tgoop.com/alaa66klf/36711
Last Update:
#المشايه
قصيده على لسان زوار الحسين (ع)
زوار زوار .. ابا عبد الله
انصار انصار .. عهد وقعناه
============================
جينه مشايه نزورك شلنه هاي الرايه
ابد منعوفك امامي وكايليها احجايه
نقسم بخدر العقيله شيعتك وفايه
كربلاء انهزها والله بكثرة المشايه
وارخيص وارخيص .. تره القدمناه
زوار زوار .. ابا عبد الله
============================
جينه اهل ذي قار نصرخ انته ويه انفاسنه
جبنه هوسات العماره ليك ولعباسنه
جبنه ملح البصره ليكم والرميثه وناسنه
ويانه اهل الكوت صاحو انت نبع احساسنه
دربك دربك .. ابد ما عفناه
زوار زوار .. ابا عبد الله
============================
بابل تعنينه ليك الحسن بنته ويانه
تواسي اجت عمها الحسين وزينب الحزنانه
واهل سامرا اجوك كلوبهم لهفانه
واجه وياهم علي الهادي والحسن مولانه
واليوم واليوم .. لواك ارفعناه
زوار زوار .. ابا عبد الله
============================
جينه من ديالى صحنه حسين انته الغالي
صورتك بعيوني دوم وعايش بدلالي
نينوى نادت بهلها جبل انته وعالي
ولو يكطعونه نجيلك سيدي منبالي
ونريد ونريد .. نواسي الزهراه
زوار زوار .. ابا عبد الله
============================
جينه اهل بغداد ليك ويانه يمشي الكاضم
نجف وي حيدر تعنوا غصبن اعله الضالم
القادسيه اجه ويانه الحمزه شال الصارم
وكربلاء اهلاََ تنادي وياها صاح القائم
والثار والثار .. ابد ماننساه
زوار زوار .. ابا عبد الله
============================
والله لو ندري بطريقك ننذبح هم جينه
وروسنه بسمك ترتل يا جنون البينه
فدوه لعيونك نروح بخيمتك خلينه
من دمائك والله قطره ابد ما وفينه
مولاي مولاي .. حُسين واويلاه
زوار زوار .. ابا عبد الله
============================
لخادم زوار الحسين (ع) سجاد الكربلائي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36711