tgoop.com/ahmed_alziwar2/67397
Last Update:
#قصائد__ ام البنين_♥ _
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار ..
ــــــــــــــــــــــــــــــــــــــــــــــــــــــــ
•السَّلامُ عَلَيكِ يَا أُمَّ البُدُورِ السَّوَاطِع
ــــــــــــــــــــــــــــــــــــــــــــــــــــــــ
شهادة ام البنين
.
.
.
اول لـقاء ابين الاثنين
ام البنين وام الحسين
وتشابــگن دمــعه اويــه دمــعه
واهــل السـمــه ونهــن تسمــعه
ام البنين وام الحسين
***
بعد غيــبه طــويله والتـــقى الجمعان
ام عطشان ملهـــوفه اعله ام عطشان
اللقــاء الحـار چـــوه وجـــنة الــتربان
مشابگ چان مثــل امــشابگ الاغصان
الحچي الملح .. حچي جارح .. من تحچيه المفجوعه
بواچيـــــهن .. ونـــواعيهـــن .. آ يحســين وضلوعه
مو بس دمعهن فاض الاحساس
فاطـــمه مـــن صاحــت يعباس
مفجوعه وي مفجوعه تنعه
واهل السمـــه ونهن تسمعه
ام البينين وام الحسين
***
اتلاگـــن والحــچــي مملوء حنيه
ومحنية ظهر تحچي اويه محنيه
صاح ابهيــده كلـــشي يالكـــلابيه
بعدهي اضـلوع ام حسين محنيه
عالمسلب .. لمن تنحب .. اكـــيداً تنلــچم فـاطم
تره توگع .. اذا تــسمع .. ماضل كلشي بيه سالم
ماكفـه للعسكر يذبحوه
بخيولهم ردو يسحگوه
من سولفن هنه اعــله وضعه
واهــل الـــسمه ونهـن تسمعه
ام البنين وام الحسين
***
اجتمعن والشكر ماينحصي وينـقاس
وگالــت فاطمه لــم الوفـه ابأحساس
يالربيـــتي اخـــو مـــثل الگمر عباس
إجـلالن الفضــلچ شيلــــتچ تنبــــاس
وفي اوافي .. نبـــع صافي .. النطه چفـينه للخوه
فلا قـــصر .. اويه ابو الاكبر .. مات وينزف امروه
ظهر العرش في عـشره عاشور
وي ظــهر ابو الســـجاد مكسور
من طاح اخوه الكلـه فزعه
واهل الســـمه ونهن تسمعه
ام البنين وام الحسين
***
تنحـــب فاطـمه وام الوفـــه تنحب
والدمعات فوگ اخـــدودهــن تلهب
على زينب واويلي اشـصاير ابزينب
السوط امــن الظــرب بمتونها شيب
بلا اخوتها .. وشماتتها .. تشاهــــدها بــــلا كفال
يشتموها .. ويضربوها .. ويسمعوها الي ماينگال
من سمـــعت الزهراء بالشام
ايــام صـــاحت والله ايـــام
مايوم عاف الشـام طبعه
واهل السمه ونهن تسمعه
ام البنين وام الحسين
***
حچــن عن كـــربله ودموعهــن جروان
اوحده اتواسي وحده بلوعه وباشجان
عالرضـــعان يبچـــن مــدري عالــشبان
لو لمتــون زينـــب لو علــى الــــذرعان
الدمع للطف .. فلا ينشف .. آ ياعــــمـلة العـــــاشر
سلب نسوه ..ذبح اخوه .. ومدري اچم صدر كاسر
حقها الزچيه تـــنوح وتنوح
سمعت اباغله انسان مذبوح
ضمن الحچي مر طاري اصبعه
واهـــل الســــمه ونهـن تسمعه
ام البنين وام الحسين
***
حيدر تركي الكربلائي
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://www.tgoop.com/+tVfRCNCfpmJlMGRi
الكروب الثاني 👇
https://www.tgoop.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
BY 2.مؤسسة منبريون لنشر القصائد🧿
Share with your friend now:
tgoop.com/ahmed_alziwar2/67397