tgoop.com/alaa66klf/36467
Last Update:
لمولاي القاسم عليه السلام #نزال
يبني ويبن اخوي الركض اجدامي
اشكد عليك فرفح عمك الضامي
ــــــــــــــــــــــــــــــــــــــ
ابكسرة گلبي جاسم جيتك اوحيدي
مهضوم اعتنيتك وافرك ابأيدي
كلما جاله يرخه احزامي يوليدي
يلبيكم اشدن حيلي واحزامي
ــــــــــــــــــــــــــــــــــــــ
يل عد ال هاشم انته اعز صوغه
اجيت امفرع وكل خطوه الك شوغه
ابسيل الدم لگيت الخظره مصبوغه
وطفيتو وچان بيكم ظاويه ايامي
ــــــــــــــــــــــــــــــــــــــ
اختلط دمعي ويدمك من اشمنك
او يبني اليوجعنك يوجعن عمك
آه يبن العــزيز الحـنتك دمك
وثياب العرس حمره ابكثر ما دامي
ــــــــــــــــــــــــــــــــــــــ
يبو اسوالف الحلوه الناگة امروه
ويانسل الحنين وريحة الخوه
امحسبك انته تكبر للضهر تچوه
موش ابمتني اردك دامي لخيامي
ــــــــــــــــــــــــــــــــــــــ
عزيزي ويلمخضب ليك اصد شلون
والله ايعيني ابشوفك تضل اعيون
واشوفن ابن اخوي ابكل كتر مطعون
وضگتهن بيك جاسم شوغه اسهامي
ــــــــــــــــــــــــــــــــــــــ
يبو صدر الترف مو مال طعن ارماح
من ياصفحه اشيلك رايدك ترتاح
يمك انه واسمع بالاخيام انياح
واشبعده المخيم صار گدامي
علي الحميداوي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36467