tgoop.com/alaa66klf/36470
Last Update:
( ابن الحسن)
عريس چنه ابن الحسن
من گصد لرض الحومه
لابس اعمامة والده
وزاهي بياض إهدومه
ودع امه جسام ماشي وي اعمامي
ولاشوف عمي ينظام يايمه شدي احزامي
هذي وصية والدي اليوم تالي ايامي
يا والده وانتي أصمدي لو شفتي جسمي دامي
ارجوچ ابري ذمتي
خافن عِليت ابنبرتي
وهاي الحال مقسومه
رمله صاحت ويلاه إعليك ياباقي الحسن
بس جاسم وما خلاه اشلون دولبني الزمن
ٱمشي وياه لو بيدي ولاوحده يظل ممتحن
وبروحي افدي اوليدي ودرع اصير من الطعن
اشگف عنه الٱرماح
وبهيده اطرحه لو طاح
وٱلعمه اوصل اعلومه
جاسم راح يم عمه وگفة بطل يا وگفته
بعيونه زود وهمه وعمه عرفهه طلبته
حسين عاين لم عون رديه يختي لخيمته
من امه تهمل لعيون وٱدري ماتحمل فرگته
امس فگدت الحسن
واليوم ابنها والوطن
مفجوعه ومهمومه
عمي يابو الاكبر أرجوك اقرأ هل سند
من أخيك شبر إتناوله حسين وگعد
حطه اعله گلبه وقبله اخوي وفاي العهد
الموت شنهي سأله گاله احلى من الشهد
حچاهه جسام ابثقه
ابن الشريعه والفقه
لو طاح ذل اخصومه
ٱتوسط الجيمان صاح انه ابن حيدر علي
كسر اسيوف ورماح والتالي سواه اولي
گلب الحومه گلب وما خله غبره ال تنجلي
ومن كَثْر اعليه الطلب اتعنه ليه العبدالي
وبالغدر طَبّر هامته
وعل ارض طاحت لاماته
وامه تصد مصدومه
يعمي صاح ادركني وإلك مني السلام
طعن ٱلرماح انهكني ونفرت مني الهام
حسين فض عنه الگوم وكتل كاتل جسام
ما مثل هذا اليوم ضاگت علي الايام
ابحضنه جابه شايله
ال خيمة الحوره اموصله
وي اهله مده وگومه
( جمعه الديلمي)
https://www.tgoop.com/AlaaAlFahad8080alaa
BY قناة بستان الألحان الحسينية
Share with your friend now:
tgoop.com/alaa66klf/36470