tgoop.com/alaa66klf/37335
Last Update:
لوفاة ام المؤمنين خديجة بنت خويلد رضوان الله عليها
ياخديجه أم الوفه حانت وفاتج
ياوفيه ومخلصه. خلصت حياتج
وفه وطيب وعاطفه كلها لاجل المصطفى
بصف محمد رغم كل الناس ضده
وابوجودچ ماشعر بالدنيا وحده
اول أنصاره. اذا ماتمر شده
حتى لايثني الوكت عزمه ويرده
هلعمر شمعه وطفه كلها لاجل المصطفى
للمنيه وقف للهادي حياتچ
ماتعده الخير يوم وعبر ذاتچ
وين يلگه بعدچ التحمل صفاتچ
غابت البسمه عليه ساعة غيابچ
يلحملتي اهل الجفه كلها لاجل المصطفى
چذبوه وانتي بيه الصدگيتي
وخطوه خطوه وياه من هاجر مشيتي
الدين الله شكثر يم قاسم وفيتي
لاخر انفاس العمر ماقصريتي
ايامچ الخلصت وفه كلها لاجل المصطفى
طبگ چف الموت يلحره كتابچ
طه ظل بلوعته يشكي مصابچ
ياعذاب اكثر عذابه لوعذابچ
بيوم عام الحزن سماه بغيابچ
دوم جفنچ ماغفه كلها لاجل المصطفى
وين ام الزهره وانته اليوم وينك
راحت البلشده يلهادي تعينك
عن يسارك خاليه الدار ويمينك
. القدمت اموالها وضحته الدينك
تنادي علدنيا العفه كلها لاجل المصطفى
الشاعر حسن لعيبي الحريشاوي
https://www.tgoop.com/AlaaAlFahad8080
BY قناة بستان الألحان الحسينية
Share with your friend now:
tgoop.com/alaa66klf/37335