tgoop.com/alaa66klf/36743
Last Update:
هوسات للاربعين
كثر ضيم العليه وليكم تعنيت
وجبت هموم كلبي للولي رديت
ينشدني واكله ياهظم لاكيت
(انشد بت امك / ياضيم البيها)
............
فك الباب لختك جايه بشكوه
يالمتروس غيره وكلك امروه
جابت ضيمها وليك اعتنت عنوه
(تريد اتسولف يمك / همها وبلواها)
...........
مشتاكه لخوي وهبتت الذرعان
حسبالي يكوم وينفض التربان
حنيت على طولك ياكمر عدنان
(تريد اتشوف الرايه / ومشتاكه عليها)
...........
جبت ليكم هظم وهموم ماتنشال
كطعت الدرب كله والدمع همال
صديت ونخيت دخيل يالجمال
(دخيلك يالجمال دخيلك / صوب الكافل وديني)
...........
العليها هموم تكصد لليشكيها
وحشه يالبيه غيره مايخليها
لوما للحنين تروح جالمن توديها
(هموم ثكال عالختك / والمن تشكيها )
............
تعاي وخن ننوح اليوم وياها
تراهي ناحله والضيم هداها
مشت بهمومها وردت الولياها
(اليوم اتعنت زينب / للبيهم غيره)
...........
اجت وتصيح خويه عليك مشتاكه
كتلتني الدروب ورجبت الناكه
طر باب الكبر يحسين خله يصير الملاكه
(اليوم الروح اشتاكت / ليكم يخواني)
..........
طبت كربله ومنها الدمع نثار
صاحت وين اخوي البالحرب مغوار
كلوله العقيله اليوم اجت خطار
(الكافل عندك زينب / خطار اليلة)
.✍ام زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء السادس عشر المآسي الفاطميه
https://www.tgoop.com/alaa66klf
BY قناة بستان الألحان الحسينية
Share with your friend now:
tgoop.com/alaa66klf/36743