tgoop.com/alaa66klf/36695
Last Update:
لزيارة الاربعين ( الموشح )
لجل عيناك
بشوگ جيناك
نحيي ذكراك.
وآحسيناً واحسيناه
★★★★★
قاعدة نهجك عليها نستند
وصار قوتنا بوجه ريح الحقد
شلون عن نهجك نميل ونبتعد
الشاف لون الجنه عنها مايرد
طول الايام
الك خدام
ننعه الاسلام.
وآحسيناًواحسيناه
★★★★★
يبواليمه أكدت معنى العدل
البيه نمشي بالطريق ونستدل
يلملكت أگلوبنه گبل العقل
عجزت تواسيك كل دمعه تهل
الرمز الانسان
انته عنوان
فخر عدنان.
واحسينا واحسيناه
★★★★★
اعيون لجلك مايضل بيهن دمع
گلوبنه تتهشم ابمية. صدع
ياوحيد المابقت عندك ربع
عسكر ثلاثين الف صار الجمع
بچه التسبيح
شافك اطيح
وزينب اصيح.
وآحسيناًواحسيناه
★★★★★
بالحوافر يوم صدرك ينخسف
صدرك المليان. حنيه وعطف
ابساعة الشده الابد ماتنوصف
عليك دارت گومها ثلاثين ألف
شنهي الاسباب
برمح تنصاب
يبن الاطياب.
وآحسيناً واحسيناه
★★★★★
علارض من فوگ ميمونك طحت
اخذ ربي حتى ترضا من گلت
عن ولاء الماله حد اتوجهت
على الباطل بالدماء استنكرت
طحت مطعون
اظلم الكون
وصاحت ام عون.
وآحسيناًواحسيناه
الشاعر حسن لعيبي الحريشاوي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36695