tgoop.com/alaa66klf/36731
Last Update:
قصيده (للمشاية)
حيوا زوار حسين حياهم
بيا هلا وميه هلا اتلكاهم
____
البصرة طلعت والله كلهه
الناصريه اهيه واهلهه
والسماوة تعزب الهه
( الزاير احنه بخدمته )
____
الديوانيه ادخل عليها
تلكه كل الكرم بيها
تعزب اهيه واهاليها
(حسين حلوة سفرته )
كون يتقبل كون ممشاهم
حيوا زوار حسين حياهم
___
الحله معروفه بكرمهه
من شريفه اخذت عزمهه
نسوان تخدم ويه زلمهه
(الزاير اهيه تلكته )
شيوخ وزغار كبار وياهم
حيوا زوار حسن حياهم
____
الكوت طلعت ويه عمارة
الكل مشى وعايف دياره
حسين ابد ماتطفى نارة
(بكلبي ضلت جمرته )
كل سنه نمشي مشي وننعاهم
حيوا زوار حسين حياهم
__
كربله نصبت مواكب
شاب يخدم ويه شايب
رغما على انف النواصب
(الخدمه حلوة بحظرته )
يبقى وبوسط الكلب ذكراهم
حيوا زوار حسين حياهم
__
والنجف طلعت عزيه
لبت علي حامي الحميه
زينب الراحت سبيه
(احلى موكب نصبته)
نخدم ولا ابد ما ننساهم
حيوا زوار حسين حياهم
_
بغداد كلهه اجت تمشي
لحسين عافت هيه كلشي
لا ابد ما همها اي شي
(للموت تبقى لنصرته )
كلهه شيعتهم تضل بحماهم
حيوا زوار حسين حياهم
_
ابن الغربيه سفرةفارش
لا ابد ما هاب داعش
خبر وصلوله وطارش
(مانعوف زيارته )
عالجمر نمشي ومانهاب اعداهم
حيوا زوار حسين حياهم
_
تمت بعون الله بقلم الخادمه
زينب المحمداوي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36731