tgoop.com/alaa66klf/36444
Create:
Last Update:
Last Update:
( زند مگطوع)
رايه طاحت عل شريعه
زند يمها وچف گطيعه
البدويه امه والنعم
اهلها نبراس العلم
اهل الفراسه والحلم
ام البنين افخر صنيعه
اكرمها الله ام عباس
باب الحوائج للناس
رَبت احيود وفراس
للدين وحسين ورضيعه
اجيوشهم كلها اعتنت
وعلى الشاطي اتلاحمت
اصواتهم ساعه وعلت
يحسين ٱجتك الفجيعه
بالمخيم طش خبر
شفنه عباس الگمر
انحدر صوب النهر
أحسابنا ردته سريعه
گالو افگدو الرايات
لو چان بيها آيات
رايه راعي الكلفات
كافل اخته الوديعه
حسين سدر للگوم
گاصد اخوه الجيدوم
عن زينب وعن كلثوم
غاب وسط الصيعه
ام عون لطمت خدها
ندبت ابوها وجدها
بعد ما ظل عدها
لا اخو ولا شفيعه
رد عَلَي يا كافلي
دگيت صدرك خويه الي
ياهو اليعدله محملي
وبعدو عليه الشيعه
( جمعه الديلمي)
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36444