tgoop.com/alaa66klf/36709
Last Update:
على اعناد النواصب
زحف تمشي المواكب
ياحسين.........ياحسين
*******
ترف رايه ....ندك ثايه.......على اخشوم العده
فرض نمشي ...صبح كلشي........مواكب گاعده
المشه بنيته.....رفع صيته...........مواقف شاهده
هوه الجنه ......ابو اليمه..............نظل انعاهده
نشوف اشكد عجايب
زحف تمشي المواكب
*******
يدك صدره ....نذر عمره.....خدمته بكل فرض
اليجي يزوره....رسم صوره......حلاتك يا نبض
الوفه بروحه...شفه اجروحه..يطيب من المرض
المشي راحه..طوه اجناحه....يجيلك هم رگض
معاجز يروي شايب
زحف تمشي المواكب
*******
المشه خطوه......تعب يسوه.......حلات ازيارته
يشم عطره......تجي الزهره.......تشكره ابخدمته
يهنياله...........رضا اعماله............يشمله بنظرته
هوه المسره ......يحج عمره......يطوفه ابكعبته
حضى بأعلى المراتب
زحف تمشي المواكب
*******
الصرف درهم......افلا يهتم......يضعفله العدد
هايه بحسابه....تجي احبابه......توفيله العهد
حسين اليريده.....كمش ايده.....يكثرله المدد
شايل اخطاره.....وصل داره........جنان المعتقد
جنون بشوگه ذايب
زحف تمشي المواكب
*******
على نيته.....جمع بيته..............يحج ويعتمر
يشوفونه.......على اجنونه.........يوفيلك نذر
دمعة اعيونه...يحسدونه....على اعتابك جمر
المشي فرصه...اخذ حرصه..عجيبه اشكد اجر
تزول اكبر متاعب
زحف تمشي المواكب
*******
بالملاگه.......يعشاگه................تجدد بيعته
دمع عينه.....بچه اسنينه......ينادي بخدمته
على الرايه........اجه بغايه.....مناهل شوفته
لبو اليمه....عشگنه اسمه....عجيبه امحبته
بخدمتك كلشي حاسب
زحف تمشي المواكب
*******
#تمت بعون الله تعالى
# خادمكم ...يوسف الفتلاوي
https://www.tgoop.com/alaa66klf
BY قناة بستان الألحان الحسينية
Share with your friend now:
tgoop.com/alaa66klf/36709