْسينْ مَـشَّـايَـه
ــــــــــــــــــــــــــــــــــــــــــــــــــــــــــــــــــ
عِفْنَه مَنَازِلْنَه اِوْ مَشِيْ جينَه
شَعْلينَه بِاليِحْچُونْ شَعْلينَه
غيرِ الحُسَينِ اِوْ حُبَّه مَا بِينَه
لَجْلِ المَشِيْ مَخْلُوقَه رِجْلينَه

مَا نِخْلِفِ اِحْچَايَه    
لِـحْسينْ مَـشَّـايَـه
ــــــــــــــــــــــــــــــــــــــــــــــــــــــــــــــــــ
أهْـلِ المَوَاكِبْ كِلْهَا مِتْحَزْمَه
صَاحَتْ هَلَه اِبْـزُوَّار اَبُوْ اليِمَّه
عَالرَّاسْ كِلْ زَايرْ يِجِي اِتْخِدْمَه
نِعْمَه الحُسَينِ اِشْكُبُرْ هَالنِّعْمَه

طَفْ كَرْبَلَه الغَايَه    
لِـحْسينْ مَـشَّـايَـه
ــــــــــــــــــــــــــــــــــــــــــــــــــــــــــــــــــ
مَشَّايَه وِ اِبْـكِـلْ عَـامْ نِتْعَنَّه
حُـبْ كَرْبَلَه مَـا يِنْشِبِعْ مِنَّه
نِطْلَعْ مَشِيْ كِلْ يـومْ نِتْمَنَّه
وِ اِحْسينْ مَاخِذْنَه إلَى الجَنَّه

هَذَا المَشِيْ آيَـه    
لِـحْسينْ مَـشَّـايَـه
ــــــــــــــــــــــــــــــــــــــــــــــــــــــــــــــــــ
نِـدْرِيْ الزِّچِيَّه حَاضِرَه اِوْيَانَه
هِيَّه اِعْلَه طُولِ الدَّرُبْ تِرْعَانَه
وِ اِتْنَادِيْ يَاحَيَّ الله مِـنْ جَانَه
اِوْ بِـالجُود اَبُـوْ فَاضِلْ تِلَگّانَه

نِتْرَوَّه مِـنْ مَايَه    
لِـحْسينْ مَـشَّـايَـه
ــــــــــــــــــــــــــــــــــــــــــــــــــــــــــــــــــ
وِ الأنْبِيَاءِ اِوْيَانَه هَمْ تِحْضَرْ
مِـنِّ السِّمَه مَشَّايَه لِلمَنْحَرْ
هَـذَا مُحَمَّدْ يَـمْ عَلِيْ الأكْبَرْ
اِوْ هَذَا عَلِيْ الوَاگِفْ عَلَى الكَوْثَرْ

كِلِّ الرُّسُلْ جَايَه    
لِـحْسينْ مَـشَّـايَـه
ــــــــــــــــــــــــــــــــــــــــــــــــــــــــــــــــــ
وَاحِـدْنَـه شَـالِ الرَّايَه مِتْحَدِّيْ
وِ اِيْصِيحْ غيرِ اِحْسينْ مَا عِنْدِيْ
وَيَّـانَـه طَالِعْ بِالمَشِيْ المَهْدِيْ
بِسْمَ الله وِ اِبْـثَـارِ النَّحَرْ نِبْدِيْ

لِلموتْ شَـرَّايَـه    
لِـحْسينْ مَـشَّـايَـه
ــــــــــــــــــــــــــــــــــــــــــــــــــــــــــــــــــ


٢٤ / ٨ / ٢٠٢٢ الأربعاء
كرَّار حيدر الخفاجي







https://www.tgoop.com/AlaaAlFahad8080alaa

مشايه ...   بالرايه والنيه
مشايه  ...  بالاربعينيه

◇▪◇▪◇▪◇▪◇▪◇▪◇

جتف بجتف لمن نهب نتعنه مشايه
ياخذنه لحسين الدرب وترفرف الرايه
نطوي الصحاري نعتني بالفطره وفايه
نمشي دربنه بالحزن والدنيه معميه

◇▪◇▪◇▪◇▪◇▪◇▪◇

نگضي ليالي بالدرب وِ نادي يستاهل
لو مره ياخذنه التعب نندب يبوفاضل
عباس من عندك مدد و اكفلنه يالكافل
خلينه نوصل كربله و هايه الي المرجيه

◇▪◇▪◇▪◇▪◇▪◇▪◇

اسمع سوالف بالدرب من اليماشونه
واحد يگول انه اطلبت والدمعه بعيونه
والحاجه بسبوع انگضت چانو يأيسونه
يحلف يگول انه شفت كل عله مابيه

◇▪◇▪◇▪◇▪◇▪◇▪◇

بالرايه شدينه الضهر والدمعه تحدينه
ونماشي ندري بالدرب غايبنه مهدينه
ندعيله احنه بالفرج  واليدعي حامينه
عالهامه يلطمك اجه وجروحه مسبيه

◇▪◇▪◇▪◇▪◇▪◇▪◇

اهل المواكب بالهله نمشي و يخدمونه
وضعونك بوسط الفله راسك يشوفونه
ضامي يسبح بالرمح بحجاره ضربونه
وجروحك براس وجسد الف وتسعميه

◇▪◇▪◇▪◇▪◇▪◇▪◇

گاتلنه يحسين العشگ والغيره جابتنه
نتمنه خيل السحگتك يالغالي سحگتنه
واحدنه من گد الحزن و الله هدل مَتنه
عوده انحنه من المشي واجدامه مدميه

◇▪◇▪◇▪◇▪◇▪◇▪◇

يخلص تعبنه مايضل لو شفنه شباچك
نتراکض لبابك سعي باب الفرج  بابك
سيدنه مو دنيه فقط ابكلشي نحتاجك
بالأخره انته الأمل و الحاجه مگضيه

◇▪◇▪◇▪◇▪◇▪◇▪◇

الشاعر : حيدر العمار الخزعلي




https://www.tgoop.com/AlaaAlFahad8080alaa

نعي .. في رثاء زيد الشهيد عليه السلام


يازيـد الشهيــد اعـداك ظلموك
وسفه عله الجذع مولاي صلبوك
بالحــر والبـرد مصلوب خـلـــوك
ومن بـعـد الصلـب بالماي ذرّوك


صلبوك آل امية سنين وسنين
ضحيت بدمـاك لخـاطر الدين
يازيـد وطلبـت بثـار الحسيـن
نـذكـرك ياشهيـد بدمعة العين


جبيـنـك بالسـهـم يازيد. ينصاب
صليب ودمك عله الگاع. ينصاب
الك مـأتـم حـزن مـولاي. ينصاب
ونذكرك بالدمع هاي المسيــه


روحك دمك لباريك. مهدي
نهجك للعدل يازيـد. مهدي
باچر يظهر الموعـود. مهدي
ياخـذ ثـارك من النـاصبـيــه

خادم زيد الشهيد عليه السلام
سيد زيد الفحام





https://www.tgoop.com/pagy007