tgoop.com/alaa66klf/36745
Last Update:
مربعة المجلس الاول
للاربعين
......
جابر جاي متعني لبو اليمه
وصل للكبر طاح اعليه ويشمه
....
جدك يبو اليمه ابخبر انباني
روح الكربله اوبلغه احزاني
اوكله جدك المختار وصاني
ازورك بربعينك والدمع يهمه
......
جابر صاح اه يحسين اه يحسين
حبيبي ما تجاوبني ينور العين
اشلون اجاوب اوراسك يغاتي وين
عن الجسد فصلوه سابح ابدمه
......
اشهدلك فديت الدين بالمهجه
امام الانس والجن للخلك حُجه
قبرك يبو اليمه للخلك ملجه
اطواغيت العصر اتحاول اتهدمه
......
يجتهدون في محوه ولا يكدرون
اوزوارك الك كل عام يتوجهون
بربعينك مشي الكبرك ايقصدون
اصغار اكبار صيف اوشته مهتمه
.....
اجه السجاد جابر صاح بدموعه
يجابر روحي من الغرب مصدوعه
هظمني احسين لمن رضو اظلوعه
يجابر محجري ينزف دمع دمه
.....
يجابر ما دريت اشصار ياعمي
اهنا اهلي وخوتي اركابهم تهمي
اعاينهم يعمي والمرض سهمي
اوعماتي اوخواتي عمي ممعلمه
....
بنات ادلال خدًر عمي تدريهن
بني ميه يعمي تالي تسبيهن
من الروس سلبت عمي اعبيهن
وانه امن المرض ياعمي اتغمه
......
صاحو فرد صيحه اوگبر النايح
عله گبر الولي سجادها طايح
زينب حشمت منها عله الصايح
يعمه الشمل عگبك منهو اليلمه
.........
ام احسان الخاقاني
https://www.tgoop.com/alaa66klf
BY قناة بستان الألحان الحسينية

Share with your friend now:
tgoop.com/alaa66klf/36745