tgoop.com/alaa66klf/36419
Last Update:
#الانصار
6 محرم قصيده بحق انصار الحسين (ع)
ذوله الميامين .. وگفو للحسين
هنيال ابو اليمه بربع
صاروله بلطف جن درع
****
كالوله عد عينك نضل نكسر ضهر اكبر بطل
بيهم نسوي الماحصل .. بس حشم وشوف
وينه اليفك حلگه بحرف وياك يالكلك عطف
يمحير بحور الوصف .. يا شيخ الطفوف
نقسم هويناك .. وشگد عشگناك
هاضمنه لطفالك دمع
صاروله بلطف جن درع
****
نادهم حسين وكفو بيكم اذلن كل عدو
يا الِ طه اشهدو .. بفعال الانصار
ينضرهم احلا من الشهد صاروله من ضاگت سند
كل واحد لموته استعد .. ويطالب الثار
دارو عالطفوف .. وانترست بخوف
والجيش صاباهم فزِع
صاروله بالطف جن درع
****
بنوارهم داخ الضوه من شعشعو كلهم سوه
شافاهم حسين ارتوه .. حي الله الزلام
جن سبحه الزهره مشو وبأيد وحده تعاونو
عالكفر كلهم دخنو .. وترف الاعلام
تتفاخر الگاع .. وگفات السباع
شهدتها الاكوان السبع
صاروله بالطف جن درع
****
من طبو لسوح الحرب عالكفر بركان ويصب
طحنو الگوم وي الترب .. لعيون الحسين
حار الشمر شنهو الحصل لاخر الجيش الدم وصل
اشجعهم وراسه انفصل .. نص الميادين
ماهابو الموت .. وصاحو فرد صوت
ما نرضه زينب تنفجع
صاروله بالطف جن درع
****
رعدو عله الطف بغضب والعسكر بكبره انرعب
والخوف بكتاره انصب .. من ثارو اعليه
طشار خلوها العده والشمر لابد وحده
ويگول احس موتي ابتده .. ماعرفو شبيه
جنهم نساوين .. بالحومه صوبين
فرو من اشتد الوضع
صاروله بالطف جن درع
****
لخادم انصار الحسين (ع) سجاد الكربلائي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36419