tgoop.com/alaa66klf/37752
Last Update:
يهل عــاشور ودمـــوع المـوالي تهــل
ونذكر خيل اميه أعلى الصـدر تصهل
*----------*----------*----------*
مــا چنــه هـــلال وبالسمــا يطلـع
مــنْ ننظــر عليه أنشاهـد المصـرع
نذكر يا صدر فــوگــه البغي أتـربـع
ويگطع يــا نحــر ودمــاه ظل تنزل
*----------*----------*----------*
ننـظــر للهـــلال اليــرسـم المشـهـد
نفس المصطفـى بحــر الهجير امتـد
وخيل اهل الكفر فوگ الصدر تصعد
بصفه الماي ما صــح ماي اله يغسل
*----------*----------*----------*
نذكــر يــا خيّم بالنــار ظــل تلـهب
خيّم ستــر الله كلـه اتجمـع بـزينب
العفه اشلـون بيد ارجــاس تتسلب
وتشاهــد راس أخوهـا بأيته يرتل
*----------*----------*----------*
نذكــر يــا مصــاب ومــدمــع نهمله
طفل بأحضان ابـوه وفطمتــه النبله
نجمــع كــل حـزن مــا لحظه نوصله
حــزن گلب الحسين الشاهد المقتل
*----------*----------*----------*
نــذكر يـــا بنـــات اگلــوبهن تسعــر
من فگد الأهـل من الضمّه من الحـر
الما شــافن بشــر يتــراكضن بالبــر
احسنها السمه لهل الحال ظل تعول
*----------*----------*----------*
نــذكر يــا ظهر مكســـور عالخــوه
يــوم الــي وصلّه حسيــن بالگــوه
شگل زينب يخويه يـــا أبو المروه
بعــد عينــك يخــويه يا گمر يكفل
*----------*----------*----------*
نذكر چـم مصـــاب الصـوب الزهره
علي وجسام من طاحو على الغبره
مــا أنصــف وكتنا وسفــه بالعتـره
حگها اعيونه طــول الوكـــت تهمل
*----------*----------*----------*
الشاعر
موسى البديري
https://www.tgoop.com/alaa66klf
BY قناة بستان الألحان الحسينية
Share with your friend now:
tgoop.com/alaa66klf/37752