tgoop.com/alaa66klf/36895
Last Update:
مقدمه
امنه راحت وستراحت من المها
*
اخ المكبره اشكد ماخذه اعزاز
اخذتي امي الحنينه وانه ضليت
وهسه انه ايقنت هليوم ياناس
البيت بلايه ام ما ينحسب بيت
ييمه اشكد الج مشتاكه هاالروح
وترد ذيج اليالي اشكد تمنيت
ياام الوفه ريتج تردين
بس مااشوف تنفع كلمة الريت؟
عيني دمعت روحي طشت وشيلمها
*
امنه العافيه ويامنبع الطيب
اشما قدم اضلن الها مديون
جنه وياهه ابد ما نلمس الكاع
بكثر ماهيه شالتنه باالعيون
من جانت تلولي علينه بحساس
ابد مايشبه احساس اليلولون
لو شافتنه ندعي تبجي و تكول
انه ادعيلكم لا لا تتعبون
كبرتنه ودللتنه احنه همها
*
من نلتم عليها شجره وا طيور
تجمعنه بحظنها لمت احباب
اذ رادت ثواني تترك البيت
اخر دعوه تكتبها على الباب
امنه الجنه منها تطلب امراد
ونتنفس عطرها ويه الهوه الهاب
الحنينه الطاهره الطيبه ام الحساس
اشكد تستحق الوالده القاب
طيبه هيه والحميه وي دمها
*
ماشفنه بعدها غير الاحزان
وبس الذكريات ابراسنه اتجول
جانت ابد ماتصبر عل الفراك
معقوله علينه اغيابها يطول؟
تره شفنه االمحنه انشالت بيوم
شاهدنه نعشها راح محمول
ماندري ييمه شلون الوادع
الله اوياج ؟ابد مانكدر انكول
يلي تدفن فدوه بس حن خلنه يمها
***
سعد العبودي
--
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36895