tgoop.com/alaa66klf/36407
Last Update:
#مسلم
5 محرم فزاعيه لمسلم بن عقيل (ع)
مسلم بالحرب سلطان .. نار الغيض بعيونه
****
ليهم جن دخل زلزال
بيهم ما لكاله ارجال
هز ايده وعليهم گال
سيفي ماتروّنه .. مسلم بالحرب سلطان
نار الغيض بعيونه
****
بدمهم خطط احروفه
لموتي حسين ماعوفه
خله بكل گلب خوفه
وفنهم لو يلاوّنه .. مسلم بالحرب سلطان
نار الغيض بعيونه
****
حتارو ياجها يشردون
يطلع وين مايمشون
بين الخيل يتعثرون
وقائدهم خطف لونه .. مسلم بالحرب سلطان
نار الغيض بعيونه
****
شال الكوفه بيمينه
وطگها لخاطر احسينه
غيره وزود جفينه
جن حيدر يشوفونه .. مسلم بالحرب سلطان
نار الغيض بعيونه
****
تخيل مابقاله انصار
وحده وطشر الكفار
سوه بيهم الما صار
شال العزه بمتونه .. مسلم بالحرب سلطان
نار الغيض بعيونه
****
شامخ مانزل راسه
ذل ايزيد وارجاسه
بجدامه الشمر باسه
سد انفاسهم دونه .. مسلم بالحرب سلطان
نار الغيض بعيونه
****
حلوه اهواي صولاته
مثل الگمر وگفاته
تذبح هاي خزراته
مسلم ما يذلونه .. مسلم بالحرب سلطان
نار الغيض بعيونه
****
لخادم مسلم (ع) سجاد الكربلائي
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36407