tgoop.com/alaa66klf/36918
Last Update:
ليلة الوحشه
ليلة الوحشه ييمه........... شرد اسولفلج عليه
گمت احس بيتي الخرابه وانه طفله بگد رقيه
وانه من هذا العمر....ابتدأ وياي الصبر
...............................................
يمه من رد والدي وگال ادفنتها
دمعة عيونه جوتني من مسحتها
گتله ياكرار وين امي عفتها
گلي حدر الگاع مهضومه اتركتها
بالگبر احفر يزينب ....بالظلام ويجري دمعي
واسمع بونتها گالت ....آخ..لاتلجملي ضلعي
بويه ظلت بالگبر...وابتدا وياي الصبر
...................................................
طفله آنه وگلبي مايحمل مصابج
دنيا ليش تفرهدج وانتي بشبابج
رحت يم حسين سولفت بعذابج
شفته يبجي ويمسح ادموعه بحجابج
امي مدفونه يزينب....... خويه بتراب الفلا
وانه وي دمعج اشاهد.. دمعه من طف كربلا
وناگه وحبال ويسر...وابتدا وياي الصبر
..................................................
بحضنج الدافي انام وتغفه عيني
هسه بس ثوبج عليه يكثر ونيني
هسه خمس اسنين كل عمري وسنيني
ويمه اصيحن يمه بس ما تسمعيني
ولو شبكت الثوب بيدي... واشتكيت الصار بيه
رد مكان الضلع زينب........... لا تلجمين الزجيه
ودمعي ظل ينزل جمر...وابتدا وياي الصبر
................................................
يمه طف حسين شفته بهالمسيه
وشاهدت عبدالله طايح عالوطيه
وبابج الخيمه احترك بالغاضريه
وجنج حسين انذبح وانه رقيه
يمه حيدر يمج امجتف.... يون شكد هضمني
وانه كطعوله جفوفه.... ابوفاضل جي كفلني
كسري ابد ماينجبر وابتدا وياي الصبر
علي طعمه البطاط
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36918