tgoop.com/alaa66klf/36402
Last Update:
كعديه ام البنين (ع)
ماوفيت اشعر وهواي مقصره
والحـيدر ما وفـيـتــه
لو عمري و روحي انطيته
اشعر و هواي مقــصره
1
من دخلت البيت حيدر شرف من رب البريه
الله علاني ورفعني خصني وبهاي الهديه
البيت حيدر من دخلته خادمه هوايـه عليه
اول كلامي وي الولي
اتكـلــم وتسـمــح الي
تقبل اصـيــرن ياعلي
خادمه الولـــد الزچيه
ادخلت البيت خدامه الولد الزهره
وللحيـدر لا ما سئلـه
ماوفي البيت واهـلـه
اشعر وهواي امقصره
2
للحسن لمن نظرته فاطـمه صارت اگبالي
الحسن ابن الزهره هذا وخجلت من هذا حالي
خدمتي والطاعه كلها گلت تـثـبتها الليالي
والدنيه چانت شاهده
حاولت اني وجاهــده
للحسن اصبح والــده
وهذا راسمته بخيالي
يقبل كون يعطف و اعليه بنظره
شما اقدم لا ما يكفي
الهذا البيت وما وفي
اشعر وهواي مقصره
3
ومن نظرت حسين حيره مدري اني شصار بيه
راد يطلع من مكانه گلبي من سلم عليه
ابلا شعور اني حضنته وعالارض طحنه سويه
دقـتـت بي زيـن النـظر
وعيوني راحت عالنحر
گتله اجـيـبـنـلـك گــمـر
ايشع ضوه بالغاضريه
اشگد شميت ابني حسين ومن نحره
ما ادري شصار بحـالـي
و لو عمري انطيه للغالي
اشعر وهـــواي مقصره
4
واخجلت من شفت زينب لا ابد مو طفله آيه
وانظـرت عباس بيها چنها تضوي بالعبايه
صيري گدامي يـزينب لا تصـيرين بـورايه
انتي الحبيبه ام الخدر
من عاينت تــاه الفكـر
واتذكرت ضرب الشمر
لو وگع صاحب الرايه
من تبقين وحدچ وعيونچ حمره
مايشبه صبرچ صبري
ولجلچ لو اقدم عمري
اشعر وهواي مقصره
5
ابيت حيدر شرف الها خادمه گضت عمرها
چانت الام الحنونه تخدم ويكبـر قـدرهـا
ضحت بكل ماتملكه حتى يتضاعق آجرهـا
ضحت بشـبـان اربـعـه
ماهـمها جـرح الفاجعه
والگمر فـوگ المشرعه
عـزهـا عباس وفخرها
لجل حسين والخاطر حتى اينصره
لحسين و فدوه اولادي
كل هــــذا ولبن الهادي
اشعر وهواي مقصره
المصيبه
بعد كل هذا صبرهـا ترحل بهاي المسيه
الليله ام عباس تمشي اتسافـر الارض المنيه
والجروح البيها تنزف الصابره الحره الوفيه
ابچي بحزن لام الگمر
وبكل گلب تركت اثـر
ياخذ المهدي المنتظـر
بثارهـا وثار الزچيه
الرحمه والغفران لروح والدي
رياض الرسل الجابري
https://www.tgoop.com/pagy007
BY قناة بستان الألحان الحسينية
Share with your friend now:
tgoop.com/alaa66klf/36402