tgoop.com/alaa66klf/36471
Last Update:
قصيده نزال شجاعيه للقاسم ع
يفني الحرب يفنيها ابن الحسن طب بيها
من حشمن عماته. يتجادحن نضراته
يفني الحرب يفنيها
"""""""""
الغيره اليوم الغيره. متوضحه وسط عيونه
لمن برز للعسكر. والعسكر يشوفونه
معلمني گلهم عباس. صاگركم تعرفونه
صاحوا عليه دخيلك. مابينه جاسم حيلك
لمن بده بضرباته. يتجادحن نصراته
يفني الحرب يفنيها
"""""""""""
چفوفه تلوح چفوفه الرجاله والخياله
من عنده فرت كلها. ومحد يصير گباله
بيه المراجل تنقاس. واتعثروا بخياله
ياهوا الشرد يجيبه. يعني نحسب نصيبه
وسط الگلب طعناته. يتجادحن نضراته
"""""""""
اخياله يصول اخياله. بيمينه شايل سيفه
ويتخير اليحلاله. ومن عنده ياخذ حيفه
طبراته بس اعله الراس. يتراوه الهم طيفه
حط خوفه وسط العسكر. بخياله ها واتصور
سوت رعب صيحاته. يتجادحن نضراته
""""""""""""
الشرده منين الشرده. فارس يحاچي بفارس
بالحومه جاسم نازل. ودرع الحسن هم لابس
ضاگت يگله الأنفاس. ماأگدر انه انافس
مابينه جاسم حيله. وشيعدي هاي اليله
مثل الگمر نبراته. ويتجاحن نضراته
""""""""""
الهيبه نشوف الهيبه. بعيونه من ينازل
جاسم تعنه علينه؟. ماندري كلهم كافل
نفس النهج والاحساس. واحدهم من يقاتل
صال وگلب عاليها. والعمه گال امحيها
وبوجها اثر ضحكاته. ويتجادحن نضراته
"""""""""
اسألكم الدعاء
خادم ابي الاحرار
ضياء الكناني
https://www.tgoop.com/alaa66klf
BY قناة بستان الألحان الحسينية
Share with your friend now:
tgoop.com/alaa66klf/36471