tgoop.com/alaa66klf/36685
Last Update:
أبوذيات ..الحسن ع
حب الحسن هالليلـــة يلمنه
ومصابه شكثر يالمهدي يلمنه
اللايم ليش من نلطم يلمنه
ننطي أرواحنه لَبن الزجية
***
عليك الحسن يومية حزنه
هذا الفضل بارينه حزنه
قليل شما على مصابك حزَنه
ما نوفي يبن حامي الحمية
****
الحسن يامن أله العرش سماك
چبيرة وما تضمها غيوم سماك
عساه أنشلت أيدهَ الأمس سماك
بهذا السم كَطع كَلب الزچية
**
كَالو ضاع كَبر الحسن وأنته
عليك الكَلب ما بطلت ونتهَ
حسين الروح يا مسموم وانته
عايش بينه كل صبح ومسية
**
تكَول زينب
يوميـة مصيبة ونـار بيـه
من يوم المشت أمي الزچية
أمس من ودعت حامي الحمية
اشوف بعيني كَمت الغاضرية
تالي تعوفني بهاي المسية
يخوية الحسن كَلي شلون بيه
باچر كل اخوتي تروح هيه
وتروح ويالضعن زينب سبية
اتاني هناك كل يوم المنية
أويلي شچم اخو الراح من ادية
****
حيدر حسين الكرعاوي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36685