tgoop.com/alaa66klf/36551
Last Update:
صح انت عالي اعل الرمح
لكن اشوفك كل صبح
تواسيني خويه بكل جرح
يابو فاضل
==========
فوك الرمح راسك تره يباوعلي فوگ الناگه
يدري بگلب زينب الك وزينب الك مشتاگه
تدري الاخو يكسر ظهر يكتل يخويه افراگه
جمره بدليلي بفرگتك ونار الگلب حراگه
تحاميني وانت المنذبح
ياغيمه بعيون الفِلحْ
العل الناكه والفوك الرمح
يابو فاضل
========
يكطر دمه راسك بقه ينزف شيخلص جروحه
لو ردت امسحه بشيلتي عالي الرمح ماالوحه
مذبوح ياطول الشمس وزينب تره مذبوحه
دمعاتي من دم بالدرب بدمعة دمه مسفوحه
ماينكطع خويه الدمع
ودمك ابد ماينگطع
مشلوع گلبي المنشلع
يابو فاضل
=========
ياخويه عيني اعل الرمح شمسوي خويه بنحرك
لعيونك اثار الحفر وهوايه خويه امجرحك
مفروض ماي بشفتك مورمح واصل تغرك
يالتارس الظلمه ضوه وسهام ترست صدرك
وبصدرك شخله السهم
عينك تدير اعل الخيم
ماينوصف حجم الالم
يابو فاضل
==========
شحجيلك وفوك الرمح ماتنسمع الحجايه
راح احجي خويه لرايتك ولراسك ارفع رايه
توصل الكلام البي جرح رايتك بيها هوايه
تشفي الجرح يرجع نظر واتصير اليه فيايه
من عندك شبيها عطر
موصارت عيوني حمر
من الدمع شد الصبر
يابو فاضل
==========
سئلت سُكينه اعل الكمر شوعمي مارد جوده
جان العطش ماينحمل طفله وصفت ممروده
كتلها جسمه اعل النهر لعيونج انطه ازنوده
راس الگمر فوك الرمح ياعمه شوفي اخدوده
مجروحه والمدمع دمه
ظلت تباوع للسمه
وينج ييمه فاطمه
يابو فاضل
==========
تمت ولله الحمد المقصر مع الحسين
✍علي النائلي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36551