tgoop.com/alaa66klf/36937
Last Update:
شلون ليله راحت الجانت ضواي
شلون ليله جم سهم فات بكفاي
غاب الضوه
وماكو هوه عجيب
١
صعبه اليفارك حبيبه لاهو ميت لاهو ناسي
راحت الزهره الزجيه والزمن من طبعه قاسي
امي جانت كلشي ليه وهيه اعز كل ناسي
الله ياخذ حقي منكم يالجرحتو احساسي
مات حيلي من مشت ام الحنان
مات حيلي والزمن مابيه امان
امي الدوه
وماكو هوه عجيب
٢
من مشت عندي العزيزه اشتعل وطفه بجفاها
بحاجه امي انه الحنينه دهري جا المن خذاها
وجنه من نكعد سويه وتضوي امي بكل ضواها
ما نصير احنه بقربها ننعمي ونكعد وراها
ضوه بليل جانت الزهره بسماي
ضوه بليل شكد صحتلج بس تعاي
متنه سوه
وماكو هوه عجيب
٣
الراحت امه كبال عينه هذا ميت من زمان
امي جانت كلشي ليه وهسه كلشي بلا امان
شكد حلو دافي حضنه ا امي يانبع الحنان
كل مكان ادخله امي يشتعل نور المكان
حجي واه جم حلم بعيوني مات
حجي واه والسهم بضلوعي فات
طاح اللوه
وماكو هوه عجيب
٤
الما ينام بحض امه ضلمه بعيونه السنين
من البجي اسكت ييمه لاكن شحال الحسين
يخلص الليل بمناحه ويصبح باه وانين
حسين ما حسباله ميته حسين يتنطر تجين
دنيا صعبه ذابت الليله العيون
دنيا صعبه والنحبهم ما يجون
ضلعي نطوه
وماكو هوه عجيب
٥
وين اروح وكلشي بعدج مات بعيوني وغلاتج
من افر الدنيا كلها ما اضن الكه بحلاتج
من تصلين بحجرتج الله بس يسمع صلاتج
كل صفاتج يمه رحمه وماكو منهن يا صفاتج
كلشي غربه بعدت ايام ونموت
كلشي غربه حته ماضل بيه صوت
جرحي قوه
وماكو هوه عجيب
الخادم
حسين عبد الجليل المالكي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36937