tgoop.com/alaa66klf/36730
Create:
Last Update:
Last Update:
مربعة مجلس قبل الاربعين
….
اريد ارجع لخوتي يا علي عمه
واسولف عله گلبي واشتكي همه
…
اريد ارجع لخوتي اهل العزوبيه
واخبرهم عله دهري اشعمل بيه
رحت للشام اكلهم حرمه مسبيه
اوكلبي گبل عيني فاض من همه
….
اريد احجيلهم عن لوعتي اوحزني
واخبرهم مرار البين لوعني
يعمه ابساع لهل الزود رجعني
اريد احجيلهم عن يسري اوهظمه
….
يعمه الشوگ فطر گلبي مشتاگه
لخوي العفته عمه يابسه ارياكه
نار افراكهم بالگلب حراگه
وحك عين الحسن ياعمه اوسمه
…
يعمه انه الجنت مهيوبه بخواني
تاليها الزمن ياعمه بجاني
علي حورب يعمه اوشحب الواني
اوخله الحزن حصة عمري اوسهمه
…
يعمه الربعينيه ارد اسويها
واروحي اتريد ترجع يم اهاليها
تريد اتسولف اعله الي جره اعليها
من الشام روحي حيل مغتمه
….
ام احسان الخاقاني
https://www.tgoop.com/alaa66klf
BY قناة بستان الألحان الحسينية

Share with your friend now:
tgoop.com/alaa66klf/36730