tgoop.com/alaa66klf/36417
Last Update:
ليلة مسلم ع
حي الله مسلم حي الله ابن عم حسين
00000000
هذا مسلم زوده من علي يدرونه
من دخل للحومه غيض طك بعيونه
بالهوه يحط شاره مسلم يعرفونه
حيله من حيل الله وخافو يلاكونه
حي الله مسلم حي الله ابن عم حسين
00000000
هله بصكر الكوفه وياهلا بصولاته
ابو فاظل جنه مسلم ابحملاته
هلا ياجف الله اليوجع بسطراته
موش بس بسيفه يذبح بخزراته
حي الله مسلم حي الله ابن عم حسين
00000000
سيفه باشط مثله ياهو يدناله
هاشمي ومن يزعل الزعل يحلاله
بالحرب مايحجي تحجي بس افعاله
والشرد من سيفه ولحسن هنياله
حي الله مسلم حي الله ابن عم حسين
00000000
هوه اول زلمه طاح لجل العتره
وهوه يبقه العالي ولقصر بالحفره
انت بس يامسلم ماخنتها العشره
والله الف هنيالك جي رضاهه الزهرة
حي الله مسلم حي الله ابن عم حسين
00000000
موت الأحمر سيفه يمشي لاكبر ركبه
علي جنه ابحربه ماتكضه الصعبه
هاشمي ولو عارك ماكو زلمه يغلبه
يمه اكبر قائد الخوف ياكل كلبه
حي الله مسلم حي الله ابن عم حسين
00000000
شمرته بالحومه جنها شمرت حيدر
مايخاف ويرجع لو عددهم يكثر
شهر سيفه وطبهم وبالزلم ضل ينحر
الجيش من احروته مثل ماي اتبخر
حي الله مسلم حي الله ابن عم حسين
0000000000
حسين عبد الزهرة الدراجي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36417